یعقُوب 5:7 - کِتاب مُقدّس سرائیکی ترجمہ

⁷ اِیں کیتے بِھراؤ! خُداوند دے آوݨ تئیں صبر کرو۔ کِسان کُوں ڈیکھو، جیہڑا زمین ءچوں قیمتی پیداوار حاصل کرݨ کیتے خزاں تے بہار دے مینہ دا صبر نال اِنتظار کریندے۔

یعقُوب 5:7 Referans Kwoze

گلتِیوں 6:9

اساں نیکی کرݨ ءچ ہِمت نہ ہارُوں کیوں جو جے بے دل نہ تھیسوں تاں پُورے وقت اُتے فصل کپیسوں۔

کلُسِّیوں 1:11

تے تُساں اُوندے جلال آلی قُدرت دے مطابق ہر طرحاں دی طاقت ءچ مضبوط تھیندے ونجو تاں جو تُہاڈے ءچ خوشی نال بے حد برداشت تے صبر پیدا تھیوے،

عبرانیوں 6:15

اِینویں ابرہام صبر نال اِنتظار کر تے وعدہ کیتی ہوئی برکت گِھدی۔

رومیوں 2:7

جیہڑے نیک کماں ءچ قائم رہ تے جلال، عزت تے ختم نہ ہووݨ آلی زندگی دے طالب ہِن اُنہاں کُوں ہمیشاں دی زندگی ڈیسی۔

گلتِیوں 5:5

پر اساں رُوح القُدس دے وسیلے اِیمان نال راستباز تھیوݨ دے انتظار ءچ ہیں، جیندی ساکُوں اُمید ہے۔

1تھِسّلُنیکیوں 2:19

آخر ساڈی اُمید تے خوشی تے فخر دا تاج کیا ہے؟ خُداوند یسُوع دے واپس آوݨ ویلے جڈاں اساں اُوندے سامنڑے پیش تھیسوں تاں ساڈی اُمید یا خوشی یا او تاج جیندے اُتے اساں فخر کریسوں، کیا او تُساں ای نئیں؟

متّی 24:44

اِیں واسطے تُساں وی تیار راہو کیوں جو جِیں ویلے تُہاکُوں توقع وی نہ ہوسی اِبنِ آدم آ ویسی۔

1تھِسّلُنیکیوں 3:13

او تُہاڈے دِلاں کُوں ایجھا مضبوط کرے جو جِیں ویلے ساڈا خُداوند یسُوع آپنڑے سارے مُقدّساں نال آوے تاں تُہاڈے دل ساڈے خُدا تے باپ دے سامنڑے پاک تے بے عیب ہووݨ۔

متّی 24:27

کیوں جو جِینویں بجلی مشرق کنُوں چمک تے مغرب تئیں ڈِکھالی ڈیندی ہے، اُونویں ای اِبنِ آدم دا آوݨ ہوسی۔

رومیوں 15:4

جیہڑے گالھیں پہلے لِکھیاں گئیاں او ساڈی نصیحت کیتے لِکھیاں گئیاں تاں جو صبر نال تے خُدا دے کلام دی تسلی نال ساڈی اُمید قائم راہوے۔

2 پطرس 3:4

تے اکھیسن، ”مسیح دے آوݨ دا وعدہ کِتھاں گِیا؟ ساڈے پِیُو ڈاڈا تاں مر گئے تے دُنیا دے خلق تھیوݨ تُوں ہُنڑ تئیں سبھ کُجھ اِینویں ای ہے۔“

1تھِسّلُنیکیوں 1:3

اساں تُہاڈے کم جیہڑے اِیمان دی وجہ کنُوں ہِن، تے تُہاڈی محنت جیہڑی محبت دا نتیجہ ہے، تے تُہاڈے صبر کُوں جیہڑا ساڈے خُداوند یسُوع المسیح اُتے اُمید رکھنڑ دے سببّوں تُہاڈے ءچ پیدا تھئے، آپنڑے خُدا تے باپ دی حضُوری ءچ یاد کریندے ہیں۔

1کُرِنتھِیوں 1:7

ہُنڑ ساڈے خُداوند یسُوع مسیح دے ظاہر تھیوݨ دے اِنتظار ءچ راہندے ہوئے تُہاکُوں کہیں رُوحانی نعمت دی کمی نئیں۔

لُوقا 21:27

اُوں ویلے لوک اِبنِ آدم کُوں قُدرت تے وڈے جلال نال بدل اُتے آندا ڈیکھسن۔

لُوقا 18:8

مَیں تُہاکُوں آدھا ہاں جو او اُنہاں دا جلدی اِنصاف کریسی۔ وَل وی جِیں ویلے اِبنِ آدم آسی تاں کیا زمین اُتے اِیمان پے سی؟“

لُوقا 8:15

پر چنگی زمین آلے او ہِن جیہڑے کلام کُوں سُنڑ تے سچے تے نیک دل ءچ سنبھالی رکھیندن تے صبر نال پھل گِھن آندے ہِن۔

متّی 16:27

کیوں جو اِبنِ آدم آپنڑے باپ دے جلال ءچ آپنڑے فرشتیاں نال آسی۔ اُوں ویلے ہر ہِک کُوں اُوندے کماں دے مطابق اجر ڈیسی۔

متّی 16:28

مَیں تُہاکُوں سچ آدھا ہاں جو جیہڑے اِتھاں کھڑے ہِن اُنہاں ءچوں کُجھ ایجھے ہِن جو جئیں تئیں اِبنِ آدم کُوں اُوندی بادشاہی ءچ آندے ہوئے ڈیکھ نہ گِھنسن، ہرگز نہ مرسن۔“

یُوحنّا 21:22

یسُوع اُونکُوں آکھیا، ”جے مَیں چاہواں جو ایہ میڈے ولنڑ تئیں زندہ راہوے تاں اِیندے نال تیکُوں کیا؟ تُوں میڈے پِچُھوں ٹُر۔“

یُوحنّا 21:23

بس اِیمانداراں ءچ ایہ گالھ مشہور تھی گئی جو او شاگرد نہ مر سی۔ پر یسُوع ایہ نہ آکھیا ہا جو ”او نہ مرسی“ بلکہ ایہ آکھیا ہا، ”جے مَیں چاہواں جو او میڈے ولنڑ تئیں زندہ راہوے تاں اِیں گالھ نال تیکُوں کیا؟“

یعقُوب 4:11

بِھراؤ، تُساں آپس ءچ ہِک ڈُوجھے دی بدگوئی نہ کرو۔ جیہڑا آپنڑے بِھرا دی بدگوئی کریندے یا اُوندے اُتے اِلزام لیندے، او شریعت دی بدگوئی کریندے تے اُوندے اُتے اِلزام لیندے۔ تے جے تُوں شریعت اُتے اِلزام لیندیں تاں تُوں شریعت اُتے عمل کرݨ دی بجائے اُوندی عدالت کریندیں۔

یعقُوب 5:3

تُہاڈے سونے تے چاندی کُوں زنگ لگ گئے۔ تے او زنگ تُہاڈے خلاف گواہی ڈیسی تے بھاہ وانگُوں تُہاڈا گوشت کھا ویسی۔ کیوں جو تُساں آخری ڈینہاں کیتے دولت دے ڈھیر لا گِھدے ہِن۔

یعقُوب 5:10

بِھراؤ! جیہڑے نبیاں خُداوند دے ناں نال کلام کیتا، اُنہاں کُوں ڈُکھ چاوݨ تے صبر کرݨ دا نمونہ سمجھو۔