یُوحنّا 11:1 - کِتاب مُقدّس سرائیکی ترجمہ

¹ لعزر ناں دا ہِک بندہ بیمار ہا۔ او آپنڑے بھینڑیں مریم تے مَرتھا نال بیت عنیاہ ناں دی وستی ءچ راہندا ہا۔

یُوحنّا 11:1 Referans Kwoze

یُوحنّا 12:17

او لوک جیہڑے یسُوع دے نال ہَن جِیں ویلے اُوں اواز ڈے تے لعزر کُوں قبر ءچوں باہر سڈیا، تے مُردیاں ءچوں زندہ کیتا، اِیں گالھ دی گواہی ڈیندے ریہے۔

یُوحنّا 12:9

اِیں دوران یہُودیاں دے بہُوں سارے لوک ایہ معلوم کر تے جو او اُتھاں ہے نہ صرف یسُوع دے سببّوں بلکہ لعزر کُوں وی ڈیکھنڑا کیتے آئے جِینکُوں اُوں مُردیاں ءچوں زندہ کیتا ہا۔

یُوحنّا 11:11

وَل اُنہاں کُوں آکھنڑ لگا، ”ساڈا دوست لعزر سَم گِیا ہے پر مَیں اُونکُوں نیندر کنُوں جگاوݨ ویندا پِیا ہاں۔“

متّی 21:17

وَل او اُنہاں کُوں چھوڑ تے شہر کنُوں باہر بیت عنیاہ ءچ گِیا تے رات اُتھائیں گُزاری۔

اعمال 9:37

اُونہی ڈینہاں ءچ او بیمار تھی تے مر گئی تے اُوندی لاش کُوں غُسل ڈے تے اُتلے کمرے ءچ رکھ ڈِتا۔

یُوحنّا 11:3

اِیں واسطے اُوندے بھینڑیں یسُوع کُوں سنیہا بھیجیا جو مالک! جِینکُوں تُساں عزیز رکھیندے ہیوے، او بیمار ہے۔

مرقس 11:1

جِیں ویلے او یروشلیم دے نیڑے زیتون دے پہاڑ اُتے بیت فگے تے بیت عنیاہ دے نیڑے پُجے تاں یسُوع آپنڑے شاگرداں ءچوں ڈُو کُوں بھیجیا

یُوحنّا 11:18

بیت عنیاہ یروشلیم کنُوں تقریباً ڈُو مِیل دے فاصلے تے ہا

یُوحنّا 11:19

تے بہُوں سارے یہُودی مَرتھا تے مریم کُوں اُنہاں دے بِھرا دے بارے ءچ تسلی ڈیوݨ آئے ہَن۔