یُوحنّا 13:2 - کِتاب مُقدّس سرائیکی ترجمہ

² شام دے کھانڑے دا ویلا ہا تے ابلیس پہلے ای شمعون دے پوتر یہُوداہ اِسکریُوتی دے دل ءچ اُونکُوں پکڑوا ڈیوݨ دا خیال پا ڈِتا ہا۔

یُوحنّا 13:2 Referans Kwoze

اعمال 5:3

پر پطرس آکھیا، ”حننیاہ! شیطان تیڈے دل ءچ ایہ گالھ کیوں پا ڈِتی جو تُوں رُوح القُدس نال کُوڑ ماریں تے زمین دی قیمت ءچوں کُجھ رکھ چھوڑیں؟

مُکاشفہ 17:17

کیوں جو خُدا آپنڑا مقصد پُورا کرݨ کیتے اُنہاں دے دل ءچ ایہ گالھ پیسی جو او ہِکی صلاح نال آپنڑے شاہی اِختیار کُوں اُوں حیوان دے حوالہ کر ڈیوݨ جئیں تئیں خُدا دے گالھیں پُوریاں نہ تھی ونجنڑ۔

اِفِسیوں 2:3

ہِک وقت ہا جِیں ویلے اساں وی اُنہاں ءچ شامل ہسے تے نفسانی خواہشاں ءچ زندگی گُزریندے تے دل تے دماغ دی ہر ہَوس کُوں پُورا کرݨ ءچ لگے راہندے ہسے۔ اساں ڈُوجھیاں وانگُوں فطرتی طور تے غضب دے حقدار ہسے۔

2کُرِنتھِیوں 8:16

خُدا دا شُکر ہے جئیں تُہاڈے کیتے طِطُس دے دل ءچ ایجھا جوش پیدا کیتے جِینویں میڈا تُہاڈے کیتے ہے۔

لُوقا 22:31

شمعون! شمعون! ڈیکھ شیطان اِجازت منگی ہے جو تُہاکُوں دانڑیاں وانگُوں پھٹکے،

لُوقا 22:3

وَل شیطان یہُوداہ ءچ وڑ گِیا جیہڑا اِسکریُوتی اکھویندا تے اُنہاں بارہاں ءچوں ہا۔

یُوحنّا 13:4

دسترخوان تُوں اُٹھی تے آپنڑا چولا لہا ڈِتا تے ہِک تولیہ گِھن تے آپنڑی چیل نال بدھیا۔

متّی 10:4

حلفئی دا پوتر یعقُوب تے تدّی، شمعون قنانی تے یہُوداہ اِسکریُوتی جئیں اُونکُوں پکڑوا وی ڈِتا۔

یُوحنّا 13:11

کیوں جو اُونکُوں پتہ ہا جو کوݨ اُونکُوں پکڑویسی، اِیں واسطے اُوں آکھیا جو تُساں یکے پاک نئیں۔