یُوحنّا 1:6 - کِتاب مُقدّس سرائیکی ترجمہ

⁶ خُدا ہِک بندے کُوں بھیجیا جِیندا ناں یُوحنّا ہا۔

یُوحنّا 1:6 Referans Kwoze

یُوحنّا 3:28

تُساں خود گواہ ہیوے جو مَیں آکھیا ہا جو ’مَیں المسیح نئیں بلکہ اُوندے اگُوں بھیجیا گِیا ہاں۔‘

یُوحنّا 1:33

مَیں تاں اُونکُوں پچھانڑدا نہ ہم پر جئیں میکُوں پانڑی نال بپتسمہ ڈیوݨ کیتے بھیجیا ہا اُوں میکُوں ڈسایا جو ’جیندے اُتے رُوح القُدس کُوں لہندے تے کھڑ دا ڈیکھیں، اُوہو رُوح القُدس نال بپتسمہ ڈیسی۔‘

اعمال 13:24

یسُوع دے آوݨ کنُوں پہلے یُوحنّا اِسرائیل دی ساری اُمت دے سامنڑے توبہ کرݨ تے بپتسمہ گِھننڑ دی منادی کیتی۔

لُوقا 1:76

تے میڈے پوتر! تُوں خُدا تعالیٰ دا نبی اکھویسیں کیوں جو تُوں خُداوند دے اگُوں اگُوں ٹُر تے اُوندے رستے تیار کریسیں

متّی 11:10

ایہ اُوہو ہے جیندے بارے کلام ءچ لِکھیا ہے جو ’ڈیکھ مَیں آپنڑا پیغمبر تیڈے اگُوں بھجیندا ہاں جیہڑا تیڈے اگُوں تیڈی راہ تیار کریسی۔‘

لُوقا 1:13

پر فرشتے اُونکُوں آکھیا، ”زکریاہ! خوف نہ کر کیوں جو تیڈی دُعا سُنڑی گئی ہے تے تیڈے کیتے تیڈی ذال اِلیشِبَع دے پوتر جمسی۔ تُوں اُوندا ناں یُوحنّا رکھیں۔

متّی 21:25

یُوحنّا دا بپتسمہ کِتھوں ہا؟ اسمان دی طرفوں یا اِنسان دی طرفوں؟“ او آپس ءچ تکرار کرݨ لگے، ”جے اساں آکھوں جو، ’اسمان دی طرفوں‘ تاں او ساکُوں اکھیسی ’وَل تُساں اُوندا یقین کیوں نہ کیتا؟‘