یُوحنّا 13:24 - کِتاب مُقدّس سرائیکی ترجمہ

²⁴ بس شمعون پطرس اُونکُوں اِشارہ کر تے آکھیا، ”پُچھ جو او کیندے بارے ءچ آدھے ہِن۔“

یُوحنّا 13:24 Referans Kwoze

اعمال 21:40

جِیں ویلے سپہ سالار تُوں اِجازت گِھن گِھدی تاں اُوں پوڑیاں اُتے کھڑا تھی تے لوکاں کُوں ہتھ دا اِشارہ کیتا۔ جِیں ویلے او چُپ تھی گئے تاں اُنہاں کُوں عبرانی زبان ءچ اِینویں آکھنڑ لگا:

اعمال 13:16

بس پولُس کھڑا تھی تے ہتھ نال اِشارہ کر تے آکھیا، ”اِسرائیلیو تے خُدا دا خوف مننڑ آلیو! سُنڑو۔

اعمال 12:17

اُوں اُنہاں کُوں ہتھ نال اِشارہ کیتا جو چُپ راہوݨ تے اُنہاں کُوں ڈسایا جو خُداوند اُونکُوں کِینویں قید خانہ ءچوں باہر کڈھے۔ وَل آکھیا، ”یعقُوب تے بِھرانواں کُوں اِیں گالھ دی خبر ڈے ڈیوائے“ تے خود کہیں بئی جاہ چلیا گِیا۔

لُوقا 5:7

اِیں واسطے اُنہاں ڈُوجھی کشتی آلے ساتھیاں کُوں اِشارہ کیتا جو ”آؤ ساڈی مدد کرو۔“ بس اُنہاں آ تے ڈوہائیں کشتیاں مچھیاں نال اِتُھوں تئیں بھر ڈِتیاں جو بُڈݨ لگ گئیاں۔

لُوقا 1:22

جِیں ویلے او باہر آیا تاں اُنہاں نال بول نہ سگیا۔ لوک سمجھ گئے جو اُوں ہیکل ءچ رویا ڈِٹھی ہے کیوں جو او اُنہاں نال اِشارے ءچ گالھ کریندا ہا تے گُونگا ای ریہا۔

یُوحنّا 13:23

اُوندے شاگرداں ءچوں ہِک بندہ جِینکُوں یسُوع عزیز رکھیندا ہا، دسترخوان اُتے اُوندے بالکل نال بیٹھا ہا۔

یُوحنّا 13:25

اُوں یسُوع دو جُھک تے پُچھیا، ”مالک! او کوݨ ہے؟“