یُوحنّا 1:48 - کِتاب مُقدّس سرائیکی ترجمہ

⁴⁸ نتن ایل پُچھیا، ”تُساں میکُوں کِینویں جانڑدے ہیوے؟“ یسُوع جواب ڈِتا، ”فِلپُس دے سڈݨ کنُوں پہلے جیہڑے ویلے تُوں ہنجیر دے درخت تلے ہَویں مَیں تیکُوں ڈیکھ گِھدا ہا۔“

یُوحنّا 1:48 Referans Kwoze

یُوحنّا 2:25

اُونکُوں اِیندی ضرورت نہ ہئی جو کوئی اُونکُوں اِنسان دے بارے ءچ ڈساوے کیوں جو او اِنسان دے دل دا حال جانڑدا ہا۔

متّی 6:6

بلکہ جِیں ویلے تُوں دُعا کریں تاں آپنڑی کوٹھڑی ءچ وَنج، تے دروازہ بند کر تے آپنڑے اسمانی باپ کنُوں جیہڑا نظر کنُوں لُکیا ہے دُعا کر۔ وَل تیڈا باپ جیہڑا تیڈے لُکے ہوئے کم ڈیدھے تیکُوں اجر ڈیسی۔

1کُرِنتھِیوں 14:25

اُوندے دل دے راز ظاہر تھی ویسن تے او مُنہ بھرنے ڈھے تے خُدا کُوں سجدہ کریسی تے منیسی جو ”خُدا سچ مُچ تُہاڈے وچال ہے۔“

1کُرِنتھِیوں 4:5

اِیں واسطے تُساں وقت کنُوں پہلے کہیں گالھ دا فیصلہ نہ کرو بلکہ خُداوند دے آوݨ دا انتظار کرو۔ جیہڑے گالھیں اندھارے ءچ لُکے ہوئے ہِن او اُنہاں کُوں روشنی ءچ گِھن آسی تے لوکاں دے دل دے منصوبے ظاہر کریسی۔ اُوں ویلے ہر ہِک دی تعریف خُدا دی طرفوں کیتی ویسی۔

متّی 10:3

فِلپُس تے بَرتُلمائی، توما تے متّی محصُول گِھننڑ آلا،

یُوحنّا 1:44

اندریاس تے پطرس وانگُوں فِلپُس دا وطنی شہر بیت صیدا ہا۔

یُوحنّا 6:5

جِیں ویلے یسُوع نِگاہ چا تے ڈِٹھا جو میڈے کولھ وڈی بِھیڑ آندی پئی ہے تاں فِلپُس کُوں آکھیا، ”اساں اِنہاں دے کھاوݨ کیتے روٹیاں کِتھوں مُل گِھنوں؟“

یُوحنّا 6:7

فِلپُس جواب ءچ اُونکُوں آکھیا، ”اِنہاں کیتے ڈُو سو دینار دیاں روٹیاں وی پُوریاں نہ تھیسن جو ہر ہِک کُوں کُجھ مِل سگے۔“

یُوحنّا 12:21

او فِلپُس دے کولھ آئے جیہڑا گلیل دے شہر بیت صیدا دا راہنڑ آلا ہا تے درخاست کیتی جو ”سائیں! اساں یسُوع کُوں ڈیکھنڑ چاہندے ہیں۔“

یُوحنّا 14:8

فِلپُس اُونکُوں آکھیا، ”مالک! ساکُوں باپ ڈِکھاؤ، ساڈے کیتے اِیہو بہُوں ہے۔“