یُوحنّا 12:46 - کِتاب مُقدّس سرائیکی ترجمہ

⁴⁶ مَیں نُور تھی تے دُنیا ءچ آیا ہاں تاں جو جیہڑا میڈے اُتے اِیمان گِھن آوے او اندھارے ءچ نہ راہوے۔

یُوحنّا 12:46 Referans Kwoze

یُوحنّا 8:12

یسُوع ولا لوکاں نال کلام کریندے ہوئے آکھیا، ”دُنیا دا نُور مَیں ہاں، جیہڑا کوئی میڈی پیروی کریندے او کڈھائیں اندھارے ءچ نہ چلسی بلکہ اُوندے کولھ زندگی دا نُور ہوسی۔“

یُوحنّا 9:5

جئیں تئیں مَیں دُنیا ءچ ہاں، دُنیا دا نُور ہاں۔“

اعمال 26:18

جو تُوں اُنہاں دے اکھیں کھولیں تاں جو او اندھارے کنُوں روشنی دو تے شیطان دے اِختیار کنُوں خُدا دو رجُوع گِھن آوݨ، تے میڈے اُتے اِیمان گِھن آ تے گُناہاں دی معافی پاوݨ، تے خُدا دے پاک لوکاں ءچ شریک تھی تے میراث حاصل کرݨ۔‘

یُوحنّا 3:19

تے سزا دے حُکم دی وجہ ایہ ہے جو نُور دُنیا ءچ آیا تے لوکاں نُور دی بجائے اندھارے کُوں پسند کیتا، اِیں واسطے جو اُنہاں دے کم بُرے ہَن۔

یُوحنّا 1:9

سچا نُور جیہڑا ہر ہِک اِنسان کُوں روشن کریندے، دُنیا ءچ آوݨ آلا ہا۔

متّی 4:16

جیہڑے لوک اندھارے ءچ راہندے ہَن اُنہاں تیز روشنی ڈِٹھی جیہڑے موت دے مُلک تے پچھاویں ءچ راہندے ہَن اُنہاں اُتے نُور چمکیا۔“

اِفِسیوں 5:14

کیوں جو جیہڑا کُجھ روشنی ءچ گِھن آیا ویندے، او روشن تھی ویندے۔ اِیں واسطے فرمایا گئے جو ”اے سمنڑ آلے، جاگ مُردیاں ءچوں زندہ تھی وَنج تاں مسیح دا نُور تیڈے اُتے چمکسی۔“

لُوقا 2:32

تاں جو او غیر قوماں کُوں روشنی ڈیوݨ آلا نُور تے تیڈی اُمت اِسرائیل دا جلال بنڑے۔“

یُوحنّا 9:39

یسُوع آکھیا، ”مَیں عدالت کرݨ کیتے دُنیا ءچ آیا ہاں تاں جو جیہڑے نئیں ڈیدھے او ڈیکھنڑ تے جیہڑے ڈیدھے ہِن، او اندھے تھی ونجنڑ۔“