یعقُوب 4:8 - کِتاب مُقدّس سرائیکی ترجمہ

⁸ خُدا دے نیڑے آؤ تاں او تُہاڈے نیڑے آسی۔ گُنہگارو، آپنڑے ہتھاں کُوں صاف کر گِھنو۔ تے ڈُو دِلیو، آپنڑے دِلاں کُوں پاک کر گِھنو۔

یعقُوب 4:8 Referans Kwoze

عبرانیوں 10:22

اِیں واسطے آؤ اساں سچے دل تے پُورے اِیمان نال خُدا دے کولھ جُلوں، کیوں جو ساڈے دل خون دے چھِنڈکیاں نال گُناہ تُوں پاک کیتے گئے ہِن تے ساڈے بدن صاف پانڑی نال دھوتے گئے ہِن۔

1 یُوحنّا 3:3

تے جیہڑا کوئی یسُوع تُوں ایہ اُمید رکھیندے، او آپنڑے آپ کُوں پاک رکھیندے، جِینویں او خود پاک ہے۔

عبرانیوں 7:19

کیوں جو شریعت کہیں چیز کُوں کامِل نئیں کیتا تے اُوندی جاہ تے ساکُوں ہِک زیادہ چنگی اُمید عطا کیتی گئی ہے جیندے وسیلے اساں خُدا دے نزدیک وَنج سگدے ہیں۔

2کُرِنتھِیوں 7:1

عزیزو، ساڈے نال ایجھے وعدے کیتے گئے ہِن، اِیں واسطے آؤ اساں آپنڑے آپ کُوں جِسم تے رُوح کُوں ناپاک کرݨ آلی ہر چیز کنُوں پاک کرُوں تے خُدا دا خوف منیندے ہوئے آپنڑی پاکیزگی کُوں کمال تئیں پُچاؤں۔

1 پطرس 3:21

اُوہو پانڑی بپتسمہ دو اِشارہ ہے جیہڑا یسُوع مسیح دے زندہ تھیوݨ دے وسیلے نال ہُنڑ تُہاکُوں بچیندے۔ ایہ نئیں جو تُہاڈے جِسم دی گندگی دھویج ویندی ہے بلکہ تُساں نیک نیّتی نال خُدا دے طالب تھی ویندے ہیوے۔

متّی 12:33

یا تاں درخت کُوں چنگا آکھو تے اُوندے پھل کُوں وی چنگا، یا درخت کُوں وی بُرا آکھو تے اُوندے پھل کُوں وی بُرا، کیوں جو درخت آپنڑے پھل کنُوں سُنجانڑیا ویندے۔

1 تِیمُتھِیُس 2:8

بس مَیں چاہندا ہاں جو بندے ہر جاہ، کاوڑ تے تکرار دے بغیر پاک ہتھاں کُوں چا تے دُعا کرݨ۔

1 پطرس 1:22

تُساں سچائی دے تابع تھی تے آپنڑے آپ کُوں پاک کیتے، جیندی وجہ کنُوں بِھرانواں ءچ سچی محبت پیدا تھئی۔ اِیں واسطے آپس ءچ دل و جان نال محبت رکھو۔

یعقُوب 1:8

کیوں جو او ڈُو دِلا ہے تے کہیں گالھ اُتے نئیں کھڑدا۔

اعمال 15:9

تے اِیمان دے وسیلہ نال اُنہاں دے دل پاک کر تے ساڈے ءچ تے اُنہاں ءچ کوئی فرق نئیں کیتا۔

متّی 15:2

”تُہاڈے شاگرد بزُرگاں دیاں رسماں دی خلاف ورزی کیوں کریندے ہِن، تے کھانڑا کھاوݨ کنُوں پہلے آپنڑے ہتھ نئیں دھوندے؟“

متّی 27:24

جِیں ویلے پِیلاطُس ڈِٹھا جو کُجھ نئیں بنڑدا بلکہ اُلٹا ہنگامہ تھیوݨ لگ پئے تاں اُوں پانڑی گِھن تے لوکاں دے سامنڑے آپنڑے ہتھ دھوتے، تے آکھیا، ”مَیں اِیں راستباز دے خون کنُوں بےقصُور ہاں۔ تُساں جانڑو۔“

یعقُوب 3:17

پر جیہڑی حِکمت اسمان کنُوں آندی ہے، اوّل تاں او پاک ہوندی ہے، وَل امن پسند، نرم مزاج تے تربیت قبول کرݨ آلی ہوندی ہے تے رحم تے چنگے کماں نال بھری ہوندی ہے۔ اُوندے ءچ طرفداری تے منافقت نئیں ہوندی۔