یُوحنّا 12:6 - کِتاب مُقدّس سرائیکی ترجمہ

⁶ اُوں ایہ اِیں واسطے نہ آکھیا ہا جو اُونکُوں غریباں دی فِکر ہئی بلکہ اِیں واسطے جو او چور ہا تے اُوندے کولھ پیسے آلی تھیلی ہوندی ہئی تے جیہڑا کُجھ اُوندے ءچ سٹیا ویندا ہا، اُوندے ءچوں او کُجھ کڈھ گِھندا ہا۔

یُوحنّا 12:6 Referans Kwoze

یُوحنّا 13:29

کیوں جو یہُوداہ دے کولھ پیسے آلی تھیلی راہندی ہئی اِیں واسطے کُجھ سوچیا جو یسُوع اُونکُوں عید کیتے ضروری سامان مُل گِھننڑ دا آدھا پِیا ہے یا ایہ جو غریباں کُوں کُجھ ڈیوے۔

یعقُوب 2:6

پر تُساں غریب دی بے عزتی کیتی۔ کیا دولت مند ای تُہاڈے اُتے ظلم نئیں کریندے تے تُہاکُوں عدالتاں ءچ گِھیل تے نئیں گِھن ویندے؟

یعقُوب 2:2

جے ہِک بندہ سونے دی مُندری تے شاندار کپڑے پاتے ہوئے تُہاڈی جماعت ءچ آوے تے ہِک غریب بندہ میلے کُچیلے کپڑے پاتے ہوئے آوے۔

1تھِسّلُنیکیوں 5:22

ہر طرحاں دی بدی کنُوں دُور راہو۔

گلتِیوں 2:10

اُنہاں صرف ایہ آکھیا جو غریباں کُوں یاد رکھائے۔ ایہ کرݨ کیتے تاں مَیں پہلے ای تیار ہم۔

1کُرِنتھِیوں 6:10

نہ چور، نہ لالچی، نہ شرابی، نہ مندھے کڈھنڑ آلے، نہ ظالم خُدا دی بادشاہی دے وارث ہوسن۔

یُوحنّا 10:13

او اِیں واسطے بھج ویندے کیوں جو او مزدُور ہے تے اُونکُوں بھیڈاں دی فِکر نئیں۔

متّی 21:13

تے اُنہاں کُوں آکھیا، ”لِکھیا ہے جو ’میڈا گھر دُعا دا گھر اکھویسی،‘ پر تُساں اُونکُوں ’ڈاکواں دا ڈیرہ بنڑا ڈِتے‘۔“

لُوقا 8:3

تے یُوأنہ ہیرودیس دے مُنشی خُوزہ دی ذال، تے سُوسنّاہ۔ تے کئی بئیاں عورتاں وی نال ہَن جیہڑیاں آپنڑے مال نال اُوندی خدمت کریندیاں ہَن۔

یُوحنّا 12:5

”ایہ عِطر ترے سو دینار ءچ ویچ تے غریباں کُوں کیوں نہ ڈِتا گِیا؟“