یُوحنّا 14:9 - کِتاب مُقدّس سرائیکی ترجمہ

⁹ یسُوع اُونکُوں آکھیا، ”فِلپُس! مَیں اِتی عرصے تُوں تُہاڈے نال ہاں، کیا تُوں میکُوں نئیں جانڑدا؟ جئیں میکُوں ڈِٹھے، اُوں باپ کُوں ڈِٹھے۔ تُوں کیوں آدھیں جو ساکُوں باپ ڈِکھا؟

یُوحنّا 14:9 Referans Kwoze

کلُسِّیوں 1:15

مسیح اَن ڈِٹھے خُدا دی ظاہری صورت ہے تے ساری مخلوقات اُتے پلوٹھا ہے۔

یُوحنّا 12:45

تے جیہڑا میکُوں ڈیدھے، او میڈے بھیجنڑ آلے کُوں ڈیدھے۔

یُوحنّا 14:7

جے تُساں میکُوں جاݨ گِھدا ہوندا تاں میڈے باپ کُوں وی جانڑدے۔ ہُنڑ تُساں اُونکُوں جاݨ گئے ہیوے بلکہ اُونکُوں ڈیکھ گِھدے۔“

عبرانیوں 1:3

پوتر خُدا دے جلال دی چمک تے اُوندی ذات دا عین نقش ہے، تے او آپنڑے قُدرت آلے کلام نال سبھ چیزاں کُوں سنبھلیندے۔ او گُناہاں تُوں پاک کرݨ تُوں بعد اسمان اُتے عظیم خُدا دے سجے پاسے وَنج بیٹھا۔

یُوحنّا 10:30

مَیں تے میڈا باپ ہِکو ہاں۔“

یُوحنّا 1:14

کلام جِسم اِختیار کیتا تے ساڈے وچال راہندا ریہا۔ اساں اُوندا جلال ڈِٹھا جیہڑا فضل تے سچائی نال بھریا ہویا ہا، ایجھا جلال جِینویں باپ دے اِکلوتے پوتر دا ہوندے۔

فِلِپّیوں 2:6

بھانویں او خُدا دی صورت اُتے ہا، وَل وی اُوں خُدا دے برابر ہووݨ کُوں آپنڑے قبضہ ءچ رکھنڑ دی چیز نہ سمجھیا۔

یُوحنّا 14:20

اُوں ڈینہہ تُساں جاݨ گِھنسو جو مَیں آپنڑے باپ ءچ ہاں تے تُساں میڈے ءچ ہیوے تے مَیں تُہاڈے ءچ۔

مرقس 9:19

یسُوع جواب ءچ اُنہاں کُوں آکھیا، ”بےاعتقادو! مَیں کڈݨ تئیں تُہاڈے نال راہساں؟ کڈݨ تئیں تُہاڈی برداشت کریساں؟ اُونکُوں میڈے کولھ گِھن آؤ۔“

لُوقا 12:56

منافقو! تُساں زمین تے اسمان دی حالت ڈیکھ تے اُوندا مطلب سمجھ ویندے ہیوے پر اِیں زمانے دے دی حالت ڈیکھ تے کیوں نئیں سمجھ سگدے؟

1کُرِنتھِیوں 15:12

جڈاں مسیح دے مُردیاں ءچوں زندہ تھیوݨ دی تبلیغ کیتی ویندی ہے تاں تُہاڈے ءچوں کُجھ کِینویں اکھیندے ہِن جو مُردیاں دی قیامت نئیں ہوندی؟

یُوحنّا 8:19

اُنہاں پُچھیا، ”تیڈا باپ کِتھاں ہے؟“ یسُوع جواب ڈِتا، ”نہ تُساں میکُوں جانڑدے ہیوے، نہ ای میڈے باپ کُوں۔ جے میکُوں جانڑدے تاں میڈے باپ کُوں وی جانڑدے۔“

1 یُوحنّا 5:20

اساں ایہ وی جانڑدے ہیں جو خُدا دا پوتر آ گِیا ہے تے اُوں ساکُوں سمجھ بخشی ہے تاں جو برحق خُدا کُوں جانڑوں۔ تے اساں اُوندے ءچ ہیں جیہڑا برحق ہے یعنی اُوندے پوتر یسُوع مسیح ءچ۔ حقیقی خُدا تے ہمیشاں دی زندگی اُوہو ہے۔