یعقُوب 5:14 - کِتاب مُقدّس سرائیکی ترجمہ

¹⁴ جے کوئی بیمار ہے تاں او کلیسیا دے بزُرگاں کُوں سڈواوے تاں جو او بزُرگ خُداوند دے ناں نال بیمار کُوں تیل لا تے اُوندے کیتے دُعا کرݨ۔

یعقُوب 5:14 Referans Kwoze

مرقس 6:13

تے بہُوں ساریاں بدرُوحاں کُوں کڈھیا تے بہُوں سارے بیماراں کُوں زیتون دا تیل لا تے شِفا ڈِتی۔

اعمال 28:8

تے پُبلِیُس دا پِیُو بُخار تے دَست دے سببّوں بیمار ہا۔ پولُس اُوندی خبرگیری کرݨ گِیا تے دُعا دے بعد آپنڑے ہتھ اُوندے اُتے رکھے تے اُونکُوں شِفا ڈِتی۔

مرقس 16:18

نانگاں کُوں چا گِھنسن، تے جے کوئی زہریلی چیز پی گِھنسن تاں اُنہاں کُوں کُجھ نُقصان نہ تھیسی۔ او بیماراں اُتے ہتھ رکھیسن تے او چنگے تھی ویسن۔“

طِطُس 1:5

مَیں تیکُوں کریتے ءچ اِیں واسطے چھوڑ ڈِتا ہا تاں جو جیہڑا کم اُتھاں ادُھورا رہ گِیا ہا، تُوں اُونکُوں پُورا کر سگیں، تے ہر شہر ءچ بزُرگاں کُوں مقرر کریں جِینویں مَیں تیکُوں ہدایت ڈِتی ہئی۔

اعمال 15:4

جِیں ویلے یروشلیم پُجے تاں کلیسیا، رسُول تے بزُرگ اُنہاں کُوں خوشی نال مِلے تے اُنہاں سبھ کُجھ بیان کیتا جیہڑا خُدا اُنہاں دی معرفت کیتا ہا۔

اعمال 14:23

اُنہاں ہر کلیسیا ءچ بزُرگاں کُوں مقرر کیتا تے روزہ رکھ تے، تے دُعاواں کر تے اُنہاں کُوں خُداوند دے سپُرد کیتا جئیں اُتے او اِیمان گِھن آئے ہَن۔

اعمال 9:40

پطرس اُنہاں ساریاں کُوں باہر کڈھ ڈِتا تے گوڈے ٹیک تے دُعا کیتی۔ وَل لاش دو مُڑ تے آکھیا ”تبِیتا! اُٹھی۔“ بس اُوں اکھیں کھول ڈِتیاں تے پطرس کُوں ڈیکھ تے اُٹھی تے بہہ گئی۔

اعمال 11:30

بس اُنہاں اِینویں ای کیتا تے ساؤل تے برنباس دے ہتھیں آپنڑی مالی مدد بزُرگاں کُوں بھجوا ڈِتی۔