یُوحنّا 11:11 - کِتاب مُقدّس سرائیکی ترجمہ

¹¹ وَل اُنہاں کُوں آکھنڑ لگا، ”ساڈا دوست لعزر سَم گِیا ہے پر مَیں اُونکُوں نیندر کنُوں جگاوݨ ویندا پِیا ہاں۔“

یُوحنّا 11:11 Referans Kwoze

یُوحنّا 11:13

یسُوع تاں لعزر دی موت دے بارے ءچ آکھیا ہا، پر اُنہاں سمجھیا جو او عام نیندر دی گالھ کریندے۔

1تھِسّلُنیکیوں 5:10

مسیح ساڈی خاطر اِیں واسطے جان ڈِتی جو اساں اُوندے نال زندہ راہوں، بھانویں اُوندی آمد دے ڈینہہ موئے ہوؤں یا زندہ،

1کُرِنتھِیوں 15:51

ڈیکھو مَیں تُہاکُوں ہِک راز دی گالھ ڈسیندا ہاں۔ اساں سارے موت دی نیندر تاں نہ سَم سُوں پر سارے بدل ویسوں۔

اعمال 7:60

وَل اُوں گوڈے ٹیک تے وڈی اواز نال آکھیا جو ”اے خُداوند! ایہ گُناہ اِنہاں دے ذمہ نہ لا۔“ تے ایہ آکھ تے سَم گِیا۔

متّی 27:52

تے قبراں کُھل گئیاں تے بہُوں سارے مُقدّس لوک جیہڑے مر گئے ہَن، زندہ تھی گئے۔

اِفِسیوں 5:14

کیوں جو جیہڑا کُجھ روشنی ءچ گِھن آیا ویندے، او روشن تھی ویندے۔ اِیں واسطے فرمایا گئے جو ”اے سمنڑ آلے، جاگ مُردیاں ءچوں زندہ تھی وَنج تاں مسیح دا نُور تیڈے اُتے چمکسی۔“

مرقس 5:39

اُوں اندر وَنج تے اُنہاں کُوں آکھیا، ”تُساں کیوں اِتنا شور مچیندے تے روندے ہیوے؟ چُھوہیر موئی نئیں بلکہ سُتی پئی ہے۔“

متّی 9:24

تاں آکھیا، ”پرے تھی ونجو کیوں جو چھوہیر موئی نئیں بلکہ سُتی پئی ہے۔“ ایہ سُنڑ تے او اُوندے اُتے کِھلنڑ لگ پئے۔

یعقُوب 2:23

اِینویں خُدا دے کلام دی ایہ گالھ پُوری تھئی جو ”ابرہام خُدا اُتے اِیمان گِھن آیا تے ایہ اُوندے کیتے راستبازی شمار کیتا گِیا،“ تے ”او خُدا دا دوست اکھوایا۔“

1کُرِنتھِیوں 15:34

چنگی طرحاں ہوش ءچ آؤ تے گُناہ نہ کرو۔ کیجھی شرم دی گالھ ہے جو ہُنڑ وی تُہاڈے ءچوں کُجھ خُدا کُوں نئیں جانڑدے۔ ایہ میں تُہاکُوں شرم ڈیواوݨ کیتے آدھا ہاں۔

1کُرِنتھِیوں 15:18

بلکہ جیہڑے مسیح اُتے اِیمان رکھیندے ہوئے سَم گئے ہِن او وی ہلاک تھئے۔

یُوحنّا 11:3

اِیں واسطے اُوندے بھینڑیں یسُوع کُوں سنیہا بھیجیا جو مالک! جِینکُوں تُساں عزیز رکھیندے ہیوے، او بیمار ہے۔

یُوحنّا 3:29

کُنوار تاں گھوٹ دی ہوندی ہے۔ پر گھوٹ دا دوست جیہڑا نال کھڑا تھی تے اُوندی سُنڑدے، او گھوٹ دی اواز سُنڑ تے خوش تھیندے۔ بس میڈی ایہ خوشی پُوری تھی گئی۔

یُوحنّا 11:10

پر جے او رات ویلے ٹُردے تاں اندھارے دی وجہ کنُوں تُھڈا کھاندے، کیوں جو اُوندے کولھ سوجھلا نئیں۔“

یُوحنّا 11:12

بس شاگرداں اُونکُوں آکھیا، ”مالک! جے او سَم گِیا ہے تاں چنگا تھی ویسی۔“