یعقُوب 5:15 - کِتاب مُقدّس سرائیکی ترجمہ

¹⁵ اِیمان نال منگی ہوئی دُعا دے سببّوں بیمار بچ ویسی۔ خُداوند اُونکُوں شِفا ڈیسی تے جے اُوں گُناہ کیتے ہووݨ تاں او معاف کیتے ویسن۔

یعقُوب 5:15 Referans Kwoze

یعقُوب 5:13

جے تُہاڈے ءچوں کوئی مُصیبت ءچ ہے تاں اُونکُوں چاہیدے جو دُعا کرے، تے جیہڑا خوش ہے، او حمد دے گیت گاوے۔

یعقُوب 5:16

اِیں کیتے تُساں ہِک ڈُوجھے دے سامنڑے آپنڑے گُناہاں دا اِقرار کرو تے ہِک ڈُوجھے کیتے دُعا کرو تاں جو شِفا پاؤ۔ کیوں جو راستباز دی دُعا دے اثر نال بہُوں کُجھ تھی سگدے۔

یعقُوب 1:6

پر اِیمان نال منگے تے ذرا وی شک نہ کرے، کیوں جو شک کرݨ آلا سمندر دی چھل وانگُوں ہوندے جیہڑی ہوا دے زور نال اُچھلدی راہندی ہے۔

متّی 17:20

یسُوع اُنہاں کُوں جواب ڈِتا، ”آپنڑے اِیمان دی کمی دی وجہ کنُوں۔ کیوں جو مَیں تُہاکُوں سچ آدھا ہاں جو جے تُہاڈے ءچ رائی دے دانڑے دے برابر وی اِیمان ہوسی تاں تُساں اِیں پہاڑ کُوں آکھ سگسو جو ’اِتُھوں کنُوں اُتھاں کِھسک وَنج،‘ تاں او کِھسک ویسی تے تُہاڈے کیتے کوئی کم نا ممکن نہ ہوسی۔

یُوحنّا 5:14

اِیندے بعد او یسُوع کُوں ہیکل ءچ مِلیا۔ یسُوع اُونکُوں آکھیا، ”ڈیکھ تُوں ٹھیک تھی گئیں، وَل گُناہ نہ کریں، اِینویں نہ تھیوے جو تَیں اُتے اِیں کنُوں وی وڈی آفت آوے۔“

یُوحنّا 6:39

تے میڈے بھیجنڑ آلے دی مرضی ایہ ہے جو جِتی وی لوک اُوں میکُوں ڈِتے ہِن، مَیں اُنہاں ءچوں کہیں کُوں وَنجا نہ ڈیواں بلکہ سبھ کُوں قیامت آلے ڈینہہ ولا زندہ کراں۔

1کُرِنتھِیوں 1:21

کیوں جو خُدا آپنڑی حِکمت دے مطابق ایہ فیصلہ کیتے جو دُنیا آلے آپنڑی حِکمت نال خُدا کُوں نہ جانڑݨ بلکہ خُدا کُوں ایہ پسند آیا جو اِیں بیوقُوفی دے پیغام دے وسیلے نال جیندی اساں تبلیغ کریندے ہیں اِیمان گِھن آوݨ آلیاں کُوں نجات بخشے۔

2کُرِنتھِیوں 4:14

کیوں جو اساں جانڑدے ہیں جو خُداوند یسُوع کُوں مُردیاں ءچوں زندہ کرݨ آلا ساکُوں وی یسُوع دے وسیلے زندہ کریسی تے تُہاڈے نال آپنڑے سامنڑے حاضر کریسی۔

یعقُوب 5:20

تاں یاد رکھو جو گُنہگار کُوں گُمراہی کنُوں واپس گِھن آوݨ آلا، ہِک جان کُوں موت کنُوں بچیسی تے بہُوں سارے گُناہاں اُتے پڑدہ پیسی۔