یُوحنّا 15:26 - کِتاب مُقدّس سرائیکی ترجمہ

²⁶ پر جِیں ویلے او مددگار آسی جِینکُوں مَیں تُہاڈے کولھ باپ دی طرفوں بھجیساں، یعنی سچائی دا رُوح جیہڑا باپ دی طرفوں صادر تھیندا ہے تاں او میڈی گواہی ڈیسی۔

یُوحنّا 15:26 Referans Kwoze

یُوحنّا 14:26

پر او مددگار یعنی رُوح القُدس جِینکُوں میڈا باپ میڈے ناں نال بھجیسی، اُوہو تُہاکُوں سارے گالھیں سکھیسی تے جیہڑا کُجھ مَیں تُہاکُوں آکھیا ہے، او سبھ تُہاکُوں یاد ڈیویسی۔

اعمال 5:32

اساں اِنہاں گالھیں دے گواہ ہیں تے رُوح القُدس وی، جیہڑا خُدا آپنڑے فرمانبرداراں کُوں عطا فرمائے۔“

اعمال 15:8

تے خُدا جیہڑا دِلاں دا حال جانڑدے، اُنہاں کُوں وی ساڈے آلی کار رُوح القُدس ڈے تے گواہی ڈِتی جو اُوں اُنہاں کُوں قبول کر گِھدے،

لُوقا 24:49

تے ڈیکھو، مَیں تُہاڈے اُتے اُونکُوں نازل کریساں جِیندا وعدہ میڈے باپ کیتے، پر جئیں تئیں تُہاکُوں اسمان کنُوں قوت نہ مِلے اِیں شہر ءچ ٹِکے راہو۔“

مُکاشفہ 22:1

وَل اُوں فرشتے میکُوں زندگی دے پانڑی دا دریا ڈِکھایا جیہڑا بَلّور آلی کار بالکل صاف ہا۔ او خُدا تے لیلے دے تخت کنُوں نِکل تے

عبرانیوں 2:4

نال ای خُدا آپنڑی مرضی دے مطابق نشاناں، عجیب کماں، قِسم قِسم دے معجزیاں تے رُوح القُدس دیاں ونڈیاں ہوئیاں نعمتاں دے ذریعے خود وی اُوندی گواہی ڈیندا ریہا۔

1کُرِنتھِیوں 1:6

اِینویں مسیح دے بارے ءچ ساڈی گواہی تُہاڈے ءچ چنگی طرحاں قائم تھی گئی ہے۔

یُوحنّا 16:7

پر مَیں تُہاکُوں سچ آدھا ہاں جو میڈا ونجنڑ تُہاڈے کیتے فائدہ مند ہے کیوں جو جے مَیں نہ وَنجاں تاں او مددگار تُہاڈے کولھ نہ آسی پر جے مَیں ویساں تاں اُونکُوں تُہاڈے کولھ بھیج ڈیساں۔

یُوحنّا 8:42

یسُوع اُنہاں کُوں آکھیا، ”جے خُدا تُہاڈا باپ ہوندا تاں تُساں میڈے نال محبت کریندے، اِیں واسطے جو مَیں خُدا ءچوں نِکلیا تے آیا ہاں۔ مَیں آپنڑی مرضی نال نئیں آیا بلکہ اُوں میکُوں بھیجیا ہے۔

اعمال 1:4

جِیں ویلے او اُنہاں دے نال ہا تاں اُوں اُنہاں کُوں حُکم ڈِتا، ”یروشلیم کنُوں باہر نہ وَنجائے بلکہ باپ دے اُوں وعدے دے پُورے تھیوݨ دا اِنتظار کرائے جِیندا ذِکر تُساں مَیں کنُوں سُنڑ چُکے ہیوے۔