یُوحنّا 14:23 - کِتاب مُقدّس سرائیکی ترجمہ

²³ یسُوع جواب ءچ اُونکُوں آکھیا جو ”جے کوئی میڈے نال محبت کریندے تاں او میڈے کلام اُتے عمل کریسی تے میڈا باپ اُوندے نال محبت کریسی تے اساں اُوندے کولھ آسُوں تے اُوندے نال راہسوں۔

یُوحنّا 14:23 Referans Kwoze

یُوحنّا 14:21

جیندے کولھ میڈے حُکم ہِن تے او اُنہاں کُوں منیندے، اُوہو میڈے نال محبت کریندے۔ تے جیہڑا میڈے نال محبت کریندے او میڈے باپ دا پیارا ہوسی تے مَیں اُوندے نال محبت رکھیساں تے آپنڑے آپ کُوں اُوندے اُتے ظاہر کریساں۔“

یُوحنّا 14:15

جے تُساں میڈے نال محبت کریندے ہیوے تاں میڈے حُکماں اُتے عمل کرو۔

1 یُوحنّا 2:24

او پیغام جیہڑا تُساں شروع کنُوں سُنڑدے آئے ہیوے، تُہاڈے دل ءچ قائم راہوے۔ جے او پیغام تُہاڈے ءچ قائم راہوے تاں تُساں وی باپ تے اُوندے پوتر ءچ قائم راہسو۔

1 یُوحنّا 4:4

بالو! تُساں خُدا کنُوں ہیوے تے کُوڑے لوکاں اُتے غالب آ گئے ہیوے، کیوں جو جیہڑا تُہاڈے ءچ ہے، او اُوں کنُوں جیہڑا دُنیا ءچ ہے بہُوں وڈا ہے۔

2کُرِنتھِیوں 6:16

خُدا دی ہیکل دا بُتاں نال کیا تعلق؟ کیوں جو اساں زندہ خُدا دی ہیکل ہیں، جِینویں خُدا فرمایا ہے جو ”مَیں اُنہاں ءچ راہساں تے اُنہاں دے وچال پِھرساں۔ مَیں اُنہاں دا خُدا ہوساں تے او میڈی قوم ہوسن۔

یُوحنّا 10:30

مَیں تے میڈا باپ ہِکو ہاں۔“

یُوحنّا 6:56

جیہڑا کوئی میڈا گوشت کھاندے تے میڈا خون پِیندے، او میڈے ءچ قائم راہندے تے مَیں اُوندے ءچ۔

یُوحنّا 14:17

یعنی سچائی دا رُوح، جِینکُوں دُنیا حاصل نئیں کر سگدی کیوں جو نہ تاں اُونکُوں ڈیدھی ہے نہ جانڑدی ہے۔ پر تُساں اُونکُوں جانڑدے ہیوے کیوں جو او تُہاڈے نال راہندے تے تُہاڈے اندر ہوسی۔

مُکاشفہ 21:22

مَیں شہر ءچ کوئی ہیکل نہ ڈِٹھی کیوں جو خُداوند، قادر ِ مُطلق خُدا تے لیلا اُوندی ہیکل ہِن۔

مُکاشفہ 22:3

اُتھاں کوئی چیز نہ ہوسی جِیندے اُتے لعنت ہوسی۔ خُدا تے لیلے دا تخت اُوں شہر ءچ ہوسی تے اُوندے بندے اُوندی عبادت کریسن۔

یُوحنّا 8:51

مَیں تُہاکُوں سچ آدھا ہاں جو جیہڑا کوئی میڈے کلام اُتے عمل کریسی او کڈھائیں نہ مرسی۔“

یُوحنّا 8:52

یہُودیاں اُونکُوں آکھیا جو ”ہُنڑ ساکُوں پتہ لگ گئے جو تیڈے ءچ بدرُوح ہے۔ ابرہام مر گِیا تے نبی وی مر گئے پر تُوں آدھیں جو ’جیہڑا کوئی میڈے کلام اُتے عمل کریسی او کڈھائیں نہ مرسی۔‘

یُوحنّا 14:24

جیہڑا میڈے نال محبت نئیں رکھیندا او میڈے کلام اُتے عمل نئیں کریندا۔ جیہڑا کلام تُساں سُنڑدے ہیوے او میڈا نئیں بلکہ باپ دا ہے جئیں میکُوں بھیجیا۔

یُوحنّا 15:10

جے تُساں میڈے حُکماں اُتے عمل کریسو تاں میڈی محبت ءچ قائم راہسو، جِینویں مَیں آپنڑے باپ دے حُکماں اُتے عمل کیتے تے اُوندی محبت ءچ قائم ہاں۔

یُوحنّا 16:27

اِیں واسطے جو باپ تاں خود تُہاڈے نال محبت رکھیندے کیوں جو تُساں میڈے نال محبت رکھی ہے تے اِیمان گِھن آئے ہیوے جو مَیں خُدا دی طرفوں آیا ہاں۔

اِفِسیوں 3:17

تے تُہاڈے اِیمان دے وسیلے نال مسیح تُہاڈے دِلاں ءچ راہوے۔ مَیں ایہ وی دُعا کریندا ہاں جو تُساں محبت ءچ جڑھ پکڑ تے، تے محبت دی بنیاد اُتے قائم تھی تے

1 یُوحنّا 2:5

پر جیہڑا اُوندے کلام اُتے عمل کریندے تاں اُوندے ءچ خُدا دی محبت یقیناً کامِل تھی گئی ہے۔ اِیں تُوں ساکُوں پتہ چلدے جو اساں اُوندی رفاقت ءچ ہیں۔

1 یُوحنّا 5:3

خُدا نال محبت رکھنڑ دا مطلب ایہ ہے جو اساں اُوندے حُکماں اُتے عمل کرُوں تے اُوندے حُکم بھارے نئیں۔

2 یُوحنّا 1:6

محبت ایہ ہے جو اساں خُدا دے حُکماں اُتے عمل کرُوں۔ ایہ اُوہو حُکم ہے جیہڑا تُساں شروع کنُوں سُنڑیا ہے، تے تُہاکُوں اُوندے اُتے عمل کرنڑا چاہیدے۔

مُکاشفہ 21:3

تے مَیں تخت ءچوں کہیں کُوں اُچی اواز نال ایہ آدھے سُنڑیا جو ”ڈیکھ خُدا دی سکونت گاہ ہُنڑ اِنساناں دے وچال ہے تے او اُنہاں نال سکونت کریسی۔ او اُوندے لوک ہوسن تے خُدا خود اُنہاں نال راہسی تے اُنہاں دا خُدا ہوسی۔