یُوحنّا 12:20 - کِتاب مُقدّس سرائیکی ترجمہ

²⁰ جیہڑے لوک عید تے عبادت کیتے آئے ہَن، اُنہاں ءچوں کُجھ یُونانی ہَن۔

یُوحنّا 12:20 Referans Kwoze

یُوحنّا 7:35

یہُودی آپس ءچ آکھنڑ لگے، ”ایہ کِتھاں ویسی جو اساں اُونکُوں گولھ نہ سگسوں؟ کیا او اُنہاں دے کولھ جیہڑے یُونانیاں ءچ اِڈے اُڈے وسدے ہِن چلیا ویسی تے یُونانیاں کُوں تعلیم ڈیسی؟

اعمال 17:4

کُجھ یہُودی اِیں گالھ کُوں مَن تے پولُس تے سِیلاس نال رَل گئے تے اِینویں ای بہُوں سارے خُدا پرست یُونانی تے معزز عورتاں وی۔

اعمال 8:27

او اُٹھی تے روانہ تھیّا تاں ڈیکھو ایتھوپِیا دا ہِک خوجہ آندا پِیا ہا۔ او ایتھوپِیا دی ملکہ کنداکے دا ہِک وزیر تے اُوندے سارے خزانے دا مُختار ہا تے یروشلیم ءچ عبادت کیتے آیا ہا۔

مرقس 7:26

ایہ تریمت یُونانی ہئی تے شام دے علاقے فینیکے ءچ پیدا تھئی ہئی۔ اُوں اُوندی مِنت کیتی جو ”میڈی چھوہیر ءچوں بدرُوح کڈھ ڈے۔“

گلتِیوں 2:3

پر میڈے ساتھی طِطُس کُوں وی بھانویں او یُونانی ہا ختنہ کراوݨ اُتے مجبور نہ کیتا گِیا۔

اعمال 21:28

چیخنڑ لگے جو ”اِسرائیلیو! ساڈی مدد کرو۔ اِیہو بندہ ہے جیہڑا ہر جاہ لوکاں کُوں ساڈے خلاف، ساڈی شریعت دے خلاف تے اِیں ہیکل دے خلاف تعلیم ڈیندا ہے۔ اِیندے علاوہ اُوں یُونانیاں کُوں وی ہیکل ءچ گِھن آ تے اِیں پاک جاہ کُوں ناپاک کر ڈِتے۔“

اعمال 20:21

مَیں یہُودیاں تے یُونانیاں ڈوہائیں دے سامنڑے گواہی ڈیندا ریہا ہاں جو او خُدا دو رجُوع کر تے توبہ کرݨ تے ساڈے خُداوند یسُوع المسیح اُتے اِیمان گِھن آوݨ۔

اعمال 16:1

پولُس دِربے تے وَل لُسترہ ءچ وی پُجیا، جِتھاں تِیمُتِھیُس ناں دا ہِک شاگرد ہا۔ اُوندی ماء تاں یہُودی ہئی جیہڑی مسیح اُتے اِیمان گِھن آئی ہئی پر اُوندا پِیُو یُونانی ہا۔

اعمال 14:1

اکُنیُم ءچ وی پولُس تے برنباس یہُودیاں دے عبادت خانہ ءچ گئے تے ایجھی تقریر کیتی جو بہُوں سارے یہُودی تے یُونانی اِیمان گِھن آئے۔

کلُسِّیوں 3:11

اِیں نوِیں زندگی ءچ نہ تاں کوئی یہُودی ریہا، نہ یُونانی، نہ ختنے آلا نہ بغیر ختنے آلا، نہ جنگلی نہ وحشی، نہ غُلام نہ آزاد، صرف مسیح ای سبھ کُجھ تے ساریاں ءچ ہے۔

گلتِیوں 3:28

ہُنڑ نہ کوئی یہُودی ریہا نہ کوئی یُونانی، نہ کوئی غُلام نہ کوئی ازاد تے نہ کوئی مرد تے نہ کوئی عورت، کیوں جو ہُنڑ تُساں سارے مسیح یسُوع ءچ ہِک ہیوے۔

رومیوں 10:12

کیوں جو یہُودی تے غیریہُودی ءچ کوئی فرق نئیں اِیں واسطے جو اُوہو خُداوند سبھ دا خُداوند ہے تے سبھ کُوں جیہڑے اُوندے تُوں دُعا کریندن فیاضی نال برکت ڈیندے۔

رومیوں 1:16

مَیں خوشخبری کنُوں نئیں شرمیندا کیوں جو او ہر اِیمان گِھن آوݨ آلے دی نجات کیتے خُدا دی قُدرت ہے۔ پہلے یہُودی کیتے، وَل غیریہُودی کیتے۔

یُوحنّا 12:1

وَل فسح کنُوں چِھی ڈینہہ پہلے یسُوع بیت عنیاہ ءچ آیا جِتھاں لعزر ہا جِینکُوں یسُوع مُردیاں ءچوں زندہ کیتا ہا۔

یُوحنّا 12:19

فریسیاں ایہ ڈیکھ تے ہِک ڈُوجھے کُوں آکھیا، ”کُجھ سوچو! ساڈے کنُوں کُجھ نئیں بنڑدا۔ ڈیکھو ساری دُنیا اُوندے پِچُھوں ٹُر پئی ہے۔“