یُوحنّا 11:28 - کِتاب مُقدّس سرائیکی ترجمہ

²⁸ ایہ گالھ آکھ تے مَرتھا چلی گئی تے آپنڑی بھینڑ مریم کُوں اَنج سڈ تے آکھنڑ لگی جو ”اُستاد آ گئے تے تیکُوں سڈیندے۔“

یُوحنّا 11:28 Referans Kwoze

یُوحنّا 13:13

تُساں میکُوں اُستاد تے مالک آدھے ہیوے تے تُہاڈا آکھنڑ ٹھیک ہے کیوں جو مَیں ہاں۔

یُوحنّا 11:20

مَرتھا یسُوع دے آوݨ دی خبر سُنڑ تے اُونکُوں مِلنڑ کیتے باہر نِکلی پر مریم گھر ءچ ای ریہی۔

مرقس 10:49

یسُوع کھڑ تے آکھیا، ”اُونکُوں سڈو۔“ بس اُنہاں اُوں اندھے کُوں اواز ڈِتی تے آکھیا، ”حوصلہ رکھ، اُٹھی او تیکُوں سڈیندے۔“

یُوحنّا 21:7

وَل اُوں شاگرد جِینکُوں یسُوع عزیز رکھیندا ہا، پطرس کُوں آکھیا، ”ایہ تاں خُداوند ہے۔“ جِینویں ای شمعون پطرس ایہ سُنڑیا جو ایہ خُداوند ہے اُوں آپنڑا چولا چیل نال بدھیا کیوں جو اُوں اُونکُوں کم کیتے لہایا ہویا ہا تے پانڑی ءچ ٹپّا مار ڈِتا۔

یُوحنّا 20:16

یسُوع اُونکُوں آکھیا، ”مریم!“ اُوں مُڑ تے اُونکُوں عبرانی زبان ءچ آکھیا، ”ربونی!“ یعنی اُستاد!

یُوحنّا 10:3

چوکیدار اُوندے کیتے دروازہ کھولیندے تے بھیڈاں اُوندی اواز سُنڑدیاں ہِن۔ او آپنڑی ہر بھیڈ دا ناں گِھن تے اُنہاں کُوں سڈیندے تے اُنہاں کُوں باہر گِھن ویندے۔

یُوحنّا 1:45

فِلپُس، نتن ایل کُوں مِلیا تاں اُونکُوں آکھنڑ لگا جو ”جِیندا ذِکر مُوسیٰ توریت ءچ تے نبیاں صحائف ءچ کیتے، او ساکُوں مِل گِیا ہے۔ او یُوسف دا پوتر یسُوع ناصری ہے۔“

یُوحنّا 1:41

اندریاس پہلا کم ایہ کیتا جو آپنڑے بِھرا شمعون کُوں گولھ تے اُونکُوں آکھیا جو ”ساکُوں المسیح مِل گِیا ہے۔“ (مسیح دا مطلب خُدا دا چُنڑیا ہویا بادشاہ ہے۔)

لُوقا 22:11

تے گھر دے مالک کُوں اکھائے، ’اُستاد تیکُوں آدھے جو او مہمان خانہ کِتھاں ہے جِتھاں مَیں آپنڑے شاگرداں نال فسح دی عید دا کھانڑا کھاواں؟‘

مرقس 14:14

جیہڑے گھر ءچ او داخل تھیوے، اُوندے مالک کُوں اکھائے، ’اُستاد آدھے جو میڈے کیتے مہمان خانہ کِتھاں ہے جِتھاں مَیں آپنڑے شاگرداں نال فسح کھاواں؟‘

متّی 26:18

اُوں جواب ڈِتا، ”شہر ءچ فلاں بندے دے کولھ ونجو تے آکھو، ’اُستاد آدھے جو میڈا مقررہ ویلا نیڑے ہے۔ مَیں آپنڑے شاگرداں دے نال تیڈے گھر ءچ فسح دی عید منیساں‘۔“

عبرانیوں 12:12

بس تُساں آپنڑے تھکے ہوئے ہتھاں تے کمزور گوڈیاں کُوں مضبوط کرو۔

1تھِسّلُنیکیوں 5:11

اِیں واسطے تُساں ہِک ڈُوجھے دی حوصلہ افزائی کرو تے ترقی دا سبب بنڑو جِینویں جو تُساں کریندے وی ہیوے۔

یُوحنّا 11:29

او ایہ سُنڑدے ای فوراً اُٹھی تے یسُوع دے کولھ آئی۔

یُوحنّا 11:30

(یسُوع حالی وستی ءچ داخل نہ تھیّا ہا بلکہ اُوں جاہ اُتے ہا جِتھاں مَرتھا اُونکُوں مِلی ہئی۔)