یُوحنّا 12:36 - کِتاب مُقدّس سرائیکی ترجمہ

³⁶ جئیں تئیں نُور تُہاڈے نال ہے، نُور اُتے اِیمان گِھن آؤ تاں جو نُور دے فرزند بنڑ سگو۔“ یسُوع ایہ گالھیں آکھ تے چلیا گِیا تے اُنہاں کنُوں آپنڑے آپ کُوں لُکایا۔

یُوحنّا 12:36 Referans Kwoze

اِفِسیوں 5:8

کیوں جو پہلے تُساں اندھارے ءچ ہَوے پر ہُنڑ خُداوند ءچ ہوندے ہوئے تُساں نُور ءچ ہیوے۔ بس نُور دے فرزنداں وانگُوں زندگی گُزارو۔

1تھِسّلُنیکیوں 5:5

کیوں جو تُساں سارے نُور دے فرزند تے ڈینہہ دے فرزند ہیوے۔ اساں نہ رات دے ہیں نہ اندھارے دے۔

یُوحنّا 8:59

ایہ سُنڑ تے اُنہاں اُونکُوں مارݨ کیتے پتھر چاتے، پر یسُوع اُنہاں کنُوں لُک تے ہیکل ءچوں نِکل گِیا۔

لُوقا 16:8

مالک اُوں بے اِیمان مُنشی دی تعریف کیتی اِیں واسطے جو اُوں وڈی ہوشیاری نال کم گِھدا ہا۔ کیوں جو اِیں دُنیا دے فرزند آپنڑے جِیہے لوکاں نال دُنیا داری دے معاملات ءچ نُور دے فرزنداں کنُوں زیادہ ہوشیار ہِن۔

یُوحنّا 11:54

اِیں واسطے یسُوع یہُودیاں ءچ سرِعام گُھمنڑ پِھرݨ چھوڑ ڈِتا تے بیابان دے نیڑے دے علاقے ءچ اِفرائِیم ناں دے شہر دو چلیا گِیا تے اُتھاں آپنڑے شاگرداں نال راہنڑ لگا۔

یُوحنّا 1:7

او اِیں واسطے آیا جو او نُور دی گواہی ڈیوے تاں جو سارے اُوندے وسیلہ نال اِیمان گِھن آوݨ۔

1تھِسّلُنیکیوں 5:8

پر اساں ڈینہہ دے فرزند ہیں، اِیں واسطے ساکُوں چاہیدے جو اِیمان تے محبت دا سینہ بند لا تے، تے نجات دی اُمید دا جنگی ٹوپ پا تے ہوشیار راہوں۔

یُوحنّا 3:21

پر جیہڑا سچائی دے کم کریندے، او نُور دے کولھ آندے تاں جو ظاہر تھیوے جو اُوندے کم خُدا دے ذریعے کیتے گئے ہِن۔“

متّی 21:17

وَل او اُنہاں کُوں چھوڑ تے شہر کنُوں باہر بیت عنیاہ ءچ گِیا تے رات اُتھائیں گُزاری۔

متّی 5:14

تُساں دُنیا دا نُور ہیوے۔ جیہڑا شہر پہاڑ اُتے وسیا ہے او لُک نئیں سگدا۔

یُوحنّا 8:12

یسُوع ولا لوکاں نال کلام کریندے ہوئے آکھیا، ”دُنیا دا نُور مَیں ہاں، جیہڑا کوئی میڈی پیروی کریندے او کڈھائیں اندھارے ءچ نہ چلسی بلکہ اُوندے کولھ زندگی دا نُور ہوسی۔“

یُوحنّا 12:37

بھانویں اُوں اِتی سارے معجزے اُنہاں دے سامنڑے کیتے ہَن، وَل وی او اُوندے اُتے اِیمان نہ گِھن آئے۔

یُوحنّا 12:46

مَیں نُور تھی تے دُنیا ءچ آیا ہاں تاں جو جیہڑا میڈے اُتے اِیمان گِھن آوے او اندھارے ءچ نہ راہوے۔