یُوحنّا 1:15 - کِتاب مُقدّس سرائیکی ترجمہ

¹⁵ اُوندے بارے ءچ یُوحنّا گواہی ڈِتی تے اُچی اواز ءچ آکھیا جو ”ایہ اُوہو ہے جیندے حق ءچ مَیں آکھیا ہا جو جیہڑا میڈے بعد آوݨ آلا ہے، او مَیں کنُوں افضل ہے کیوں جو او مَیں کنُوں پہلے موجود ہا۔“

یُوحنّا 1:15 Referans Kwoze

متّی 3:11

مَیں تاں تُہاکُوں توبہ کیتے پانڑی نال بپتسمہ ڈیندا ہاں پر جیہڑا میڈے بعد آندے او مَیں تُوں زیادہ زور آور ہے۔ مَیں تاں اُوندیاں جُتیاں چاوݨ دے وی لائق نئیں۔ او تُہاکُوں رُوح القُدس تے بھاہ نال بپتسمہ ڈیسی۔

کلُسِّیوں 1:17

مسیح ساریاں چیزاں کنُوں پہلے ہے تے اُوندے ءچ سبھ چیزاں قائم راہندیاں ہِن۔

یُوحنّا 17:5

تے ہُنڑ اے باپ! میکُوں آپنڑے حضُور ءچ جلال ڈے، او جلال جیہڑا مَیں دُنیا دے بنڑݨ کنُوں پہلے تیڈے نال رکھیندا ہم۔

لُوقا 3:16

تاں یُوحنّا سبھ کُوں جواب ءچ آکھیا، ”مَیں تاں تُہاکُوں پانڑی نال بپتسمہ ڈیندا ہاں، پر جیہڑا مَیں کنُوں زور آور ہے، او آوݨ آلا ہے۔ مَیں اُوندی جُتی دا تسمہ کھولنڑ دے لائق نئیں۔ او تُہاکُوں رُوح القُدس تے بھاہ نال بپتسمہ ڈیسی۔

یُوحنّا 8:58

یسُوع اُنہاں کُوں آکھیا، ”مَیں تُہاکُوں سچ آدھا ہاں جو اِیں کنُوں پہلے جو ابرہام پیدا تھیّا، مَیں ہاں۔“

مُکاشفہ 2:8

سمُرنہ دی کلیسیا دے فرشتہ کُوں ایہ لِکھ جو جیہڑا اوّل تے آخر ہے تے جیہڑا مر گِیا ہا تے ولا زندہ تھی گئے، او فرمیندے جو

عبرانیوں 13:8

یسُوع مسیح کل تے اَج بلکہ ہمیشاں تئیں ہِکو جِیہا ہے۔

یُوحنّا 1:27

او میڈے بعد آوݨ آلا ہے تے مَیں تاں اُوندی جُتی دا تسمہ کھولنڑ دے وی لائق نئیں۔“

مرقس 1:7

تے ایہ تبلیغ کریندا ہا جو ”میڈے بعد او بندہ آوݨ آلا ہے جیہڑا مَیں کنُوں زیادہ زور آور ہے۔ مَیں اِیں لائق نئیں جو جُھک تے اُوندی جُتی دا تسمہ کھول سگاں۔

مُکاشفہ 1:11

جیہڑی آدھی پئی ہئی جو ”جیہڑا کُجھ تُوں ڈیدھا ہیں اُونکُوں ہِک کتاب ءچ لِکھ گِھن تے ستّاں کلیسیاواں کُوں بھیج ڈے جیہڑیاں اِفِسُس، سمُرنہ، پِرگمُن، تھواتِیرہ، سردِیس، فِلدِلفیہ تے لَودِیکیہ ءچ ہِن۔“