یُوحنّا 1:19 - کِتاب مُقدّس سرائیکی ترجمہ

¹⁹ تے یُوحنّا دی گواہی ایہ ہے جڈاں یہُودیاں یروشلیم تُوں کاہِن تے لاوی اُوندے کولھ ایہ پُچھنڑ کیتے بھیجے جو ”تُساں کوݨ ہیوے؟“

یُوحنّا 1:19 Referans Kwoze

یُوحنّا 10:24

یہُودی اُوندے چودھارُوں جمع تھی تے آکھنڑ لگے، ”تُوں کڈھاں تئیں ساکُوں شک ءچ رکھیسیں؟ جے تُوں المسیح ہیں تاں ساکُوں صاف صاف ڈسا۔“

اعمال 19:4

پولُس آکھیا ”یُوحنّا تاں توبہ دا بپتسمہ ڈِتا تے آکھیا جو ’او جیہڑا میڈے بعد آوݨ آلا ہے تُساں اُوندے اُتے اِیمان گِھن آؤ یعنی یسُوع اُتے‘۔“

اعمال 13:25

جِیں ویلے یُوحنّا دا کم پُورا تھیوݨ آلا ہا تاں اُوں آکھیا جو ’تُساں میکُوں کیا سمجھدے ہیوے؟ مَیں او نئیں بلکہ ڈیکھو میڈے بعد او بندہ آوݨ آلا ہے جیندے پیراں دی جُتیاں دا تسمہ مَیں کھولنڑ دے لائق نئیں۔‘

یُوحنّا 2:18

بس یہُودیاں جواب ءچ اُونکُوں آکھیا، ”اِنہاں کماں دے دفاع ءچ تُوں ساکُوں کیہڑا معجزہ ڈِکھا سگدیں؟“

یُوحنّا 5:10

بس یہُودی اُوں بندے کُوں جیہڑا ٹھیک تھی گِیا ہا آکھنڑ لگے جو ”اَج سبت دا ڈینہہ ہے، تیکُوں تیڈا بسترا چا تے ٹُرݨ پِھرݨ جائز نئیں۔“

یُوحنّا 6:52

اِیں تے یہُودیاں ءچ جھیڑا شروع تھی گِیا تے او آکھنڑ لگے، ”ایہ بندہ کِینویں ساکُوں آپنڑا گوشت کھاوݨ کیتے ڈے سگدے؟“

یُوحنّا 6:41

بس یہُودی اُوندے اُتے بُڑبُڑ کرݨ لگے اِیں واسطے جو اُوں آکھیا ہا جو ”جیہڑی روٹی اسمان کنُوں لتھی ہئی او مَیں ہاں۔“

یُوحنّا 1:7

او اِیں واسطے آیا جو او نُور دی گواہی ڈیوے تاں جو سارے اُوندے وسیلہ نال اِیمان گِھن آوݨ۔

یُوحنّا 2:20

یہُودیاں جواب ڈِتا، ”اِیں ہیکل دے بنڑاوݨ ءچ چھتالیہہ سال لگ گئے ہِن، تے کیا تُوں ترے ڈینہہ ءچ اِینکُوں ولا بنڑا ڈیسیں؟“

یُوحنّا 5:15

اُوں وَنج تے یہُودیاں کُوں ڈسایا، ”جئیں میکُوں شِفا ڈِتی ہے او یسُوع ہے۔“

یُوحنّا 5:16

اِیں واسطے یہُودی یسُوع کُوں ستاوݨ لگے کیوں جو او ایجھے کم سبت دے ڈینہہ کریندا ہا۔

یُوحنّا 5:18

اِیں وجہ کنُوں یہُودی اُونکُوں قتل کرݨ دی زیادہ کوشش کرݨ لگے کیوں جو او نہ صرف سبت دے حُکم دی خلاف ورزی کریندا بلکہ خُدا کُوں خاص آپنڑا باپ آکھ تے آپنڑے آپ کُوں خُدا دے برابر بنڑیندا ہا۔

یُوحنّا 7:1

اِنہاں گالھیں دے بعد یسُوع گلیل ءچ پِھردا ریہا کیوں جو یہُودیہ ءچ ونجنڑ نہ چاہندا ہا، اِیں واسطے جو اُتھاں یہُودی اُوندے قتل دی کوشش ءچ ہَن۔

یُوحنّا 7:11

بس یہُودی عید ءچ اُونکُوں گولھیندے تے پُچھدے پِھردے ہَن جو ”او کِتھاں ہے؟“

یُوحنّا 7:15

یہُودی حیران تھی تے آکھنڑ لگے جو ”اِیں کُوں بغیر پڑھے علم کِتھوں آ گِیا؟“

یُوحنّا 8:22

بس یہُودی آکھنڑ لگے، ”کیا او آپنڑے آپ کُوں مار گِھنسی، اِیں واسطے اکھیندے ’جِتھاں مَیں ویندا ہاں اُتھاں تُساں نئیں آ سگدے‘؟“

یُوحنّا 8:48

یہُودیاں جواب ءچ اُونکُوں آکھیا، ”کیا اساں ٹھیک نہ آدھے ہاسے جو تُوں سامری ہیں تے تیڈے ءچ بدرُوح ہے؟“

یُوحنّا 8:52

یہُودیاں اُونکُوں آکھیا جو ”ہُنڑ ساکُوں پتہ لگ گئے جو تیڈے ءچ بدرُوح ہے۔ ابرہام مر گِیا تے نبی وی مر گئے پر تُوں آدھیں جو ’جیہڑا کوئی میڈے کلام اُتے عمل کریسی او کڈھائیں نہ مرسی۔‘

یُوحنّا 8:57

یہُودیاں اُونکُوں آکھیا، ”تیڈی عُمر تاں حالی پنجھاہ سال وی نئیں، وَل کیا تُوں ابرہام کُوں ڈِٹھے؟“

یُوحنّا 10:31

یہُودیاں ولا اُونکُوں سنگسار کرݨ کیتے پتھر چا تے۔

یُوحنّا 11:19

تے بہُوں سارے یہُودی مَرتھا تے مریم کُوں اُنہاں دے بِھرا دے بارے ءچ تسلی ڈیوݨ آئے ہَن۔

1 یُوحنّا 1:5

او پیغام جیہڑا اساں مسیح کنُوں سُنڑیا تے تُہاکُوں ڈسیندے ہیں، او ایہ ہے جو خُدا نُور ہے تے اُوندے ءچ ذرا وی اندھارا کائنی۔