یُوحنّا 12:29 - کِتاب مُقدّس سرائیکی ترجمہ

²⁹ جیہڑے لوک اُتھاں کھڑے سُنڑدے ہَن، اُنہاں آکھیا جو ”بدّل دی گاج ہے۔“ بیاں آکھیا جو ”فرشتہ اُوندے نال کلام کیتے۔“

یُوحنّا 12:29 Referans Kwoze

مُکاشفہ 14:2

وَل مَیں اسمان کنُوں ہِک ایجھی اواز سُنڑی جیہڑی زور نال واہندے پانڑی وانگُوں تے بجلی دی ہِک وڈی گجکار وانگُوں ہئی۔ تے ایہ اواز جیہڑی میں سُنڑی ہئی اِینویں ہئی جِینویں سِتار وجاوݨ آلے آپنڑے ساز وجیندے پئے ہووݨ۔

مُکاشفہ 11:19

وَل خُدا دی ہیکل جیہڑی اسمان ءچ ہے کھول ڈِتی گئی تے اُوندے اندر اُوندے عہد دا صندوق نظر آیا۔ تے بجلیاں تے گجکار دیاں اوازاں پیدا تھیّاں، زلزلہ آیا تے بہُوں ننڑاوے پئے۔

مُکاشفہ 8:5

وَل فرشتے قُربان گاہ کنُوں بھاہ گِھن تے خوشبودار مصالحہ ساڑن دے تھاں ءچ بھری تے اُونکُوں زمین اُتے سَٹ ڈِتا تے گجکار دیاں اوازاں تے بجلیاں چمکیاں تے زلزلہ آیا۔

مُکاشفہ 6:1

وَل مَیں ڈِٹھا جو لیلے اُنہاں سَت مُہراں ءچوں ہِک مُہر کھولی۔ تے مَیں چارے جانداراں ءچوں ہِک کُوں گجکار جیہی اواز ءچ ایہ آدھے سُنڑیا جو ”آ!“

اعمال 9:7

جیہڑے لوک ساؤل دے نال ہَن، او حیران تھی تے چُپ کھڑے رہ گئے کیوں جو اواز تاں سُنڑدے ہَن پر کہیں کُوں ڈیدھے نہ ہَن۔