یُوحنّا 14:15 - کِتاب مُقدّس سرائیکی ترجمہ

¹⁵ جے تُساں میڈے نال محبت کریندے ہیوے تاں میڈے حُکماں اُتے عمل کرو۔

یُوحنّا 14:15 Referans Kwoze

2 یُوحنّا 1:6

محبت ایہ ہے جو اساں خُدا دے حُکماں اُتے عمل کرُوں۔ ایہ اُوہو حُکم ہے جیہڑا تُساں شروع کنُوں سُنڑیا ہے، تے تُہاکُوں اُوندے اُتے عمل کرنڑا چاہیدے۔

1 پطرس 1:8

تُساں یسُوع کُوں نئیں ڈِٹھا وَل وی اُوندے نال محبت کریندے ہیوے۔ بھانویں تُساں اِیں وقت اُونکُوں نئیں ڈیدھے، وَل وی اُوندے اُتے اِیمان رکھیندے ہوئے ایجھی خوشی منیندے ہیوے جیہڑی بیان تُوں باہر تے جلال آلی ہے۔

گلتِیوں 5:6

کیوں جو مسیح یسُوع ءچ ہوندے ہوئے ختنہ کراوݨ یا نہ کراوݨ دی کوئی اہمیت نئیں۔ صرف او اِیمان اہم ہے جیہڑا محبت کرݨ نال ظاہر تھیندے۔

متّی 10:37

جیہڑا کوئی آپنڑے پِیُو یا ماء کُوں مَیں کنُوں زیادہ پیار کریندے او میڈے لائق نئیں، تے جیہڑا کوئی آپنڑے پوتر یا دِھی کُوں مَیں کنُوں زیادہ پیار کریندے او میڈے لائق نئیں۔

یُوحنّا 8:42

یسُوع اُنہاں کُوں آکھیا، ”جے خُدا تُہاڈا باپ ہوندا تاں تُساں میڈے نال محبت کریندے، اِیں واسطے جو مَیں خُدا ءچوں نِکلیا تے آیا ہاں۔ مَیں آپنڑی مرضی نال نئیں آیا بلکہ اُوں میکُوں بھیجیا ہے۔

1کُرِنتھِیوں 16:22

جیہڑا کوئی خُداوند نال محبت نئیں رکھیندا، اُوندے اُتے لعنت۔ ساڈا خُداوند آوے!

اِفِسیوں 6:24

جیہڑے ساڈے خُداوند یسُوع مسیح دے نال ختم نہ تھیوݨ آلی محبت رکھیندے ہِن، اُنہاں ساریاں اُتے فضل تھیندا راہوے۔