یُوحنّا 14:12 - کِتاب مُقدّس سرائیکی ترجمہ

¹² مَیں تُہاکُوں سچ آدھا ہاں جو جیہڑا میڈے اُتے اِیمان رکھیندے او وی اُوہو کم کریسی جیہڑے مَیں کریندا ہاں بلکہ اِنہاں کنُوں وی وڈے کم کریسی کیوں جو مَیں باپ دے کولھ ویندا ہاں۔

یُوحنّا 14:12 Referans Kwoze

متّی 21:21

یسُوع جواب ڈِتا، ”مَیں تُہاکُوں سچ آدھا ہاں جو جے اِیمان رکھو تے شک نہ کرو تاں تُساں نہ صرف او جیہڑا ہنجیر دے درخت نال تھئے کر سگسو، بلکہ جے اِیں پہاڑ کُوں وی اکھیسو جو ’پٹیج تے سمندر ءچ وَنج ڈھے‘ تاں اُونویں ای تھیسی۔

مرقس 16:17

تے اِیمان گِھن آوݨ آلیاں دے وچال ایہ معجزے تھیسن: او میڈے ناں نال بدرُوحاں کُوں کڈھیسن، نوِیاں نوِیاں زباناں بُولیسن،

اعمال 16:18

او بہُوں ڈینہاں تئیں اِینویں ای کریندی ریہی۔ آخر پولُس بہُوں تنگ تھی گِیا تے اُوں مُڑ تے بدرُوح کُوں آکھیا جو ”مَیں تیکُوں یسُوع مسیح دے ناں نال حُکم ڈیندا ہاں جو اِیندے ءچوں نِکل وَنج۔“ تے اُونہی ویلے او بدرُوح اُوں چھوہیر ءچوں نِکل گئی۔

اعمال 9:34

پطرس اُونکُوں آکھیا ”اَینیاس! یسُوع مسیح تیکُوں شِفا ڈیندے۔ اُٹھی تے آپنڑا بستر آپ ولھیٹ۔“ او فوراً اُٹھی کھڑا تھیّا۔

اعمال 19:12

اِتُھوں تئیں جو رومال تے پٹکے جیہڑے اُوندے جِسم نال لگدے ہَن، بیماراں اُتے سٹے ویندے ہَن تے او آپنڑیاں بیماریاں تُوں شِفا پا گِھندے ہَن، تے بدرُوحاں اُنہاں ءچوں نِکل ویندیاں ہَن۔

اعمال 9:40

پطرس اُنہاں ساریاں کُوں باہر کڈھ ڈِتا تے گوڈے ٹیک تے دُعا کیتی۔ وَل لاش دو مُڑ تے آکھیا ”تبِیتا! اُٹھی۔“ بس اُوں اکھیں کھول ڈِتیاں تے پطرس کُوں ڈیکھ تے اُٹھی تے بہہ گئی۔

اعمال 8:7

کیوں جو بہُوں سارے لوکاں ءچوں بدرُوحاں وڈی اواز نال چیخاں مار تے نِکل گئیاں تے بہُوں سارے مفلُوج تے منڈے چنگے کیتے گئے۔

اعمال 5:15

اِتُھوں تئیں جو لوک بیماراں کُوں کَھٹاں تے چٹائیاں اُتے گِھن گِھن تے سڑکاں اُتے سَٹ ڈیندے ہَن، تاں جو جِیں ویلے پطرس اُتھوں لنگھے تاں گھٹ و گھٹ اُوندا پرچھانواں ای اُنہاں اُتے پے ونجے۔

اعمال 2:41

بس جِنہاں لوکاں اُوندا کلام قبول کیتا اُنہاں بپتسمہ گِھدا تے اُوں ڈینہہ تقریباً ترے ہزار لوک جماعت ءچ شامل تھی گئے۔

اعمال 4:4

پر کلام سُنڑݨ آلیاں ءچوں بہُوں سارے اِیمان گِھن آئے، اِتُھوں تئیں جو اِیماندار مرداں دی تعداد پنج ہزار تھی گئی۔

یُوحنّا 16:7

پر مَیں تُہاکُوں سچ آدھا ہاں جو میڈا ونجنڑ تُہاڈے کیتے فائدہ مند ہے کیوں جو جے مَیں نہ وَنجاں تاں او مددگار تُہاڈے کولھ نہ آسی پر جے مَیں ویساں تاں اُونکُوں تُہاڈے کولھ بھیج ڈیساں۔

اعمال 2:33

ہُنڑ اُونکُوں سرفراز کر تے خُدا دے سجے ہتھ بِلھایا گِیا ہے، تے اُوں باپ کنُوں وعدہ کیتا ہویا رُوح القُدس حاصل کر تے نازل کیتا جِیندا اثر تُساں ڈیدھے تے سُنڑدے ہیوے۔

یُوحنّا 7:39

اُوں ایہ گالھ اُوں رُوح دے بارے ءچ آکھی جیہڑا یسُوع اُتے اِیمان رکھنڑ آلیاں اُتے نازل تھیوݨ آلا ہا، کیوں جو رُوح القُدس اجنڑ تئیں نازل نہ تھیّا ہا، اِیں واسطے جو یسُوع اجنڑ آپنڑے جلال کُوں نہ پُجیا ہا۔

یُوحنّا 7:33

یسُوع آکھیا، ”مَیں بِیا کُجھ ڈینہاں تئیں تُہاڈے کولھ ہاں، وَل مَیں آپنڑے بھیجنڑ آلے کولھ چلیا ویساں۔

رومیوں 15:19

معجزیاں تے عجیب کماں دی طاقت تے رُوح القُدس دی قُدرت دے وسیلے نال کیتا۔ اِینویں مَیں یروشلیم تُوں گِھن تے اِلُرِکُم صوبے تئیں مسیح دی خوشخبری دی پُوری پُوری تبلیغ کیتی۔

اعمال 6:7

خُدا دا کلام پھیلدا ریہا تے یروشلیم ءچ شاگرداں دی تعداد بہُوں ای ودھ گئی تے بہُوں سارے کاہِن اِیمان گِھن آئے۔

اعمال 4:16

”اساں اِنہاں بندیاں نال کیا کرُوں؟ کیوں جو یروشلیم دے سارے لوک جانڑدے ہِن جو اُنہاں ہِک معجزہ کیتے تے اساں اِیندا اِنکار نئیں کر سگدے۔

یُوحنّا 14:28

تُساں میڈے کنُوں سُنڑیا ہے جو مَیں ویندا ہاں تے تُہاڈے کولھ ولا آساں۔ جے تُساں میڈے نال محبت کریندے تاں اِیں گالھ تُوں خوش تھیندے جو مَیں باپ دے کولھ ویندا ہاں کیوں جو باپ مَیں کنُوں وڈا ہے۔

اعمال 10:46

کیوں جو اُنہاں کُوں طرحاں طرحاں دیاں زباناں بُولیندے تے خُدا دی حمد کریندے سُنڑیا۔ وَل پطرس آکھیا،

اعمال 4:33

تے رسُول وڈی قُدرت نال خُداوند یسُوع دے مُردیاں ءچوں زندہ تھیوݨ دی گواہی ڈیندے ہَن۔ تے اُنہاں ساریاں اُتے خُدا دا وڈا فضل ہا

مرقس 11:13

او دُور کنُوں ہنجیر دا ہِک درخت جیندے ءچ پتے ہَن ڈیکھ تے گِیا جو شاید اُوندے ءچ کُجھ پھل مِلے۔ پر جِیں ویلے اُوندے کولھ پُجیا تاں سوائے پتیاں دے کُجھ نہ مِلیا کیوں جو ہنجیر دا موسم نہ ہا۔

یُوحنّا 4:37

اِیں واسطے ایہ اکھاݨ سچ تھیندے جو رہاوݨ آلا بِیا تے کپنڑ آلا بِیا ہے۔

یُوحنّا 5:20

کیوں جو باپ پوتر کُوں پیار کریندے تے آپنڑے سارے کم جیہڑے او کریندے اُونکُوں ڈکھیندا ہے، بلکہ اِنہاں کنُوں وی وڈے وڈے کم اُونکُوں ڈکھیسی تاں جو تُساں حیران تھی ونجو۔