یُوحنّا 15:21 - کِتاب مُقدّس سرائیکی ترجمہ

²¹ پر او ایہ سبھ کُجھ میڈے ناں دی وجہ تُوں تُہاڈے نال کریسن کیوں جو او میڈے بھیجنڑ آلے کُوں نئیں جانڑدے۔

یُوحنّا 15:21 Referans Kwoze

متّی 10:22

تے میڈے ناں دے سببّوں سبھ لوک تُہاڈے نال دُشمنڑی رکھیسن پر جیہڑا آخر تئیں برداشت کریسی اُوہو نجات پیسی۔

یُوحنّا 16:3

تے او ایہ اِیں واسطے کریسن جو اُنہاں نہ تاں باپ کُوں جانڑیا نہ میکُوں۔

یُوحنّا 8:19

اُنہاں پُچھیا، ”تیڈا باپ کِتھاں ہے؟“ یسُوع جواب ڈِتا، ”نہ تُساں میکُوں جانڑدے ہیوے، نہ ای میڈے باپ کُوں۔ جے میکُوں جانڑدے تاں میڈے باپ کُوں وی جانڑدے۔“

متّی 24:9

اُوں ویلے لوک تُہاکُوں پکڑ تے سخت سزاواں ڈیسن تے قتل کریسن۔ تے سبھ قوماں میڈے ناں دے سببّوں تُہاڈے نال دُشمنڑی رکھیسن۔

متّی 10:18

تُساں میڈی وجہ کنُوں حاکماں تے بادشاہاں دے سامنڑے حاضر کیتے ویسو تاں جو اُنہاں، تے غیر قوماں کیتے گواہی ہووے۔

اعمال 5:41

بس رسُول عدالت ءچوں اِیں گالھ تُوں خوش تھی تے چلے گئے جو اساں یسُوع دے ناں دی خاطر بے عزت تھیوݨ دے لائق تاں تھئے۔

مُکاشفہ 2:3

تے تُوں صبر کریندا ہیں تے میڈے ناں دی خاطر مُصیبت برداشت کریندے کریندے نئیں تھکدا۔

2تھِسّلُنیکیوں 1:8

او اُنہاں کُوں سزا ڈیسی جیہڑے خُدا کُوں نئیں جانڑدے تے ساڈے خُداوند یسُوع دی خوشخبری کُوں نئیں منیندے۔

1کُرِنتھِیوں 15:34

چنگی طرحاں ہوش ءچ آؤ تے گُناہ نہ کرو۔ کیجھی شرم دی گالھ ہے جو ہُنڑ وی تُہاڈے ءچوں کُجھ خُدا کُوں نئیں جانڑدے۔ ایہ میں تُہاکُوں شرم ڈیواوݨ کیتے آدھا ہاں۔

1کُرِنتھِیوں 2:8

اِیں جہان دے حاکماں ءچوں کہیں وی اِیں حِکمت کُوں نہ سمجھیا۔ جے سمجھ گِھندے تاں جلال دے خُداوند کُوں صلیب اُتے نہ چڑھیندے۔

رومیوں 1:28

تے جِینویں اُنہاں خُدا کُوں جاننڑاں پسند نہ کیتا، اِینویں ای خُدا وی اُنہاں کُوں گندے خیالاں دے حوالے کر ڈِتا جو نامناسب کم کرݨ۔

اعمال 17:23

کیوں جو جِیں ویلے مَیں تُہاڈے شہر ءچ پِھردا پِیا ہم تاں میڈی نِگاہ تُہاڈے معبُوداں اُتے وی پئی۔ مَیں ڈِٹھا جو ہِک قُربان گاہ اُتے ایہ لِکھیا ہا ’نا معلوم خُدا کیتے۔‘ بس جِینکُوں تُساں بغیر جانڑدے ہوئے پُوجدے ہیوے، مَیں تُہاکُوں اُونہی دی خبر ڈیندا ہاں۔

اعمال 9:16

تے مَیں اُونکُوں ڈِکھا ڈیساں جو میڈے ناں دی خاطر اُونکُوں کتنا ڈُکھ جھلنڑا پوسی۔“

اعمال 3:17

تے ہُنڑ میڈے بِھراؤ! مَیں جانڑدا ہاں جو تُساں ایہ کم نادانی ءچ کیتا تے اِینویں ای تُہاڈے سرداراں وی۔

یُوحنّا 8:54

یسُوع جواب ڈِتا، ”جے مَیں آپنڑی تعریف آپ کراں تاں او تعریف کہیں کم دی نئیں، پر میڈا باپ جِینکُوں تُساں آپنڑا خُدا آدھے ہیوے، اُوہو میڈی تعریف کریندے۔

لُوقا 6:22

جِیں ویلے اِبنِ آدم دی وجہ کنُوں لوک تُہاڈے نال نفرت رکھیسن تے تُہاکُوں خارج کر ڈیسن تے لعن طعن کریسن تے تُہاڈی بدنامی کریسن تاں تُساں مُبارک ہوسو۔

متّی 10:39

جیہڑا کوئی آپنڑی جان بچیندے او اُونکُوں ونجیسی تے جیہڑا میڈی خاطر آپنڑی جان ونجیندے، او اُونکُوں پیسی۔

متّی 5:11

مُبارک ہوسو تُساں جِیں ویلے لوک تُہاکُوں میڈے سببّوں لعن طعن کریسن تے طرحاں طرحاں دے بُرے گالھیں تُہاڈے بارے ءچ نا حق اکھیسن۔

مرقس 13:13

تے میڈے ناں دے سببّوں سبھ لوک تُہاڈے نال دُشمنڑی رکھیسن پر جیہڑا آخر تئیں برداشت کریسی اُوہو نجات پیسی۔

لُوقا 21:12

پر ایہ سبھ کُچھ تھیوݨ کنُوں پہلے او تُہاکُوں میڈے ناں دی وجہ کنُوں گرفتار کریسن تے ڈُکھ ڈیسن، تے عبادت خانیاں دیاں عدالتاں ءچ پیش کریسن، تے قید خانیاں ءچ سَٹویسن، تے بادشاہاں تے حاکماں دے سامنڑے پیش کریسن۔

لُوقا 21:17

تے میڈے ناں دے سببّوں سبھ لوک تُہاڈے نال دُشمنڑی رکھیسن۔

یُوحنّا 8:55

تُساں اُونکُوں نئیں جانڑیا، پر مَیں اُونکُوں جانڑدا ہاں تے جے آکھاں جو اُونکُوں نئیں جانڑدا تاں تُہاڈے وانگُوں کُوڑا ہوساں۔ پر مَیں اُونکُوں جانڑدا ہاں تے اُوندے کلام اُتے عمل کریندا ہاں۔

یُوحنّا 15:24

جے مَیں اُنہاں ءچ او کم نہ کریندا جیہڑے کہیں ڈُوجھے نئیں کیتے تاں او گُنہگار نہ ہوندے پر ہُنڑ اُنہاں ایہ سبھ ڈِٹھا تے وَل وی میڈے تے میڈے باپ ڈوہائیں نال نفرت کیتی ہے۔

یُوحنّا 17:25

عادل باپ! دُنیا تاں تیکُوں نئیں جانڑدی پر مَیں تیکُوں جانڑدا ہاں تے اِنہاں بندیاں وی جاݨ گِھدے جو تُوں میکُوں بھیجیا ہے،

اعمال 4:17

پر اِیں واسطے جو ایہ گالھ لوکاں ءچ مزید مشہور نہ تھیوے، اساں اُنہاں کُوں دڑکے ڈیسوں جو ولا یسُوع دا ناں گِھن تے کہیں نال گالھ نہ کرݨ۔“

اعمال 9:14

تے اِتھاں اِینکُوں سردار کاہِناں دی طرفوں اِختیار مِلیا ہے جو جیہڑے لوک تیڈا ناں گِھندے ہِن اُنہاں ساریاں کُوں گرفتار کر گِھنے۔“

اعمال 26:9

ہِک وقت ہا جڈاں مَیں یسُوع ناصری دے ناں دی ہر طرحاں مخالفت کرݨ آپنڑا فرض سمجھدا ہم۔

1 یُوحنّا 3:1

ڈیکھو باپ ساڈے نال کیجھی محبت کیتی ہے جو اساں خُدا دے فرزند اکھویندے ہیں۔ تے اساں واقعی ہیں وی۔ دُنیا ساکُوں اِیں واسطے نئیں جانڑدی جو اِیں اُونکُوں وی نہ جانڑیا۔

3 یُوحنّا 1:7

کیوں جو او مسیح دے ناں دی خاطر خدمت کیتے نِکلے ہِن، تے غیر اِیمانداراں تُوں کُجھ نئیں گِھندے۔