یُوحنّا 14:2 - کِتاب مُقدّس سرائیکی ترجمہ

² میڈے باپ دے گھر ءچ بہُوں سارے مکان ہِن، جے نہ ہوندے تاں مَیں تُہاکُوں ڈسا ڈیندا کیوں جو مَیں ویندا ہاں تاں جو تُہاڈے کیتے جاہ تیار کراں۔

یُوحنّا 14:2 Referans Kwoze

2کُرِنتھِیوں 5:1

اساں جانڑدے ہیں جو جِیں ویلے ایہ تمبُو یعنی ساڈا بدن ڈھا ڈِتا ویسی جیہڑا زمین اُتے ساڈا گھر ہے تاں ساکُوں خُدا کنُوں اسمان اُتے ایجھا گھر مِلسی جیہڑا اِنسانی ہتھ دا بنڑیا ہویا نئیں بلکہ ابدی ہے۔

یُوحنّا 13:36

شمعون پطرس اُونکُوں آکھیا، ”مالک! تُساں کِتھاں ویندے ہیوے؟“ یسُوع جواب ڈِتا ”جِتھاں مَیں ویندا ہاں ہُنڑ تاں تُوں میڈے پِچُھوں نئیں آ سگدا پر بعد ءچ میڈے پِچُھوں آسیں۔“

عبرانیوں 13:14

کیوں جو اِیں دُنیا ءچ ساڈا کوئی قائم راہنڑ آلا شہر نئیں بلکہ اساں اُوں شہر دی گولھ ءچ ہیں جیہڑا آوݨ آلا ہے۔

مُکاشفہ 21:2

وَل مَیں مُقدّس شہر نویں یروشلیم کُوں خُدا کنُوں اسمان تُوں لہندے ڈِٹھا۔ او اُوں کُنوار وانگُوں سجایا گِیا ہا جئیں آپنڑے پئے کیتے سنگھار کیتا ہووے۔

مُکاشفہ 3:12

جیہڑا غالب آسی، مَیں اُونکُوں آپنڑے خُدا دی ہیکل ءچ ہِک تھمبا بنڑا ڈیساں۔ او ہمیشاں تئیں اُتھاں راہسی تے مَیں اُوندے اُتے آپنڑے خُدا دا ناں تے آپنڑے خُدا دے شہر دا ناں لِکھساں یعنی نواں یروشلیم جیہڑا میڈے خُدا دی طرفوں اسمان کنُوں لہوݨ آلا ہے۔ تے مَیں اُوندے اُتے آپنڑا نواں ناں وی لِکھساں۔

عبرانیوں 11:10

کیوں جو ابرہام اُوں مضبوط بنیاد آلے شہر دے اِنتظار ءچ ہا، جِیندا نقشہ بنڑاوݨ آلا تے تعمیر کرݨ آلا خود خُدا ہے۔

یُوحنّا 13:33

بالو! مَیں تھوڑی دیر بِیا تُہاڈے نال ہاں۔ تُساں میکُوں گولھیسو پر جِینویں مَیں یہُودیاں کُوں آکھیا جو ’جِتھاں مَیں ویندا ہاں، اُتھاں تُساں نئیں آ سگدے،‘ اُونویں ای ہُنڑ تُہاکُوں وی آدھا ہاں۔

یُوحنّا 16:4

پر مَیں ایہ گالھیں تُہاکُوں اِیں واسطے آکھیاں ہِن جو جِیں ویلے اُنہاں دا وقت آوے تاں تُہاکُوں یاد آ ونجے جو مَیں تُہاکُوں پہلے ای چِتا ڈِتا ہا۔ شروع ءچ مَیں ایہ گالھیں اِیں واسطے تُہاکُوں نئیں آکھیا جو مَیں تُہاڈے نال ہم،

یُوحنّا 17:24

باپ! مَیں چاہندا ہاں جو جِنہاں کُوں تَیں میڈے حوالے کیتے، او میڈے نال اُتھاں ہووݨ جِتھاں مَیں ہاں، تاں جو او اُوں جلال کُوں ڈیکھ سگنڑ جیہڑا تَیں میکُوں ڈِتے کیوں جو تَیں دُنیا دے بنڑݨ کنُوں وی پہلے ای میڈے نال محبت رکھی ہے۔

عبرانیوں 6:20

جِتھاں یسُوع ساڈے کنُوں پہلے ای وَنج تے ہمیشاں کیتے مَلک ِ صِدق آلی کار کاہِن ِ اعظم بنڑ تے ساڈی خاطر داخل تھی گِیا ہے۔

مُکاشفہ 3:21

جیہڑا غالب آسی، مَیں اُونکُوں آپنڑے نال آپنڑے تخت اُتے بِلھیساں، جِینویں مَیں غالب آیا ہاں تے آپنڑے باپ دے نال اُوندے تخت اُتے بہہ گِیا ہاں۔

مُکاشفہ 1:5

تے یسُوع مسیح دی طرفوں جیہڑا سچا گواہ تے مُردیاں ءچوں زندہ تھیوݨ آلیاں ءچوں پلوٹھا تے دُنیا دے بادشاہاں اُتے حُکمران ہے۔ او ساڈے نال محبت رکھیندے تے اُوں آپنڑے خون دے وسیلہ نال ساکُوں ساڈے گُناہاں تُوں رہائی بخشی،

عبرانیوں 9:8

اِیں تُوں رُوح القُدس ایہ اِشارہ ڈیندے جو جڈاں تئیں ایہ پہلا تمبُو موجود ہے، سبھ تُوں مُقدّس جاہ تئیں ونجنڑ دا رستہ نئیں کُھلیا۔

طِطُس 1:2

تے اُوں ہمیشاں دی زندگی دی اُمید اُتے قائم راہوݨ، جِیندا وعدہ خُدا جیہڑا کُوڑ نئیں مریندا، زمانے دے شروع تھیوݨ کنُوں وی پہلے کر ڈِتے۔

1تھِسّلُنیکیوں 5:9

کیوں جو خُدا ساکُوں اِیں واسطے نئیں چُنڑیا جو ساڈے اُتے غضب نازل تھیوے بلکہ اِیں واسطے جو اساں آپنڑے خُداوند یسُوع مسیح دے وسیلے نال نجات حاصل کرُوں۔

اعمال 9:16

تے مَیں اُونکُوں ڈِکھا ڈیساں جو میڈے ناں دی خاطر اُونکُوں کتنا ڈُکھ جھلنڑا پوسی۔“

یُوحنّا 14:28

تُساں میڈے کنُوں سُنڑیا ہے جو مَیں ویندا ہاں تے تُہاڈے کولھ ولا آساں۔ جے تُساں میڈے نال محبت کریندے تاں اِیں گالھ تُوں خوش تھیندے جو مَیں باپ دے کولھ ویندا ہاں کیوں جو باپ مَیں کنُوں وڈا ہے۔

لُوقا 14:22

نوکر آکھیا، ’مالک! تیڈے آکھنڑ دے مطابق عمل کیتا گِیا ہے پر ہُنڑ وی جاہ خالی ہے۔‘