یُوحنّا 11:32 - کِتاب مُقدّس سرائیکی ترجمہ

³² جِیں ویلے مریم اُوں جاہ اُتے پُجی جِتھاں یسُوع ہا تاں اُونکُوں ڈیکھ تے اُوندے پیراں ءچ ڈھے تے آکھیا، ”مالک! جے تُساں اِتھاں ہوندے تاں میڈا بِھرا نہ مردا۔“

یُوحنّا 11:32 Referans Kwoze

یُوحنّا 11:21

مَرتھا یسُوع کُوں آکھیا، ”مالک! جے تُساں اِتھاں ہوندے تاں میڈا بِھرا نہ مردا،

لُوقا 17:16

تے یسُوع دے پیراں اُتے مُنہ دے بھار ڈھے تے اُوندا شُکر ادا کرݨ لگا۔ تے او سامری ہا۔

لُوقا 5:8

شمعون پطرس ایہ ڈیکھ تے یسُوع دے پیراں اُتے ڈھٹھا تے آکھیا، ”مالک! میڈے کولُھوں چلے ونجو کیوں جو مَیں گُنہگار بندہ ہاں۔“

لُوقا 8:41

وَل یائِیر ناں دا ہِک بندہ جیہڑا عبادت خانہ دا سردار ہا، یسُوع دے کولھ آیا تے اُوندے پیراں ءچ ڈھے تے اُوندی مِنت کیتی جو ”میڈے گھر جُلو،“

مُکاشفہ 22:8

مَیں یُوحنّا اُوہو ہاں جئیں اِنہاں گالھیں کُوں سُنڑیا تے ڈِٹھا۔ جِیں ویلے مَیں ایہ گالھیں سُنڑ تے ڈیکھ گِھدیاں تاں میں سجدہ ءچ اُوں فرشتے دے پیراں ءچ ڈھے پِیا جئیں میکُوں ایہ گالھیں ڈِکھائیاں ہَن۔

مُکاشفہ 5:14

تے چارے جانداراں آکھیا، ”آمین“ تے بزُرگاں ڈھے تے سجدہ کیتا۔

مُکاشفہ 5:8

تے جِیں ویلے اُوں او طُومار گِھن گِھدا تاں او چارے جاندار تے او چوِّیہہ بزُرگ، لیلے دے سامنڑے سجدہ ءچ ڈھے پئے۔ اُنہاں ءچوں ہر ہِک دے کولھ ستار تے خوشبودار مصالحے نال بھرے سونے دے مُنگر ہَن۔ ایہ مُقدّساں دیاں دُعاواں ہِن۔

یُوحنّا 11:37

پر اُنہاں ءچوں کُجھ آکھیا، ”کیا ایہ بندہ جئیں اندھے دے اکھیں کھولیاں، اِیں بندے کُوں مرݨ تُوں بچا نہ سگیا؟“

یُوحنّا 4:49

بادشاہ دے ملازم اُونکُوں آکھیا، ”مالک! میڈے پوتر دے مرݨ تُوں پہلے جُلو۔“

یُوحنّا 11:2

بیمار لعزر دی بھینڑ اُوہو مریم ہئی جئیں خُداوند دے سر ءچ عِطر وِیٹیا ہا تے آپنڑے والاں نال اُوندے پیر پُونجھے ہَن۔