یُوحنّا 10:1 - کِتاب مُقدّس سرائیکی ترجمہ

¹ ”مَیں تُہاکُوں سچ آدھا ہاں جو جیہڑا کوئی بھیڈاں دے واڑے ءچ دروازے کنُوں داخل نئیں تھیندا بلکہ کہیں بئے پاسُوں ٹپ تے اندر آندے، او چور تے ڈاکو ہے۔

یُوحنّا 10:1 Referans Kwoze

متّی 7:15

کُوڑے نبیاں تُوں خبردار راہو جیہڑے تُہاڈے کولھ بھیڈاں دی شکل ءچ آندے ہِن پر اندرُوں چِیرݨ پھاڑن آلے نہر ہِن۔

رومیوں 16:18

کیوں جو ایجھے لوک ساڈے خُداوند مسیح دی نئیں بلکہ آپنڑے پیٹ دی خدمت کریندے ہِن۔ او آپنڑے مِٹھے تے خوشامد دے گالھیں نال اُنہاں لوکاں کُوں دوکھا ڈیندے ہِن، جیہڑے کُجھ نئیں جانڑدے۔

1 یُوحنّا 4:1

عزیزو! تُساں ہر ہِک رُوح دا یقین نہ کرو بلکہ رُوحاں کُوں پرکھو جو او خُدا دی طرفوں ہِن یا نئیں۔ کیوں جو بہُوں سارے کُوڑے نبی دُنیا ءچ نِکل آئے ہِن۔

عبرانیوں 5:4

کہیں بندے کُوں کاہِنِ اعظم دا باعزت عُہدہ آپنڑی مرضی نال نئیں مِلدا بلکہ ہارُون آلی کار خُدا دی طرفوں سڈے ونجنڑ نال مِلدے۔

2 پطرس 2:3

لالچ دے سببّوں ایہ اُستاد فرضی گالھیں سُنڑا تے تُہاڈے تُوں ناجائز فائدہ چیسن۔ پر اُنہاں دی سزا دا حُکم بہُوں پہلے کنُوں تھی گئے، تے او سزا تیار ہے تے اُنہاں دی ہلاکت ءچ دیر نہ تھیسی۔

2 پطرس 2:1

پر جِینویں بنی اِسرائیل ءچ کُوڑے نبی وی ہَن، اُونویں ای تُہاڈے ءچ وی کُوڑے اُستاد ہوسن۔ او چلاکی نال ہلاک کرݨ آلیاں بِدعتاں کِھنڈیسن، بلکہ آپنڑے اُوں مالک دا اِنکار کریسن جئیں اُنہاں کُوں مُل گِھدا ہا۔ ایجھے کماں نال او آپنڑے اُتے جلد ہلاکت گِھن آسن۔

1 پطرس 1:10

اِیں نجات دے بارے ءچ نبیاں بہُوں تحقیق تے تلاش کیتی، تے اُوں فضل دے بارے ءچ نبُوّت کیتی جیہڑا تُہاڈے اُتے تھیوݨ آلا ہا۔

رومیوں 10:15

تے خوشخبری کِینویں سُنڑاوݨ جئیں تئیں کوئی اُنہاں کُوں نہ بھیجے ؟ اِیں واسطے لِکھیا ہے جو ”اُنہاں دے پیر کیجھے بختاں آلے ہِن جیہڑے خوشخبری سُنڑیندن۔“

یُوحنّا 3:3

یسُوع جواب ءچ اُونکُوں آکھیا، ”مَیں تیکُوں سچ آدھا ہاں جو جئیں تئیں کوئی نویں سرے تُوں پیدا نہ تھیوے، او خُدا دی بادشاہی کُوں ڈیکھ نئیں سگدا۔“

طِطُس 1:11

ایجھے لوکاں دا مُنہ بند کرݨ ضروری ہے، اِیں واسطے جو او ناجائز نفع دی خاطر غلط تعلیم سِکھا تے گھراں دے گھر برباد کر ڈیندے ہِن۔

یُوحنّا 10:7

بس یسُوع اُنہاں کُوں ولا آکھیا، ”مَیں تُہاکُوں سچ آدھا ہاں جو بھیڈاں دا دروازہ مَیں ہاں۔