یُوحنّا 15:27 - کِتاب مُقدّس سرائیکی ترجمہ

²⁷ تے تُساں وی گواہی ڈیسو کیوں جو شروع کنُوں میڈے نال ہیوے۔“

یُوحنّا 15:27 Referans Kwoze

1 یُوحنّا 4:14

اساں ڈیکھ گِھدے تے ہُنڑ گواہی ڈیندے ہیں جو باپ آپنڑے پوتر کُوں دُنیا دا نجات ڈیوݨ آلا بنڑا تے بھیج ڈِتے۔

یُوحنّا 21:24

ایہ اُوہو شاگرد ہے جیہڑا اِنہاں گالھیں دی گواہی ڈیندے تے جئیں اِنہاں کُوں لِکھیا ہے تے اساں جانڑدے ہیں جو اُوندی گواہی سچی ہے۔

لُوقا 24:48

تُساں اِنہاں گالھیں دے گواہ ہیوے۔

اعمال 23:11

اُونہی رات خُداوند پولُس دے کولھ آ کھڑا تھیّا تے آکھیا، ”حوصلہ رکھ، جِینویں تَیں یروشلیم ءچ میڈی گواہی ڈِتی ہے، اُونویں ای تیکُوں روم ءچ گواہی ڈیونڑی پوسی۔“

1 پطرس 5:12

مَیں سِیلاس دے ہتھ جیہڑا میڈی نظر ءچ ہِک وفادار بِھرا ہے، ایہ مختصر خط لِکھوا تے تُہاکُوں بھیجیا ہے تاں جو تُہاڈی حوصلہ افزائی تھیوے۔ مَیں گواہی ڈیندا ہاں جو خُدا دا سچا فضل اِیہو ہے۔ اِیندے اُتے قائم راہو۔

1 پطرس 5:1

تُساں جیہڑے کلیسیا دے بزُرگ ہیوے، میں تُہاکُوں ہِک بزُرگ، مسیح دے ڈُکھاں دا گواہ، تے اُوندے ظاہر تھیوݨ آلے جلال ءچ شریک تھیوݨ آلے دی حیثیت نال ایہ نصیحت کریندا ہاں جو

اعمال 4:20

کیوں جو ممکن نئیں جو اساں جیہڑا کُجھ ڈِٹھا تے سُنڑیا ہے، اُوندا ذِکر نہ کرُوں۔“

اعمال 1:8

پر جِیں ویلے رُوح القُدس تُہاڈے اُتے نازل تھیسی تاں تُہاکُوں قوت مِلسی تے تُساں یروشلیم تے یہُودیہ تے سامریہ دے سارے علاقے ءچ بلکہ زمین دی اِنتہا تئیں میڈے گواہ ہوسو۔“

مُکاشفہ 1:9

مَیں یُوحنّا، تُہاڈا بِھرا تے یسُوع دی پیروی کریندے ہوئے ڈُکھ، بادشاہی تے صبر ءچ تُہاڈا شریک ہاں۔ مَیں خُدا دا کلام سُنڑاوݨ تے یسُوع دی گواہی ڈیوݨ دی وجہ کنُوں اُوں جزیرہ اُتے بھیجیا گِیا ہم جیہڑا پتمُس اکھویندے۔

مُکاشفہ 1:2

تے جیہڑا کُجھ یُوحنّا ڈِٹھا، اُوں اُوندی گواہی ڈِتی ہے بھانویں او خُدا دے کلام دی گواہی ہووے یا یسُوع مسیح دی۔

اعمال 18:5

جِیں ویلے سِیلاس تے تِیمُتِھیُس مَکِدُنیہ تُوں آئے تاں پولُس آپنڑا سارا وقت کلام دی تبلیغ کرݨ ءچ گُزارݨ لگا۔ او یہُودیاں دے سامنڑے گواہی ڈیندا ہا جو یسُوع ای المسیح ہے۔

اعمال 13:31

تے جیہڑے لوک گلیل کنُوں اُوندے نال یروشلیم آئے ہَن، او اُنہاں کُوں بہُوں ڈینہاں تئیں ڈِکھالی ڈِتا۔ ہُنڑ اُوہو لوک اُمت دے سامنڑے اُوندے گواہ ہِن۔

اعمال 4:33

تے رسُول وڈی قُدرت نال خُداوند یسُوع دے مُردیاں ءچوں زندہ تھیوݨ دی گواہی ڈیندے ہَن۔ تے اُنہاں ساریاں اُتے خُدا دا وڈا فضل ہا

یُوحنّا 19:35

جئیں ایہ ڈِٹھے اُوں گواہی ڈِتی ہے تے اُوندی گواہی سچی ہے تے او جانڑدا ہے جو سچ آدھا ہے تاں جو تُساں وی اِیمان گِھن آؤ۔

اعمال 3:15

تُساں زندگی دے مالک کُوں قتل کر ڈِتا جِینکُوں خُدا مُردیاں ءچوں زندہ کیتا۔ اساں اِیندے گواہ ہیں۔

مرقس 1:1

خُدا دے پوتر یسُوع مسیح دے بارے ءچ خوشخبری دا شروع ایہ ہے۔