یُوحنّا 10:32 - کِتاب مُقدّس سرائیکی ترجمہ

³² یسُوع اُنہاں کُوں آکھیا، ”مَیں تُہاکُوں آپنڑے باپ دی طرفوں وڈے وڈے کم ڈِکھائے ہِن۔ تُساں اُنہاں ءچوں کیہڑے کم دی وجہ کنُوں میکُوں سنگسار کریندے ہیوے؟“

یُوحنّا 10:32 Referans Kwoze

1 یُوحنّا 3:12

قائن وانگُوں نہ بنڑو جیہڑا ابلیس دا بندہ ہا تے جئیں آپنڑے بِھرا کُوں قتل کیتا۔ اُوں کیوں اُونکُوں قتل کیتا؟ اِیں واسطے جو اُوندے کم بُرے ہَن پر اُوندے بِھرا دے نیک۔

اعمال 10:38

جو خُدا یسُوع ناصری کُوں رُوح القُدس تے قُدرت نال کِینویں مسح کیتا۔ او بھلائی کریندا تے اُنہاں ساریاں کُوں جیہڑے ابلیس دے ظلم دا شکار ہَن، شِفا ڈیندا ریہا کیوں جو خُدا اُوندے نال ہا۔

اعمال 2:22

اِسرائیلیو! سُنڑو، یسُوع ناصری ایجھا بندہ ہا جیندے ذریعے خُدا تُہاڈے وچال معجزے، عجیب کم تے نشان ڈِکھا تے ثابت کیتا جو او خُدا دی طرفوں ہا۔ تُساں آپ ای ایہ گالھ جانڑدے ہیوے۔

یُوحنّا 10:37

جے مَیں آپنڑے باپ دے کم نہ کراں تاں میڈا یقین نہ کرو۔

یُوحنّا 5:36

پر میڈے کولھ یُوحنّا دی گواہی کنُوں وڈی گواہی ہے، کیوں جو جیہڑے کم باپ میکُوں کرݨ کیتے ڈِتے یعنی جیہڑے مَیں کریندا ہاں او میڈے گواہ ہِن جو باپ میکُوں بھیجیا ہے۔

متّی 11:5

جو اندھے ڈیدھے ہِن، منڈے ٹُردے ہِن، کوڑھی پاک صاف کیتے ویندے ہِن، ڈورے سُنڑدے ہِن، مُردے زندہ کیتے ویندے ہِن تے غریباں کُوں خوشخبری سُنڑائی ویندی ہے۔

یُوحنّا 10:25

یسُوع جواب ڈِتا، ”مَیں تاں تُہاکُوں ڈسا ڈِتے پر تُساں میڈا یقین ای نئیں کریندے۔ جیہڑے کم مَیں آپنڑے باپ دے ناں نال کریندا ہاں، اُوہو میڈے گواہ ہِن۔

یُوحنّا 10:31

یہُودیاں ولا اُونکُوں سنگسار کرݨ کیتے پتھر چا تے۔

یُوحنّا 10:33

یہُودیاں اُونکُوں جواب ڈِتا، ”چنگے کم دی وجہ کنُوں نئیں بلکہ کُفر دے سببّوں سنگسار کریندے ہیں کیوں جو تُوں محض اِنسان ہوندے ہوئے آپنڑے آپ کُوں خُدا بنڑیندیں۔“