یُوحنّا 10:18 - کِتاب مُقدّس سرائیکی ترجمہ

¹⁸ میڈی جان مَیں کنُوں کوئی وی نئیں کھسیندا بلکہ مَیں آپنڑی مرضی نال اُونکُوں قُربان کریندا ہاں۔ میڈے کولھ اُونکُوں ڈیوݨ دا وی اِختیار ہے تے اُونکُوں ولا گِھننڑ دا وی اِختیار ہے۔ ایہ حُکم میکُوں میڈے باپ کنُوں مِلیا ہے۔“

یُوحنّا 10:18 Referans Kwoze

عبرانیوں 2:9

پر اساں یسُوع کُوں، جِینکُوں کُجھ دیر کیتے فرشتیاں کنُوں گھٹ کیتا گِیا، موت دا ڈُکھ سہنڑ دے سببّوں شان تے عزت دا تاج پاتے ہوئے ڈیدھے ہیں۔ ہا خُدا دے فضل نال اُوں ہر اِنسان کیتے موت دا مزہ چکھیا۔

طِطُس 2:14

مسیح آپنڑے آپ کُوں ساڈی خاطر ڈے ڈِتا تاں جو ساڈا فِدیہ ڈے تے ساکُوں ہر طرحاں دی بدکاری کنُوں چُھڑا گِھنے، تے ساکُوں پاک کر تے آپنڑے کیتے ہِک ایجھی اُمت بنڑا گِھنے جیہڑی نیک کم کرݨ ءچ سرگرم راہوے۔

یُوحنّا 10:17

میڈا باپ میکُوں اِیں واسطے پیار کریندے، جو مَیں آپنڑی جان قُربان کریندا ہاں تاں جو اُونکُوں ولا گِھن گِھناں۔

یُوحنّا 14:31

پر ایہ اِیں واسطے تھیندے جو دُنیا جاݨ گِھنے جو مَیں باپ نال محبت کریندا ہاں تے جِینویں باپ میکُوں حُکم ڈِتے مَیں اُونویں ای کریندا ہاں۔ اُٹھو اِتُھوں جُلوں۔“

یُوحنّا 6:38

کیوں جو مَیں اسمان کنُوں اِیں واسطے نئیں لتھا جو آپنڑی مرضی پُوری کراں بلکہ اِیں واسطے جو آپنڑے بھیجنڑ آلے دی مرضی پُوری کراں۔

یُوحنّا 15:10

جے تُساں میڈے حُکماں اُتے عمل کریسو تاں میڈی محبت ءچ قائم راہسو، جِینویں مَیں آپنڑے باپ دے حُکماں اُتے عمل کیتے تے اُوندی محبت ءچ قائم ہاں۔

یُوحنّا 10:11

چنگا آجڑی مَیں ہاں۔ چنگا آجڑی آپنڑیاں بھیڈاں کیتے جان ڈیندے۔

اعمال 3:15

تُساں زندگی دے مالک کُوں قتل کر ڈِتا جِینکُوں خُدا مُردیاں ءچوں زندہ کیتا۔ اساں اِیندے گواہ ہیں۔

اعمال 2:24

پر خُدا اُونکُوں زندہ کر ڈِتا تے موت دے قبضے تُوں چُھڑایا کیوں جو ایہ ممکن نہ ہا جو او موت دے قبضہ ءچ راہندا۔

یُوحنّا 5:30

مَیں آپنڑے آپ کنُوں کُجھ نئیں کر سگدا۔ مَیں جِینویں سُنڑدا ہاں عدالت کریندا ہاں، تے میڈی عدالت سچی ہے کیوں جو مَیں آپنڑی مرضی نئیں بلکہ آپنڑے بھیجنڑ آلے دی مرضی چاہندا ہاں۔

اعمال 2:32

خُدا یسُوع کُوں زندہ کیتا تے اساں سارے اِیں گالھ دے گواہ ہیں۔

یُوحنّا 19:11

یسُوع اُونکُوں جواب ڈِتا ”جے ایہ اِختیار تیکُوں اُتوں نہ مِلیا ہوندا تاں تیڈا میڈے اُتے کوئی اِختیار نہ ہوندا۔ اِیں سببّوں جیہڑے بندے میکُوں تیڈے حوالے کیتے، او زیادہ گُنہگار ہے۔“

یُوحنّا 10:15

بالکل اُونویں ای جِینویں باپ میکُوں جانڑدے تے مَیں باپ کُوں جانڑدا ہاں۔ تے مَیں بھیڈاں کیتے آپنڑی جان ڈیندا ہاں۔

یُوحنّا 5:26

کیوں جو جِینویں باپ آپنڑے آپ ءچ زندگی رکھیندے اُونویں ای اُوں پوتر کُوں وی ایہ بخشیا جو آپنڑے ءچ زندگی رکھے۔