یُوحنّا 12:44 - کِتاب مُقدّس سرائیکی ترجمہ

⁴⁴ یسُوع اُچی اواز ءچ آکھیا جو ”جیہڑا کوئی میڈے اُتے اِیمان گِھن آندے، او صرف میڈے اُتے نئیں بلکہ میڈے بھیجنڑ آلے اُتے اِیمان گِھن آندے۔

یُوحنّا 12:44 Referans Kwoze

متّی 10:40

جیہڑا تُہاکُوں قبول کریندے، او میکُوں قبول کریندے، تے جیہڑا میکُوں قبول کریندے او میڈے بھیجنڑ آلے کُوں قبول کریندے۔

یُوحنّا 13:20

مَیں تُہاکُوں سچ آدھا ہاں جو جیہڑا میڈے بھیجے ہوئے کُوں قبول کریندے او میکُوں قبول کریندے تے جیہڑا میکُوں قبول کریندے او میڈے بھیجنڑ آلے کُوں قبول کریندے۔“

یُوحنّا 5:24

مَیں تُہاکُوں سچ آدھا ہاں جو جیہڑا میڈا کلام سُنڑدے تے میڈے بھیجنڑ آلے دا یقین کریندے، ہمیشاں دی زندگی اُوندی ہے تے اُوندے اُتے سزا دا حُکم نئیں تھیندا بلکہ او موت ءچوں نِکل تے زندگی ءچ داخل تھی گِیا ہے۔

مرقس 9:37

”جیہڑا کوئی میڈے ناں ءچ ایجھے بال کُوں قبول کریندے او میکُوں قبول کریندے، تے جیہڑا کوئی میکُوں قبول کریندے او میکُوں نئیں بلکہ میڈے بھیجنڑ آلے کُوں قبول کریندے۔“

1 پطرس 1:21

تُساں مسیح دے وسیلے نال خُدا اُتے اِیمان گِھن آئے ہیوے، جئیں اُونکُوں مُردیاں ءچوں زندہ کیتا تے جلال بخشیا تاں جو تُہاڈا اِیمان تے تُہاڈی اُمید خُدا اُتے ہووے۔

یُوحنّا 7:28

بس یسُوع ہیکل ءچ تعلیم ڈیندے ہوئے اُچی اواز ءچ آکھیا، ”تُساں میکُوں وی جانڑدے ہیوے تے ایہ وی جانڑدے ہیوے جو مَیں کِتھوں دا ہاں۔ مَیں آپنڑی مرضی نال نئیں آیا پر جئیں میکُوں بھیجیا ہے، او سچا ہے۔ تُساں اُونکُوں نئیں جانڑدے۔

یُوحنّا 11:43

ایہ آکھنڑ دے بعد اُوں اُچی اواز ءچ آکھیا، ”لعزر! باہر نِکل آ۔“

مرقس 9:23

یسُوع اُونکُوں آکھیا، ”کیا! جے تُساں کر سگدے ہیوے؟ جیہڑا اِیمان رکھیندے اُوندے کیتے سبھ کُجھ تھی سگدے۔“