یُوحنّا 14:10 - کِتاب مُقدّس سرائیکی ترجمہ

¹⁰ کیا تیکُوں یقین نئیں جو مَیں باپ ءچ ہاں تے باپ میڈے ءچ؟ مَیں جیہڑے گالھیں تُہاکُوں آدھا ہاں آپنڑی طرفوں نئیں آدھا بلکہ میڈا باپ میڈے ءچ رہ تے آپنڑا کم کریندے۔

یُوحنّا 14:10 Referans Kwoze

یُوحنّا 5:19

بس یسُوع اُنہاں کُوں ایہ جواب ڈِتا، ”مَیں تُہاکُوں سچ آدھا ہاں جو پوتر آپنڑی مرضی نال کُجھ نئیں کر سگدا۔ او اُوہو کریندے جیہڑا او آپنڑے باپ کُوں کریندا ڈیدھے، کیوں جو جیہڑے کم او کریندے پوتر وی اُونویں ای کریندے۔

یُوحنّا 10:38

پر جے مَیں کریندا ہاں تاں بھانویں میڈا یقین نہ کرو پر اُنہاں کماں دا یقین تاں کرو، تاں جو جاݨ گِھنو تے سمجھ گِھنو جو باپ میڈے ءچ ہے تے مَیں باپ ءچ۔“

اعمال 10:38

جو خُدا یسُوع ناصری کُوں رُوح القُدس تے قُدرت نال کِینویں مسح کیتا۔ او بھلائی کریندا تے اُنہاں ساریاں کُوں جیہڑے ابلیس دے ظلم دا شکار ہَن، شِفا ڈیندا ریہا کیوں جو خُدا اُوندے نال ہا۔

یُوحنّا 12:49

کیوں جو مَیں آپنڑی طرفوں کُجھ نئیں آدھا بلکہ اسمانی باپ جئیں میکُوں بھیجیا ہے اُونہی میکُوں حُکم ڈِتے جو کیا آکھاں تے کیا بولاں۔

یُوحنّا 10:30

مَیں تے میڈا باپ ہِکو ہاں۔“

یُوحنّا 8:28

اِیں واسطے یسُوع آکھیا، ”جِیں ویلے تُساں اِبنِ آدم کُوں اُچائی اُتے چڑھیسو تاں تُہاکُوں معلوم تھیسی جو مَیں اُوہو ہاں تے آپنڑی طرفوں کُجھ نئیں کریندا بلکہ جِینویں باپ میکُوں سِکھایا ہے اُونویں ای ایہ گالھیں آدھا ہاں۔

کلُسِّیوں 2:9

کیوں جو مسیح ءچ خُدا دی ساری معمُوری ہِک جسمانی بدن ءچ راہندی ہے۔

یُوحنّا 17:8

کیوں جو جیہڑا کلام تَیں میکُوں ڈِتے او مَیں اُنہاں تئیں پُچا ڈِتے تے اُنہاں اُونکُوں قبول کر تے حقیقی طور تے جاݨ گِھدے جو مَیں تیڈی طرفوں آیا ہاں تے او اِیمان گِھن آئے جو تُوں ای میکُوں بھیجیا ہے۔

یُوحنّا 5:17

پر یسُوع اُنہاں کُوں آکھیا جو ”میڈا باپ ہُنڑ تئیں آپنڑا کم کریندے تے مَیں وی کریندا ہاں۔“

1 یُوحنّا 5:7

تے گواہی ڈیوݨ آلے ترے ہِن

2کُرِنتھِیوں 5:19

مطلب ایہ ہے جو خُدا مسیح دے وسیلے دُنیا نال صُلح کیتی تے لوکاں دے گُناہاں کُوں اُنہاں دے ذمہ نہ لایا تے صُلح دا ایہ پیغام اُوں ساڈے حوالے کر ڈِتے۔

یُوحنّا 8:38

مَیں جیہڑا کُجھ آپنڑے باپ دے حضُور ڈِٹھے، تُہاکُوں اکھیندا ہاں تے تُساں وی اُوہو کریندے ہیوے جیہڑا تُساں آپنڑے باپ کنُوں سُنڑیا ہے۔“

کلُسِّیوں 1:19

کیوں جو خُدا کُوں پسند آئے جو اُوندی پُوری فطرت تے خُوبیاں مسیح ءچ نظر آوݨ۔

یُوحنّا 14:20

اُوں ڈینہہ تُساں جاݨ گِھنسو جو مَیں آپنڑے باپ ءچ ہاں تے تُساں میڈے ءچ ہیوے تے مَیں تُہاڈے ءچ۔

یُوحنّا 7:16

یسُوع جواب ءچ اُنہاں کُوں آکھیا، ”میڈی تعلیم میڈی نئیں بلکہ میڈے بھیجنڑ آلے دی ہے۔

یُوحنّا 8:40

پر ہُنڑ تُساں میکُوں قتل کرݨ دی کوشش کریندے ہیوے، جئیں تُہاکُوں اُوہو سچائی دی گالھ ڈسائی جیہڑی خُدا کنُوں سُنڑی۔ ابرہام تاں اِینویں کڈھائیں نہ کیتا ہا۔

یُوحنّا 11:26

تے جیہڑا کوئی زندہ ہے تے میڈے اُتے اِیمان گِھن آندے او کڈھائیں نہ مرسی۔ کیا تُوں اِیں گالھ اُتے اِیمان رکھیندی ہیں؟“

یُوحنّا 3:2

او رات دے ویلے یسُوع دے کولھ آ تے آکھنڑ لگا، ”ربّی! اساں جانڑدے ہیں جو تُساں خُدا دی طرفوں آئے ہوئے اُستاد ہیوے کیوں جو جیہڑے معجزے تُساں ڈکھیندے ہیوے، کوئی نئیں ڈِکھا سگدا جئیں تئیں خُدا اُوندے نال نہ ہووے۔“

یُوحنّا 14:11

میڈا یقین کرو جو مَیں باپ ءچ ہاں تے باپ میڈے ءچ، نئیں تاں میڈے کماں دے سببّوں ای میڈا یقین کرو۔

یُوحنّا 14:24

جیہڑا میڈے نال محبت نئیں رکھیندا او میڈے کلام اُتے عمل نئیں کریندا۔ جیہڑا کلام تُساں سُنڑدے ہیوے او میڈا نئیں بلکہ باپ دا ہے جئیں میکُوں بھیجیا۔