یُوحنّا 13:19 - کِتاب مُقدّس سرائیکی ترجمہ

¹⁹ ہُنڑ مَیں اُوندے تھیوݨ تُوں پہلے ای تُہاکُوں ڈسا ڈیندا ہاں تاں جو جِیں ویلے ایہ تھی ونجے تاں تُساں اِیمان گِھن آؤ جو مَیں اُوہو ہاں۔

یُوحنّا 13:19 Referans Kwoze

یُوحنّا 14:29

تے ہُنڑ مَیں سارے گالھیں تھیوݨ تُوں پہلے تُہاکُوں ڈسا ڈِتیاں ہِن تاں جو جِیں ویلے او پُوریاں تھی ونجنڑ تاں تُساں اِیمان رکھو۔

یُوحنّا 16:4

پر مَیں ایہ گالھیں تُہاکُوں اِیں واسطے آکھیاں ہِن جو جِیں ویلے اُنہاں دا وقت آوے تاں تُہاکُوں یاد آ ونجے جو مَیں تُہاکُوں پہلے ای چِتا ڈِتا ہا۔ شروع ءچ مَیں ایہ گالھیں اِیں واسطے تُہاکُوں نئیں آکھیا جو مَیں تُہاڈے نال ہم،

یُوحنّا 8:58

یسُوع اُنہاں کُوں آکھیا، ”مَیں تُہاکُوں سچ آدھا ہاں جو اِیں کنُوں پہلے جو ابرہام پیدا تھیّا، مَیں ہاں۔“

متّی 24:25

ڈیکھو، مَیں تُہاکُوں پہلے ای ڈسا ڈِتے۔

متّی 11:3

جو ”آوݨ آلے تُساں ای ہیوے یا اساں کہیں بئے دی راہ ڈیکھوں؟“

یُوحنّا 1:15

اُوندے بارے ءچ یُوحنّا گواہی ڈِتی تے اُچی اواز ءچ آکھیا جو ”ایہ اُوہو ہے جیندے حق ءچ مَیں آکھیا ہا جو جیہڑا میڈے بعد آوݨ آلا ہے، او مَیں کنُوں افضل ہے کیوں جو او مَیں کنُوں پہلے موجود ہا۔“

لُوقا 21:13

ایہ تُہاڈے کیتے گواہی ڈیوݨ دا موقع ہوسی۔

یُوحنّا 4:26

یسُوع اُونکُوں آکھیا، ”مَیں جیہڑا تیڈے نال گالھیں کریندا پِیا ہاں اُوہو ہاں۔“

یُوحنّا 8:28

اِیں واسطے یسُوع آکھیا، ”جِیں ویلے تُساں اِبنِ آدم کُوں اُچائی اُتے چڑھیسو تاں تُہاکُوں معلوم تھیسی جو مَیں اُوہو ہاں تے آپنڑی طرفوں کُجھ نئیں کریندا بلکہ جِینویں باپ میکُوں سِکھایا ہے اُونویں ای ایہ گالھیں آدھا ہاں۔