یُوحنّا 1:31 - کِتاب مُقدّس سرائیکی ترجمہ

³¹ مَیں خود تاں اُونکُوں نہ جانڑدا ہم پر مَیں اِیں واسطے پانڑی نال بپتسمہ ڈیندا آیا تاں جو او بنی اِسرائیل اُتے ظاہر تھی ونجے۔“

یُوحنّا 1:31 Referans Kwoze

لُوقا 1:17

اُوندے ءچ ایلیّاہ جیہی رُوح تے قوت ہوسی تے او خُداوند تُوں پہلے آسی تاں جو پِیُو دا دل اولاد آلے پاسے لاوے تے نافرماناں کُوں نیک لوکاں دی حِکمت آلی راہ آلے پاسے پھیر ڈیوے تے لوکاں کُوں خُداوند دی آمد کیتے تیار کرے۔“

یُوحنّا 1:33

مَیں تاں اُونکُوں پچھانڑدا نہ ہم پر جئیں میکُوں پانڑی نال بپتسمہ ڈیوݨ کیتے بھیجیا ہا اُوں میکُوں ڈسایا جو ’جیندے اُتے رُوح القُدس کُوں لہندے تے کھڑ دا ڈیکھیں، اُوہو رُوح القُدس نال بپتسمہ ڈیسی۔‘

یُوحنّا 1:7

او اِیں واسطے آیا جو او نُور دی گواہی ڈیوے تاں جو سارے اُوندے وسیلہ نال اِیمان گِھن آوݨ۔

متّی 3:6

تے آپنڑے گُناہاں دا اِقرار کر تے یردن دریا ءچ اُوں کنُوں بپتسمہ گِھدا۔

اعمال 19:4

پولُس آکھیا ”یُوحنّا تاں توبہ دا بپتسمہ ڈِتا تے آکھیا جو ’او جیہڑا میڈے بعد آوݨ آلا ہے تُساں اُوندے اُتے اِیمان گِھن آؤ یعنی یسُوع اُتے‘۔“

متّی 3:13

اُوں ویلے یسُوع گلیل تُوں یردن دے کنارے یُوحنّا کنُوں بپتسمہ گِھننڑ آیا۔

یُوحنّا 1:30

ایہ اُوہو ہے جیندے بارے ءچ مَیں آکھیا ہا جو ’میڈے بعد ہِک بندہ آوݨ آلا ہے جیہڑا مَیں کنُوں افضل ہے اِیں واسطے جو او مَیں کنُوں پہلے ای موجود ہا۔‘

یُوحنّا 1:32

وَل یُوحنّا ایہ گواہی ڈِتی جو ”مَیں رُوح القُدس کُوں کبوتر وانگُوں اسمان کنُوں لہندے ڈِٹھے تے او اُوندے اُتے کھڑ گِیا۔