یُوحنّا 13:23 - کِتاب مُقدّس سرائیکی ترجمہ

²³ اُوندے شاگرداں ءچوں ہِک بندہ جِینکُوں یسُوع عزیز رکھیندا ہا، دسترخوان اُتے اُوندے بالکل نال بیٹھا ہا۔

یُوحنّا 13:23 Referans Kwoze

یُوحنّا 19:26

یسُوع آپنڑی ماء کُوں تے آپنڑے اُوں شاگرد کُوں جِینکُوں او عزیز رکھیندا ہا نیڑے کھڑے ڈِٹھا تاں ماء کُوں آکھیا، ”ماء! ڈیکھ ایہ تیڈا پوتر ہے۔“

یُوحنّا 21:20

پطرس مُڑ تے اُوں شاگرد کُوں پِچُھوں آندے ڈِٹھا جِینکُوں یسُوع عزیز رکھیندا ہا تے جئیں شام دے کھانڑے ویلے یسُوع دو جُھک تے پُچھیا ہا، ”مالک! او کوݨ ہے جیہڑا تُہاکُوں پکڑویسی؟“

یُوحنّا 21:7

وَل اُوں شاگرد جِینکُوں یسُوع عزیز رکھیندا ہا، پطرس کُوں آکھیا، ”ایہ تاں خُداوند ہے۔“ جِینویں ای شمعون پطرس ایہ سُنڑیا جو ایہ خُداوند ہے اُوں آپنڑا چولا چیل نال بدھیا کیوں جو اُوں اُونکُوں کم کیتے لہایا ہویا ہا تے پانڑی ءچ ٹپّا مار ڈِتا۔

یُوحنّا 20:2

بس او شمعون پطرس تے اُوں ڈُوجھے شاگرد دے کولھ بھج تے گئی جِینکُوں یسُوع عزیز رکھیندا ہا تے اُنہاں کُوں آکھیا، ”او مالک کُوں قبر ءچوں کڈھ تے گِھن گئے ہِن تے ساکُوں پتہ نئیں جو اُونکُوں کِتھاں رکھ ڈِتے۔“

یُوحنّا 11:36

اِیں واسطے یہُودیاں آکھیا، ”ڈیکھو او اُونکُوں کتنا عزیز ہا۔“

یُوحنّا 11:5

یسُوع مَرتھا تے اُوندی بھینڑ مریم تے لعزر نال محبت رکھیندا ہا۔

یُوحنّا 11:3

اِیں واسطے اُوندے بھینڑیں یسُوع کُوں سنیہا بھیجیا جو مالک! جِینکُوں تُساں عزیز رکھیندے ہیوے، او بیمار ہے۔

یُوحنّا 21:24

ایہ اُوہو شاگرد ہے جیہڑا اِنہاں گالھیں دی گواہی ڈیندے تے جئیں اِنہاں کُوں لِکھیا ہے تے اساں جانڑدے ہیں جو اُوندی گواہی سچی ہے۔

یُوحنّا 13:25

اُوں یسُوع دو جُھک تے پُچھیا، ”مالک! او کوݨ ہے؟“

یُوحنّا 1:18

خُدا کُوں کڈھائیں کہیں نئیں ڈِٹھا پر اِکلوتا پوتر جیہڑا باپ دی گود ءچ ہے، اُوں ای اُونکُوں ظاہر کیتا۔

لُوقا 16:22

اِینویں تھیّا جو او غریب مر گِیا تے فرشتیاں اُونکُوں گِھن تے ابرہام دی جھولی ءچ پُچا ڈِتا تے امیر بندہ وی مر گِیا تے دفن تھیّا۔

یُوحنّا 13:24

بس شمعون پطرس اُونکُوں اِشارہ کر تے آکھیا، ”پُچھ جو او کیندے بارے ءچ آدھے ہِن۔“