یُوحنّا 15:4 - کِتاب مُقدّس سرائیکی ترجمہ

⁴ تُساں میڈے ءچ قائم راہو تے مَیں تُہاڈے ءچ قائم راہساں۔ جِینویں ٹاہنڑی جے انگُور دی ویل ءچ قائم نہ راہوے تاں آپنڑے آپ تُوں پھل نئیں ڈے سگدی، اُونویں ای تُساں وی جے میڈے ءچ قائم نہ راہو تاں پھل نئیں ڈے سگدے۔

یُوحنّا 15:4 Referans Kwoze

1 یُوحنّا 2:6

جیہڑا کوئی آدھے جو میں خُدا ءچ قائم ہاں تاں اُونکُوں چاہیدے جو او وی اُونویں ای زندگی گُزارے جِینویں مسیح گُزاری۔

گلتِیوں 2:20

مَیں مسیح نال صلیب اُتے چڑھایا گِیا ہاں تے ہُنڑ مَیں زندہ نہ ریہا بلکہ مسیح میڈے ءچ زندہ ہے۔ تے جیہڑی زندگی مَیں ہُنڑ گُزریندا پِیا ہاں او خُدا دے پوتر اُتے اِیمان گِھن آوݨ نال گُزریندا پِیا ہاں، جئیں میڈے نال محبت رکھی تے میڈے کیتے آپنڑی جان ڈے ڈِتی۔

یُوحنّا 8:31

بس یسُوع اُنہاں یہُودیاں کُوں جیہڑے اُوندے اُتے اِیمان گِھن آئے ہَن آکھیا جو ”جے تُساں میڈے کلام اُتے قائم راہسو تاں حقیقت ءچ میڈے شاگرد ہوسو،

2 یُوحنّا 1:9

ہر کوئی جیہڑا مسیح دی تعلیم اُتے قائم نئیں راہندا بلکہ اگُوں ودھ ویندے، اُوندے کولھ خُدا نئیں۔ جیہڑا وی یسُوع دی تعلیم اُتے قائم راہندے اُوندے کولھ باپ تے پوتر ڈُوہائیں ہِن۔

یُوحنّا 6:56

جیہڑا کوئی میڈا گوشت کھاندے تے میڈا خون پِیندے، او میڈے ءچ قائم راہندے تے مَیں اُوندے ءچ۔

فِلِپّیوں 1:11

تے یسُوع مسیح دے وسیلے نال راستبازی دے پھل نال بھریندے راہو۔ تے اِینویں خُدا دے جلال دی تعریف تھیوے۔

یُوحنّا 14:20

اُوں ڈینہہ تُساں جاݨ گِھنسو جو مَیں آپنڑے باپ ءچ ہاں تے تُساں میڈے ءچ ہیوے تے مَیں تُہاڈے ءچ۔

لُوقا 8:15

پر چنگی زمین آلے او ہِن جیہڑے کلام کُوں سُنڑ تے سچے تے نیک دل ءچ سنبھالی رکھیندن تے صبر نال پھل گِھن آندے ہِن۔

2کُرِنتھِیوں 13:5

تُساں آپنڑے آپ کُوں ازما تے پتا کرو جو اِیمان ءچ ہیوے یا نئیں۔ آپنڑے آپ کُوں پرکھو۔ کیا تُساں آپنڑے بارے ءچ ایہ نئیں جانڑدے جو یسُوع مسیح تُہاڈے ءچ ہے؟ نہ تاں تُساں اِیمان دے اِمتحان ءچ ناکام ہیوے۔

کلُسِّیوں 2:6

بس جِینویں تُساں مسیح یسُوع کُوں آپنڑا خُداوند قبول کر گِھدے، اُونویں ای اُوندے ءچ چلدے راہو۔

کلُسِّیوں 1:27

خُدا اُنہاں اُتے ایہ ظاہر کرݨ چاہندا ہا جو او راز غیر قوماں کیتے کِتنا بیش قیمت تے جلال آلا ہے۔ تے او راز ایہ ہے جو مسیح جیہڑا جلال دی اُمید ہے، تُہاڈے ءچ راہندے۔

اعمال 14:22

تے شاگرداں دے دِلاں کُوں مضبوط کریندے تے ایہ نصیحت کریندے ہَن جو ”آپنڑے اِیمان اُتے قائم راہو“ تے آدھے ہَن ”ضرور ہے جو اساں بہُوں ساریاں مُصیبتاں سہہ تے خُدا دی بادشاہی ءچ داخل تھیؤں۔“

یُوحنّا 17:23

مَیں اُنہاں ءچ تے تُوں میڈے ءچ تاں جو او کامِل طور تے ہِک تھی ونجنڑ تے دُنیا جاݨ گِھنے جو تُوں ای میکُوں بھیجیا تے جِینویں تُوں میڈے نال محبت رکھی، اُنہاں نال وی محبت رکھی ہے۔

اِفِسیوں 3:17

تے تُہاڈے اِیمان دے وسیلے نال مسیح تُہاڈے دِلاں ءچ راہوے۔ مَیں ایہ وی دُعا کریندا ہاں جو تُساں محبت ءچ جڑھ پکڑ تے، تے محبت دی بنیاد اُتے قائم تھی تے

اعمال 11:23

جِیں ویلے او اُتھاں پُجیا تاں لوکاں اُتے خُدا دا فضل ڈیکھ تے بہُوں خوش تھیّا تے اُنہاں سبھ کُوں نصیحت کیتی جو پُورے دل نال خُداوند دے وفادار بنڑے راہو۔

کلُسِّیوں 1:23

پر شرط ایہ ہے جو تُساں آپنڑے اِیمان دی بنیاد اُتے مضبوطی نال قائم راہو تے خوشخبری دی اُوں اُمید کُوں نہ چھوڑو جیہڑی تُہاکُوں خوشخبری سُنڑن نال مِلی ہے۔ خوشخبری دی تبلیغ اسمان دے تلے ساری مخلوقات ءچ کیتی گئی ہے تے مَیں پولُس اُوندا خادم بنڑیا۔

1تھِسّلُنیکیوں 3:5

اِیں واسطے جڈاں مَیں مزید برداشت نہ کر سگیا تاں تُہاڈے اِیمان دا حال پتا کرݨ کیتے تِیمُتِھیُس کُوں بھیجیا، کِتھائیں اِینویں نہ تھیوے جو شیطان تُہاکُوں ازمایا ہووے تے ساڈی محنت بے فائدہ تھی گئی ہووے۔

عبرانیوں 10:39

پر اساں پِچھاں ہٹ تے ہلاک تھیوݨ آلے نئیں، بلکہ اِیمان رکھ تے نجات پاوݨ آلے ہیں۔

متّی 12:33

یا تاں درخت کُوں چنگا آکھو تے اُوندے پھل کُوں وی چنگا، یا درخت کُوں وی بُرا آکھو تے اُوندے پھل کُوں وی بُرا، کیوں جو درخت آپنڑے پھل کنُوں سُنجانڑیا ویندے۔