یُوحنّا 10:19 - کِتاب مُقدّس سرائیکی ترجمہ

¹⁹ اِنہاں گالھیں دے سببّوں یہُودیاں ءچ وَل پُھٹ پے گئی۔

یُوحنّا 10:19 Referans Kwoze

یُوحنّا 9:16

وَل فریسیاں ءچوں کُجھ آکھنڑ لگے، ”ایہ بندہ خُدا دی طرفوں نئیں کیوں جو او سبت دے ڈینہہ کُوں نئیں منیندا۔“ پر کُجھ آکھنڑ لگے جو ”کوئی گُنہگار بندہ ایجھے معجزے کِینویں ڈِکھا سگدے؟“ بس اُنہاں ءچ پُھٹ پے گئی۔

1کُرِنتھِیوں 3:3

تُساں اجنڑ تئیں جِسمانی لوکاں وانگُوں زندگی گُزریندے پئے ہیوے۔ کیوں جو تُہاڈے ءچ حسد تے جھیڑے ہِن تاں کیا تُساں دُنیاوی نئیں؟ کیا تُساں اِنسانی طور طریقے اُتے نئیں چلدے پئے؟

اعمال 14:4

پر شہر دے لوک آپس ءچ ونڈیج گئے۔ کُجھ یہُودیاں نال تھی گئے تے کُجھ رسُولاں نال۔

1کُرِنتھِیوں 11:18

پہلی گالھ ایہ ہے جو مَیں سُنڑے جو جِیں ویلے تُساں کلیسیا دے طور تے جمع تھیندے ہیوے تاں تُہاڈے ءچ تفرقے تھیندے ہِن۔ تے میکُوں کہیں حد تئیں اِیں گالھ دا یقین وی ہے۔

یُوحنّا 6:52

اِیں تے یہُودیاں ءچ جھیڑا شروع تھی گِیا تے او آکھنڑ لگے، ”ایہ بندہ کِینویں ساکُوں آپنڑا گوشت کھاوݨ کیتے ڈے سگدے؟“