یُوحنّا 14:13 - کِتاب مُقدّس سرائیکی ترجمہ

¹³ تے جیہڑا کُجھ تُساں میڈے ناں تُوں منگسو، مَیں اُوہو کریساں تاں جو باپ دا جلال پوتر دے وسیلے ظاہر تھیوے۔

یُوحنّا 14:13 Referans Kwoze

یُوحنّا 15:7

جے تُساں میڈے ءچ قائم راہو تے میڈا کلام تُہاڈے دل ءچ قائم راہوے تاں جیہڑا کُجھ منگو او تُہاڈے کیتے تھی ویسی۔

مرقس 11:24

اِیں واسطے مَیں تُہاکُوں آدھا ہاں جو تُساں دُعا ءچ جیہڑا کُجھ منگدے ہیوے یقین رکھو جو تُہاکُوں مِل گئے، تے او تُہاکُوں مِل ویسی۔

متّی 21:22

تے جیہڑا کُجھ تُساں دُعا ءچ اِیمان نال منگسو او تُہاکُوں مِلسی۔“

متّی 7:7

منگسو تاں تُہاکُوں ڈِتا ویسی۔ گولھیسو تاں مِلسی۔ دَر کھڑکیسو تاں تُہاڈے کیتے کھولیا ویسی۔

1 یُوحنّا 5:14

ساکُوں خُدا اُتے ایہ اعتماد ہے جو اساں جیہڑا کُجھ اُوندی مرضی دے مطابق منگدے ہیں، او ساڈی سُنڑدے۔

یُوحنّا 16:23

اُوں ڈینہہ تُساں میڈے تُوں کُجھ نہ پُچھسو۔ مَیں تُہاکُوں سچ آدھا ہاں جو جے تُساں باپ کنُوں میڈے ناں تُوں کُجھ منگسو تاں او تُہاکُوں ڈیسی۔

1 یُوحنّا 3:22

تے اساں جیہڑا کُجھ اُوں کنُوں منگدے ہیں، او ساکُوں اُوندی طرفوں مِل ویندے، کیوں جو اساں اُوندے حُکماں اُتے عمل کریندے ہیں تے اُوہو کریندے ہیں جیہڑا اُونکُوں پسند ہے۔

یُوحنّا 15:16

تُساں میکُوں نئیں چُنڑیا بلکہ مَیں تُہاکُوں چُنڑیا تے مقرر کیتے جو تُساں وَنج تے پھل گِھن آؤ تے تُہاڈا پھل قائم راہوے، تاں جو جیہڑا کُجھ تُساں میڈے ناں تُوں باپ کنُوں منگو، او تُہاکُوں ڈیوے۔

یُوحنّا 14:14

جے تُساں میڈے ناں تُوں میڈے کنُوں کُجھ منگسو تاں مَیں اُوہو کریساں۔

یعقُوب 5:16

اِیں کیتے تُساں ہِک ڈُوجھے دے سامنڑے آپنڑے گُناہاں دا اِقرار کرو تے ہِک ڈُوجھے کیتے دُعا کرو تاں جو شِفا پاؤ۔ کیوں جو راستباز دی دُعا دے اثر نال بہُوں کُجھ تھی سگدے۔

فِلِپّیوں 4:13

مَیں یسُوع المسیح دے وسیلے جیہڑا میکُوں طاقت ڈیندے، سبھ کُجھ کر سگدا ہاں۔

یعقُوب 1:5

جے تُہاڈے ءچوں کہیں ءچ حِکمت دی کمی ہووے تاں او خُدا کنُوں منگے جیہڑا جِھڑکے بغیر ساریاں کُوں فیاضی نال ڈیندے تے خُدا اُونکُوں ڈیسی۔

اِفِسیوں 3:12

ہُنڑ مسیح ءچ تے مسیح اُتے اِیمان رکھ تے اساں دلیری تے اعتماد نال خُدا دے کولھ آ سگدے ہیں۔

یُوحنّا 16:26

اُوں ڈینہہ تُساں میڈے ناں تُوں منگسو تے میکُوں تُہاڈے کیتے باپ کُوں درخاست کرݨ دی ضرورت نہ ہوسی۔

یُوحنّا 10:30

مَیں تے میڈا باپ ہِکو ہاں۔“

اِفِسیوں 2:18

تے ہُنڑ اساں مسیح دے ذریعے ہِکو رُوح القُدس ءچ باپ دے حضُور آ سگدے ہیں۔

کلُسِّیوں 3:17

تے جیہڑا کُجھ تُساں آدھے یا کریندے ہیوے خُداوند یسُوع دے ناں نال کرو تے اُوندے وسیلے نال خُدا باپ دا شُکر ادا کرو۔

یُوحنّا 7:37

وَل عید دے آخری ڈینہہ جیہڑا سبھ تُوں خاص ڈینہہ ہے، یسُوع کھڑا تھیّا تے اُچی اواز ءچ آکھنڑ لگا، ”جے کوئی ترِسّا ہووے تاں میڈے کولھ آوے تے پِیوے۔

عبرانیوں 7:25

اِینویں ای جیہڑے لوک یسُوع دے وسیلے نال خُدا دے کولھ آندے ہِن، او اُنہاں کُوں پُوری پُوری نجات ڈے سگدے کیوں جو او اُنہاں دی شفاعت کرݨ کیتے ہمیشاں زندہ ہے۔

یُوحنّا 14:6

یسُوع اُونکُوں آکھیا جو ”راہ، حق تے زندگی مَیں ہاں، میڈے وسیلہ دے بغیر کوئی باپ دے کولھ نئیں آندا۔

یُوحنّا 12:44

یسُوع اُچی اواز ءچ آکھیا جو ”جیہڑا کوئی میڈے اُتے اِیمان گِھن آندے، او صرف میڈے اُتے نئیں بلکہ میڈے بھیجنڑ آلے اُتے اِیمان گِھن آندے۔

لُوقا 11:9

بس مَیں تُہاکُوں آدھا ہاں منگسو تاں تُہاکُوں ڈِتا ویسی، گولھیسو تاں مِلسی، دَر کھڑکیسو تاں تُہاڈے کیتے کھولیا ویسی۔

1 پطرس 2:5

تے تُساں زندہ پتھراں آلی کار ہِک رُوحانی گھر بنڑدے ویندے ہیوے تاں جو مُقدّس کاہِن بنڑو تے ایجھیاں رُوحانی قُربانیاں پیش کرو جیہڑیاں یسُوع مسیح دے وسیلہ نال خُدا دے حضُور مقبول تھیندیاں ہِن۔

یُوحنّا 5:19

بس یسُوع اُنہاں کُوں ایہ جواب ڈِتا، ”مَیں تُہاکُوں سچ آدھا ہاں جو پوتر آپنڑی مرضی نال کُجھ نئیں کر سگدا۔ او اُوہو کریندے جیہڑا او آپنڑے باپ کُوں کریندا ڈیدھے، کیوں جو جیہڑے کم او کریندے پوتر وی اُونویں ای کریندے۔

عبرانیوں 13:15

اِیں واسطے اساں یسُوع دے وسیلے نال آپنڑی حمد دی قُربانی خُدا دے حضُور پیش کریندے راہوں یعنی خُدا دے ناں دا اِقرار کریندے راہوں۔ ایہ ساڈے ہونٹاں دا مناسب پھل ہے۔

عبرانیوں 4:15

کیوں جو ساڈا کاہِن ِ اعظم ایجھا نئیں جیہڑا ساڈیاں کمزوریاں ءچ ساڈا ہمدرد نہ بنڑ سگے بلکہ او ساڈے وانگُوں سارے گالھیں ءچ ازمایا گِیا، وَل وی بے گُناہ ریہا۔

اِفِسیوں 3:14

اِیں واسطے مَیں آپنڑے خُداوند یسُوع المسیح دے باپ دے اگُوں گوڈے ٹیکدا ہاں،

یُوحنّا 4:14

پر جیہڑا کوئی اُوں پانڑی ءچوں پِیندے جیہڑا مَیں اُونکُوں ڈیساں، اُونکُوں کڈھائیں تریھ نہ لگسی بلکہ جیہڑا پانڑی مَیں اُونکُوں ڈیساں او اُوندے ءچ چشمہ بنڑ ویسی جیہڑا ویہہ تے ہمیشاں دی زندگی ڈیسی۔“

یُوحنّا 4:10

یسُوع جواب ءچ اُونکُوں آکھیا، ”جے تُوں خُدا دی بخشش کُوں جانڑدی تے ایہ وی جو او کوݨ ہے جیہڑا تَیں کنُوں پانڑی منگدے تاں تُوں اُوں کنُوں منگدی تے او تیکُوں زندگی دا پانڑی ڈیندا۔“

یُوحنّا 16:7

پر مَیں تُہاکُوں سچ آدھا ہاں جو میڈا ونجنڑ تُہاڈے کیتے فائدہ مند ہے کیوں جو جے مَیں نہ وَنجاں تاں او مددگار تُہاڈے کولھ نہ آسی پر جے مَیں ویساں تاں اُونکُوں تُہاڈے کولھ بھیج ڈیساں۔

یُوحنّا 13:31

جِیں ویلے یہُوداہ باہر چلیا گِیا تاں یسُوع آکھیا، ”ہُنڑ اِبنِ آدم جلال پایا ہے تے خُدا اُوندے ءچ جلال پایا ہے۔

1کُرِنتھِیوں 14:13

اِیں واسطے جیہڑا کوئی غیر زبان ءچ گالھیں کریندے، او دُعا کرے جو او اُوندا ترجمہ وی کر سگے۔