یُوحنّا 1:49 - کِتاب مُقدّس سرائیکی ترجمہ

⁴⁹ نتن ایل آکھیا، ”ربّی! تُساں خُدا دے پوتر ہیوے۔ تُساں اِسرائیل دے بادشاہ ہیوے۔“

یُوحنّا 1:49 Referans Kwoze

یُوحنّا 1:34

بس مَیں ڈِٹھے تے گواہی ڈِتی ہے جو ایہ خُدا دا پوتر ہے۔“

لُوقا 19:38

جو ”مُبارک ہے او بادشاہ جیہڑا رب العالمین دے ناں کنُوں آندا ہے۔ اسمان اُتے صُلح تے سبھ تُوں اُچے اسمان اُتے خُدا دا جلال!“

متّی 27:42

”اِیں ڈُوجھیاں کُوں بچائے پر آپنڑے آپ کُوں نئیں بچا سگدا۔ جے ایہ اِسرائیل دا بادشاہ ہے تاں ہُنڑیں صلیب تُوں لہہ آوے۔ وَل اساں اِیندے اُتے اِیمان گِھن آسُوں۔

متّی 21:5

”صِیُّون دے لوکاں کُوں آکھو جو، ڈیکھو تُہاڈا بادشاہ تُہاڈے کولھ آندا پِیا ہے او حلیم ہے تے گڈھاں اُتے سوار ہے، بلکہ گڈھاں دے بچّے اُتے۔“

متّی 2:2

”یہُودیاں دا بادشاہ جیہڑا جمے او کِتھاں ہے؟ کیوں جو اساں سِجھ اُبھار آلے پاسے اُوندا تارہ ڈیکھ تے اُونکُوں سجدہ کرݨ آئے ہیں۔“

یُوحنّا 1:38

یسُوع مُڑ تے اُنہاں کُوں پِچُھوں آندے ڈِٹھا تاں اُنہاں کنُوں پُچھیا، ”تُساں کیا گولھیندے ہیوے؟“ اُنہاں آکھیا، ”ربّی، (یعنی اُستاد) تُساں کِتھاں راہندے ہیوے؟“

متّی 27:11

یسُوع گورنر دے سامنڑے کھڑا ہا، تے گورنر اُونکُوں پُچھنڑ لگا، ”کیا تُوں یہُودیاں دا بادشاہ ہیں؟“ یسُوع جواب ڈِتا، ”ایہ تُوں خود آدھیں۔“

متّی 14:33

تے وَل جیہڑے لوک کشتی ءچ ہَن اُنہاں اُونکُوں سجدہ کر تے آکھیا، ”یقیناً تُساں خُدا دے پوتر ہیوے۔“

یُوحنّا 18:37

پِیلاطُس اُونکُوں آکھیا، ”بس کیا تُوں بادشاہ ہیں؟“ یسُوع جواب ڈِتا، ”تُوں خود آدھیں جو مَیں بادشاہ ہاں۔ مَیں اِیں واسطے پیدا تھیّا تے اِیں مقصد نال دُنیا ءچ آیا ہاں جو سچائی دی گواہی ڈیواں۔ جیہڑا کوئی سچائی دا طرفدار ہے، او میڈی اواز سُنڑدے۔“

یُوحنّا 1:18

خُدا کُوں کڈھائیں کہیں نئیں ڈِٹھا پر اِکلوتا پوتر جیہڑا باپ دی گود ءچ ہے، اُوں ای اُونکُوں ظاہر کیتا۔

متّی 4:3

وَل ابلیس کولھ آ تے اُونکُوں آکھیا، ”جے تُوں خُدا دا پوتر ہیں تاں اِنہاں پتھراں کُوں آکھ جو ایہ روٹیاں بنڑ ونجنڑ۔“

متّی 23:7

تے بازاراں ءچ سلام تے آدمیاں کنُوں ربّی اکھواوݨ پسند کریندے ہِن۔

متّی 23:8

پر تُساں ربّی نہ اکھواؤ کیوں جو تُہاڈا اُستاد ہِکو ہے یعنی مسیح، تے تُساں سبھ بِھرا ہیوے۔

مرقس 15:32

اِسرائیل دے بادشاہ، المسیح، ہُنڑ صلیب تُوں لہہ آ تاں جو اساں ڈیکھ تے اِیمان گِھن آؤں۔“ تے جیہڑے اُوندے نال مصلُوب تھئے ہَن او وی اُونکُوں لعن طعن کریندے ہَن۔

لُوقا 1:35

فرشتہ جواب ءچ اُونکُوں آکھیا، ”رُوح القُدس تیڈے اُتے نازل تھیسی تے خُدا تعالیٰ دی قُدرت تیڈے اُتے چھاں کریسی۔ اِیں وجہ کنُوں او مُقدّس بچّہ، خُدا دا پوتر اکھویسی۔

یُوحنّا 1:50

یسُوع جواب ءچ اُونکُوں آکھیا، ”کیا تُوں ایہ سُنڑ تے جو مَیں تیکُوں ہنجیر دے درخت دے تلے ڈِٹھا ہا، اِیں واسطے اِیمان گِھن آئیں؟ تُوں اِیں کنُوں وی وڈے وڈے کم ڈیکھسیں۔“

یُوحنّا 4:31

اِیں دوران اُوندے شاگرد اُونکُوں ایہ درخاست کرݨ لگے جو ”ربّی، کُجھ کھا گِھنو۔“