یُوحنّا 11:55 - کِتاب مُقدّس سرائیکی ترجمہ

⁵⁵ جِیں ویلے یہُودیاں دی عید ِ فسح نیڑے ہئی تاں بہُوں سارے لوک دیہات دے علاقیاں کنُوں یروشلیم گئے تاں جو عید ِ فسح کنُوں پہلے آپنڑے آپ کُوں پاک کرݨ۔

یُوحنّا 11:55 Referans Kwoze

یُوحنّا 12:1

وَل فسح کنُوں چِھی ڈینہہ پہلے یسُوع بیت عنیاہ ءچ آیا جِتھاں لعزر ہا جِینکُوں یسُوع مُردیاں ءچوں زندہ کیتا ہا۔

یُوحنّا 6:4

یہُودیاں دی عید ِ فسح نیڑے ہئی۔

یُوحنّا 2:13

جِیں ویلے یہُودیاں دی عید ِ فسح نیڑے ہئی تاں یسُوع یروشلیم دو روانہ تھیّا۔

یعقُوب 4:8

خُدا دے نیڑے آؤ تاں او تُہاڈے نیڑے آسی۔ گُنہگارو، آپنڑے ہتھاں کُوں صاف کر گِھنو۔ تے ڈُو دِلیو، آپنڑے دِلاں کُوں پاک کر گِھنو۔

1کُرِنتھِیوں 11:28

بس اِیں روٹی ءچوں کھاوݨ تے اِیں پیالے ءچوں پِیوݨ کنُوں پہلے ہر بندہ آپنڑے آپ کُوں پرکھ گِھنے۔

اعمال 24:18

جِیں ویلے اُنہاں میکُوں ہیکل ءچ ایہ کم کریندے ڈِٹھا تاں مَیں طہارت دی حالت ءچ ہم۔ نہ کوئی ہنگامہ ہا تے نہ کوئی فساد۔ ہا، آسِیہ دے کُجھ یہُودی ہَن۔

یُوحنّا 18:28

وَل یہُودی راہنما سویل نال یسُوع کُوں کائفا دے کولُھوں رومی گورنر دے قلعہ ءچ گِھن گئے۔ پر او خود قلعہ دے اندر نہ گئے تاں جو ناپاک نہ تھی ونجنڑ بلکہ فسح دا کھانڑا کھا سگنڑ۔

یُوحنّا 13:1

عید ِ فسح شروع تھیوݨ آلی ہئی تے یسُوع کُوں معلوم ہا جو اُوندا دُنیا تُوں رُخصت تھی تے باپ کولھ ونجنڑ دا ویلا آ گئے۔ او آپنڑے لوکاں نال جیہڑے دُنیا ءچ ہَن محبت رکھیندا ہا تے آخر تئیں محبت رکھیندا ریہا۔

یُوحنّا 5:1

اِیندے بعد یہُودیاں دی عید ہئی تے یسُوع یروشلیم کُوں گِیا۔

یُوحنّا 2:6

اُتھاں پتھر دے چِھی مٹکے رکھے ہَن جِنہاں کُوں یہُودی طہارت کیتے اِستعمال کریندے ہَن۔ ہر مٹکے ءچ ڈُو ڈُو ترے ترے مَنڑ پانڑی دی گُنجائش ہئی۔

مرقس 14:1

ڈُو ڈینہہ بعد فسح تے بے خمیری روٹی دی عید آوݨ آلی ہئی تے سردار کاہِن تے شریعت دے عالم موقع دی تاڑ ءچ ہَن جو یسُوع کُوں کِینویں دوکھے نال پکڑ تے قتل کرݨ۔

متّی 26:1

جِیں ویلے یسُوع ایہ گالھیں کر گِھدیاں تاں اُوں آپنڑے شاگرداں کُوں آکھیا،

متّی 26:2

”تُہاکُوں پتہ ہے جو ڈُو ڈینہہ بعد عید ِ فسح ہے، تے اِبنِ آدم کُوں پکڑوا ڈِتا ویسی تاں جو او صلیب اُتے چڑھا ڈِتا ونجے۔“

لُوقا 22:1

بے خمیری روٹی دی عید جِینکُوں عید ِ فسح وی آدھے ہِن، نیڑے ہئی،

اعمال 21:24

اُنہاں کُوں آپنڑے نال گِھن وَنج تے اُنہاں نال رَل تے پاک تھیوݨ دیاں ساریاں رسماں کُوں پُورا کر، تے اُنہاں دا خرچا وی چا تاں جو او آپنڑے سر مُنوا سگنڑ۔ وَل ہر کہیں کُوں پتہ چل ویسی جو جیہڑے گالھیں تیڈے خلاف کیتیاں گئیاں ہِن او کُوڑیاں ہِن بلکہ تُوں خود وی شریعت اُتے عمل کر تے زندگی گُزریندا ہیں۔

اعمال 21:26

اِیں واسطے ڈُوجھے ڈینہہ پولُس اُنہاں بندیاں کُوں نال گِھن گِیا تے اُنہاں نال خود وی پاک تھیوݨ دیاں رسماں پُوریاں کر تے ہیکل ءچ داخل تھیّا تے اُوں تاریخ دے بارے ءچ ڈسایا جڈاں اُنہاں دے پاک تھیوݨ دے ڈینہہ پُورے تھیسن تے اُنہاں دیاں قُربانیاں پیش کیتیاں ویسن۔