یُوحنّا 10:4 - کِتاب مُقدّس سرائیکی ترجمہ

⁴ جِیں ویلے او آپنڑیاں ساریاں بھیڈاں کُوں باہر کڈھ گِھندے تاں اُنہاں دے اگُوں اگُوں ٹُردے تے اُوندیاں بھیڈاں اُوندے پِچُھوں پِچُھوں ٹُردیاں ہِن، کیوں جو او اُوندی اواز سُنجڑیندیاں ہِن،

یُوحنّا 10:4 Referans Kwoze

یُوحنّا 10:16

میڈیاں بیاں وی بھیڈاں ہِن جیہڑیاں اِیں واڑے دیاں نئیں۔ میکُوں ضرور ہے جو مَیں اُنہاں کُوں وی گِھن آواں تے او میڈی اواز سُنڑسن۔ وَل ہِکو اِجڑ تے ہِکو آجڑی ہوسی۔

یُوحنّا 12:26

جے کوئی میڈی خدمت کرݨ چاہندے، اُونکُوں ضرور ہے جو میڈی پیروی کرے، تے جِتھاں مَیں ہاں اُتھاں میڈا خادم وی ہوسی۔ جے کوئی میڈی خدمت کرے تاں میڈا باپ اُوندی عزت کریسی۔

یُوحنّا 18:37

پِیلاطُس اُونکُوں آکھیا، ”بس کیا تُوں بادشاہ ہیں؟“ یسُوع جواب ڈِتا، ”تُوں خود آدھیں جو مَیں بادشاہ ہاں۔ مَیں اِیں واسطے پیدا تھیّا تے اِیں مقصد نال دُنیا ءچ آیا ہاں جو سچائی دی گواہی ڈیواں۔ جیہڑا کوئی سچائی دا طرفدار ہے، او میڈی اواز سُنڑدے۔“

1 پطرس 2:21

تُساں اِیں کیتے ای سڈے گئے ہیوے، کیوں جو مسیح تُہاڈے کیتے ڈُکھ چا تے ہِک نمونہ چھوڑ گِیا تاں جو تُساں اُوندے نقش ِ قدم اُتے ٹُرو۔

1 پطرس 5:3

تے جیہڑے لوک تُہاڈے سپُرد ہِن اُنہاں اُتے حُکم نہ چلاؤ بلکہ اِجڑ کیتے چنگا نمونہ بنڑو۔

1کُرِنتھِیوں 11:1

تُساں میڈے نمونے اُتے ٹُرو جِینویں مَیں مسیح دے نمونے اُتے ٹُردا ہاں۔

یُوحنّا 10:8

او سارے جیہڑے مَیں کنُوں پہلے آئے چور تے ڈاکو ہَن، اِیں واسطے بھیڈاں اُنہاں دی نہ سُنڑی۔

متّی 16:24

اُوں ویلے یسُوع آپنڑے شاگرداں کُوں آکھیا، ”جے کوئی میڈی پیروی کرݨ چاہندے تاں او آپنڑی خُودی دا اِنکار کرے تے آپنڑی صلیب چا تے میڈے پِچُھوں تھی پووے۔

عبرانیوں 12:2

اساں آپنڑی دِید یسُوع اُتے لائی رکھوں جیہڑا اِیمان دا بانی تے کامل کرݨ آلا ہے، جئیں اُوں خوشی پارُوں جیہڑی اُوندی نظراں دے سامنڑے ہئی، صلیب دا ڈُکھ سہہ تے اُوندی شرمندگی دی پرواہ نہ کیتی۔ تے ہُنڑ خُدا دے تخت دے سجے پاسُوں بیٹھے۔

عبرانیوں 6:20

جِتھاں یسُوع ساڈے کنُوں پہلے ای وَنج تے ہمیشاں کیتے مَلک ِ صِدق آلی کار کاہِن ِ اعظم بنڑ تے ساڈی خاطر داخل تھی گِیا ہے۔

اِفِسیوں 5:1

عزیز فرزند ہوندے ہوئے، خُدا دے نمونے اُتے چلو۔

یُوحنّا 3:29

کُنوار تاں گھوٹ دی ہوندی ہے۔ پر گھوٹ دا دوست جیہڑا نال کھڑا تھی تے اُوندی سُنڑدے، او گھوٹ دی اواز سُنڑ تے خوش تھیندے۔ بس میڈی ایہ خوشی پُوری تھی گئی۔

یُوحنّا 13:15

کیوں جو مَیں تُہاکُوں ہِک نمونہ ڈِتے جو جِینویں مَیں کیتے، تُساں وی اُونویں ای کرو۔

1 پطرس 4:1

جڈاں مسیح جِسمانی طور تے ڈُکھ چاتا تاں تُساں وی اُوں وانگُوں ڈُکھ چاوݨ کیتے تیار راہو کیوں جو جئیں وی مسیح دی خاطر ڈُکھ سہے، اُوں گُناہ کُوں چھوڑ ڈِتے۔

یُوحنّا 10:3

چوکیدار اُوندے کیتے دروازہ کھولیندے تے بھیڈاں اُوندی اواز سُنڑدیاں ہِن۔ او آپنڑی ہر بھیڈ دا ناں گِھن تے اُنہاں کُوں سڈیندے تے اُنہاں کُوں باہر گِھن ویندے۔

یُوحنّا 10:5

پر او کہیں غیر دے پِچُھوں کڈھائیں نہ ٹُرسن بلکہ اُوں کنُوں دُور بھجسن کیوں جو او اُوں غیر دی اواز نئیں سُنجڑیندیاں۔“

یُوحنّا 10:27

میڈیاں بھیڈاں میڈی اواز سُنڑدیاں ہِن تے مَیں اُنہاں کُوں جانڑدا ہاں تے او میڈے پِچُھوں پِچُھوں ٹُردیاں ہِن۔