یُوحنّا 15:19 - کِتاب مُقدّس سرائیکی ترجمہ

¹⁹ جے تُساں دُنیا دے ہوندے تاں دُنیا تُہاکُوں آپنڑا سمجھ تے عزیز رکھیندی پر کیوں جو تُساں دُنیا دے نئیں بلکہ مَیں تُہاکُوں دُنیا ءچوں چُنڑ گِھدے اِیں واسطے دُنیا تُہاڈے نال نفرت کریندی ہے۔

یُوحنّا 15:19 Referans Kwoze

یُوحنّا 15:16

تُساں میکُوں نئیں چُنڑیا بلکہ مَیں تُہاکُوں چُنڑیا تے مقرر کیتے جو تُساں وَنج تے پھل گِھن آؤ تے تُہاڈا پھل قائم راہوے، تاں جو جیہڑا کُجھ تُساں میڈے ناں تُوں باپ کنُوں منگو، او تُہاکُوں ڈیوے۔

1 یُوحنّا 3:12

قائن وانگُوں نہ بنڑو جیہڑا ابلیس دا بندہ ہا تے جئیں آپنڑے بِھرا کُوں قتل کیتا۔ اُوں کیوں اُونکُوں قتل کیتا؟ اِیں واسطے جو اُوندے کم بُرے ہَن پر اُوندے بِھرا دے نیک۔

لُوقا 6:32

جے تُساں صرف اُنہاں لوکاں نال ای محبت رکھو جیہڑے تُہاڈے نال محبت رکھیندے ہِن تاں تُہاڈا کیا احسان ہے؟ کیوں جو گُنہگار وی آپنڑے محبت رکھنڑ آلیاں نال محبت رکھیندے ہِن۔

1 پطرس 4:3

تُساں پہلے ای آپنڑی زندگی دا بہُوں وقت اُوہو کرݨ ءچ گُزار ڈِتے جیہڑا غیر قوماں کُوں پسند ہے یعنی شہوت پرستی، بُریاں خواہشاں، شراب پِیوݨ، نچنڑ گاوݨ، نشے بازی تے بُت پرستی ءچ، جیہڑا بہُوں مکرُوہ کم ہے۔

مُکاشفہ 12:17

وَل اژدہے کُوں عورت اُتے بہُوں کاوڑ آئی تے او اُوندے باقی بالاں نال یعنی اُنہاں نال جیہڑے خُدا دے حُکماں اُتے عمل کریندے ہِن تے یسُوع دی گواہی ڈیوݨ اُتے قائم ہِن، جنگ کرݨ گِیا۔

مُکاشفہ 12:9

تے او وڈا اژدہا یعنی اُوہو پُرانڑا نانگ جِیندا ناں ابلیس تے شیطان ہے تے جیہڑا ساری دُنیا کُوں گُمراہ کریندے، او تے اُوندے فرشتے وی زمین اُتے سَٹ ڈِتے گئے۔

متّی 10:22

تے میڈے ناں دے سببّوں سبھ لوک تُہاڈے نال دُشمنڑی رکھیسن پر جیہڑا آخر تئیں برداشت کریسی اُوہو نجات پیسی۔

متّی 24:9

اُوں ویلے لوک تُہاکُوں پکڑ تے سخت سزاواں ڈیسن تے قتل کریسن۔ تے سبھ قوماں میڈے ناں دے سببّوں تُہاڈے نال دُشمنڑی رکھیسن۔

یُوحنّا 6:70

یسُوع اُنہاں کُوں جواب ڈِتا، ”کیا مَیں تُساں بارہاں کُوں نئیں چُنڑ گِھدا؟ وَل وی تُہاڈے ءچوں ہِک شیطان ہے۔“

یُوحنّا 13:18

مَیں تُساں ساریاں دے بارے ءچ نئیں آدھا۔ جِنہاں کُوں مَیں چُنڑیا ہے مَیں اُنہاں کُوں جانڑدا ہاں۔ پر کلام دی ایہ گالھ پُوری تھیوݨ ضرور ہے جو جیہڑا میڈی روٹی کھاندے اُوہو میڈے اُتے لَت چیندے۔

یعقُوب 4:4

خُدا نال بے وفائی کرݨ آلیو! کیا تُہاکُوں پتہ نئیں جو دُنیا نال دوستی رکھنڑ خُدا نال دُشمنڑی کرݨ ہے؟ اِیں واسطے جیہڑا کوئی دُنیا دا دوست بنڑݨ چاہندے او خُدا دا دُشمنڑ بنڑ ویندے۔