یُوحنّا 16:19 - کِتاب مُقدّس سرائیکی ترجمہ

¹⁹ یسُوع ڈِٹھا جو او مَیں کنُوں پُچھنڑ چاہندے ہِن، تاں اُنہاں کُوں آکھیا، ”کیا تُساں آپس ءچ میڈی اِیں گالھ دے بارے ءچ پُچھدے پئے ہیوے جو کُجھ دیر بعد تُساں میکُوں نہ ڈیکھسو تے کُجھ دیر بعد ولا میکُوں ڈیکھ گِھنسو؟

یُوحنّا 16:19 Referans Kwoze

یُوحنّا 16:30

ہُنڑ اساں جاݨ گئے ہیں جو تُساں سبھ کُجھ جانڑدے ہیوے تے اِیندے مُتھاج نئیں جو کوئی تُہاکُوں پُچھے، اِیں سببّوں اساں اِیمان گِھن آئے ہیں جو تُساں خُدا ءچوں نِکلے ہیوے۔“

یُوحنّا 16:16

کُجھ دیر بعد تُساں میکُوں نہ ڈیکھسو تے وَل کُجھ دیر بعد ولا میکُوں ڈیکھ گِھنسو۔“

یُوحنّا 14:19

ایہ دُنیا کُجھ دیر بعد میکُوں نہ ڈیکھ سگسی پر تُساں میکُوں ڈیدھے راہسو۔ کیوں جو مَیں زندہ ہاں، تُساں وی زندہ راہسو۔

یُوحنّا 13:33

بالو! مَیں تھوڑی دیر بِیا تُہاڈے نال ہاں۔ تُساں میکُوں گولھیسو پر جِینویں مَیں یہُودیاں کُوں آکھیا جو ’جِتھاں مَیں ویندا ہاں، اُتھاں تُساں نئیں آ سگدے،‘ اُونویں ای ہُنڑ تُہاکُوں وی آدھا ہاں۔

یُوحنّا 7:33

یسُوع آکھیا، ”مَیں بِیا کُجھ ڈینہاں تئیں تُہاڈے کولھ ہاں، وَل مَیں آپنڑے بھیجنڑ آلے کولھ چلیا ویساں۔

مُکاشفہ 2:23

ہا، مَیں اُوں عورت دے فرزنداں کُوں جان کنُوں مار ڈیساں۔ وَل ساریاں کلیسیاواں کُوں پتا لگ ویسی جو مَیں ای ہاں جیہڑا دِلاں تے ذہناں کُوں پرکھدا ہاں تے مَیں تُہاڈے ءچوں ہر ہِک کُوں اُوندے کماں دے مطابق بدلہ ڈیساں۔

عبرانیوں 4:13

کائنات دی کوئی چیز خُدا دی نظر کنُوں لُکی ہوئی نئیں، بلکہ جیندے حضُور ءچ ساکُوں جواب ڈیونڑے، اُوندی نظر ءچ ہر چیز بے نقاب تے ظاہر ہے۔

یُوحنّا 21:17

یسُوع تریجھی پھیری ولا اُونکُوں آکھیا، ”یُوحنّا دے پوتر شمعون! کیا تُوں میکُوں عزیز رکھیندیں؟“ پطرس ڈُکھی تھی گِیا کیوں جو اُوں اُونکُوں تریجھی پھیری آکھیا ہا، ”کیا تُوں میکُوں عزیز رکھیندیں؟“ اُوں اُونکُوں آکھیا، ”اے خُداوند! تُساں تاں سبھ کُجھ جانڑدے ہیوے۔ تُہاکُوں پتہ ہے جو مَیں تُہاکُوں عزیز رکھیندا ہاں۔“ یسُوع اُونکُوں آکھیا، ”تُوں میڈیاں بھیڈاں چَرا۔

متّی 9:4

یسُوع اُنہاں دے خیال جاݨ گِھدے تے آکھیا جو ”تُساں آپنڑے دل ءچ بُرے گالھیں کیوں سوچیندے ہیوے؟

متّی 6:8

بس اُنہاں دے وانگُوں نہ بنڑو کیوں جو تُہاڈا اسمانی باپ تُہاڈے منگنڑ تُوں وی پہلے تُہاڈیاں ضرورتاں تُوں واقف ہے۔

مرقس 9:32

پر او اِیں گالھ کُوں نہ سمجھدے ہَن تے اُونکُوں پُچھنڑ تُوں ڈر دے ہَن۔

یُوحنّا 6:61

یسُوع ایہ جاݨ تے جو اُوندے شاگرد اِیں گالھ اُتے آپس ءچ بُڑبُڑ کریندے ہِن، اُنہاں کُوں آکھیا، ”کیا تُساں اِیں تُوں تُھڈا کھاندے ہیوے؟

یُوحنّا 16:18

بس او آدھے ریہے جو ”تھوڑی دیر تُوں اُوندا کیا مطلب ہے؟ اساں نئیں جانڑدے جو او کیا آدھے۔“

یُوحنّا 16:23

اُوں ڈینہہ تُساں میڈے تُوں کُجھ نہ پُچھسو۔ مَیں تُہاکُوں سچ آدھا ہاں جو جے تُساں باپ کنُوں میڈے ناں تُوں کُجھ منگسو تاں او تُہاکُوں ڈیسی۔

یُوحنّا 16:26

اُوں ڈینہہ تُساں میڈے ناں تُوں منگسو تے میکُوں تُہاڈے کیتے باپ کُوں درخاست کرݨ دی ضرورت نہ ہوسی۔