یُوحنّا 16:17 - کِتاب مُقدّس سرائیکی ترجمہ

¹⁷ اِیں تُوں اُوندے بعض شاگرداں آپس ءچ آکھیا جو ”ایہ کیا ہے جیہڑا او ساکُوں اکھیندے جو ’کُجھ دیر بعد تُساں میکُوں نہ ڈیکھسو تے کُجھ دیر بعد ولا ڈیکھ گِھنسو‘ تے ’کیوں جو مَیں باپ دے کولھ ویندا ہاں‘؟“

یُوحنّا 16:17 Referans Kwoze

یُوحنّا 16:16

کُجھ دیر بعد تُساں میکُوں نہ ڈیکھسو تے وَل کُجھ دیر بعد ولا میکُوں ڈیکھ گِھنسو۔“

یُوحنّا 16:5

پر ہُنڑ مَیں آپنڑے بھیجنڑ آلے دے کولھ ویندا ہاں تے تُہاڈے ءچوں کوئی میکُوں نئیں پُچھدا جو تُوں کِتھاں ویندیں؟

مرقس 9:32

پر او اِیں گالھ کُوں نہ سمجھدے ہَن تے اُونکُوں پُچھنڑ تُوں ڈر دے ہَن۔

یُوحنّا 16:19

یسُوع ڈِٹھا جو او مَیں کنُوں پُچھنڑ چاہندے ہِن، تاں اُنہاں کُوں آکھیا، ”کیا تُساں آپس ءچ میڈی اِیں گالھ دے بارے ءچ پُچھدے پئے ہیوے جو کُجھ دیر بعد تُساں میکُوں نہ ڈیکھسو تے کُجھ دیر بعد ولا میکُوں ڈیکھ گِھنسو؟

یُوحنّا 14:5

توما اُونکُوں آکھیا، ”مالک! اساں نئیں جانڑدے جو تُساں کِتھاں ویندے ہیوے، وَل راہ کِینویں جانڑوں؟“

یُوحنّا 12:16

اُوں ویلے تاں اُوندے شاگرد ایہ گالھیں نہ سمجھے پر جِیں ویلے یسُوع آپنڑے جلال کُوں پُجیا تاں اُنہاں کُوں یاد آیا جو ایہ سارے گالھیں اُوندے بارے ءچ لِکھیاں ہَن تے لوکاں اُوندے نال ایہ سلوک کیتا ہا۔

لُوقا 18:34

پر شاگرداں کُوں ایہ گالھیں بالکل سمجھ نہ آئیاں۔ اِنہاں گالھیں دا مطلب اُنہاں تُوں لُکیا ریہا تے او نہ سمجھے جو او کیا آدھے۔

مرقس 9:10

اُنہاں اِیں کلام کُوں یاد رکھیا پر آپس ءچ تکرار کریندے ہَن جو ”مُردیاں ءچوں جی اُٹھنڑ“ دا کیا مطلب ہے؟

یُوحنّا 16:1

”مَیں ایہ گالھیں اِیں واسطے تُہاکُوں آکھیاں جو تُساں تُھڈا نہ کھاؤ۔

یُوحنّا 14:22

وَل اُوں یہُوداہ جیہڑا اِسکریُوتی نہ ہا اُونکُوں آکھیا، ”مالک! کیا وجہ ہے جو تُساں آپنڑے آپ کُوں ساڈے اُتے تاں ظاہر کریسو پر دُنیا اُتے نئیں؟“

لُوقا 9:45

پر شاگرد اِیں گالھ کُوں نہ سمجھدے ہَن بلکہ ایہ اُنہاں کنُوں لُکائی گئی تاں جو اُنہاں کُوں پتہ نہ لگے۔ تے اِیں گالھ دے بارے ءچ اُوندے کنُوں پُچھنڑ تُوں ڈردے ہَن۔

یُوحنّا 16:18

بس او آدھے ریہے جو ”تھوڑی دیر تُوں اُوندا کیا مطلب ہے؟ اساں نئیں جانڑدے جو او کیا آدھے۔“