یعقُوب 4:4 - کِتاب مُقدّس سرائیکی ترجمہ

⁴ خُدا نال بے وفائی کرݨ آلیو! کیا تُہاکُوں پتہ نئیں جو دُنیا نال دوستی رکھنڑ خُدا نال دُشمنڑی کرݨ ہے؟ اِیں واسطے جیہڑا کوئی دُنیا دا دوست بنڑݨ چاہندے او خُدا دا دُشمنڑ بنڑ ویندے۔

یعقُوب 4:4 Referans Kwoze

رومیوں 8:7

کیوں جو جِسمانی نیّت خُدا دی مخالفت کریندی ہے۔ او نہ تاں خُدا دی شریعت دے تابع ہے نہ تھی سگدی ہے۔

گلتِیوں 1:10

کیا مَیں ایہ کوشش کریندا پِیا ہاں جو لوک میکُوں پسند کرݨ یا خُدا میکُوں پسند کرے؟ کیا مَیں آدمیاں کُوں خوش کرݨ چاہندا ہاں؟ جے ہُنڑ تئیں آدمیاں کُوں خوش کرݨ دی کوشش ءچ لگا راہندا تاں مسیح دا خادم نہ ہوندا۔

یُوحنّا 15:19

جے تُساں دُنیا دے ہوندے تاں دُنیا تُہاکُوں آپنڑا سمجھ تے عزیز رکھیندی پر کیوں جو تُساں دُنیا دے نئیں بلکہ مَیں تُہاکُوں دُنیا ءچوں چُنڑ گِھدے اِیں واسطے دُنیا تُہاڈے نال نفرت کریندی ہے۔

متّی 6:24

کوئی بندہ ڈُو مالکاں دی خدمت نئیں کر سگدا، کیوں جو یا او ہِک کنُوں نفرت کریسی تے ڈُوجھے نال محبت، یا ہِک نال وفا کریسی تے ڈُوجھے کُوں حقیر جانڑسی۔ تُساں خُدا تے دولت ڈوہائیں دی خدمت نئیں کر سگدے۔

یُوحنّا 17:14

مَیں تیڈا کلام اُنہاں تئیں پُچا ڈِتے تے دُنیا اُنہاں نال نفرت کیتی ہے کیوں جو جِینویں مَیں دُنیا دا نئیں او وی دُنیا دے نئیں۔

یعقُوب 1:27

ساڈے خُدا باپ دی نظر ءچ حقیقی تے بے عیب دینداری ایہ ہے جو یتیماں تے بیوہ عورتاں دی مُصیبت ویلے خبر گِیری کرو تے آپنڑے آپ کُوں دُنیا کنُوں بچا تے بے داغ رکھو۔

رومیوں 5:10

کیوں جو جِیں ویلے خُدا دے دُشمنڑ ہووݨ دے باوجود اُوندے پوتر دی موت دے وسیلے ساڈی اُوندے نال صُلح تھی گئی تاں صُلح تھیوݨ تُوں بعد اساں اُوندی زندگی دے سببّوں ضرور ای بچ ویسوں۔

متّی 16:4

اِیں زمانے دے بدکار تے زِنا کار لوک نشان منگدے ہِن پر اُنہاں کُوں یُوناہ دے نشان دے علاوہ بِیا کوئی نشان نہ ڈِتا ویسی۔“ تے او اُنہاں کُوں چھوڑ تے چلا گِیا۔

یُوحنّا 7:7

دُنیا تُہاڈے نال نفرت نئیں رکھ سگدی پر میڈے نال رکھیندی ہے، کیوں جو مَیں اُوندے خلاف گواہی ڈیندا ہاں جو اُوندے کم بُرے ہِن۔

لُوقا 19:27

پر میڈے اِنہاں دُشمنڑاں کُوں جیہڑے نہ چاہندے ہَن جو مَیں اِنہاں اُتے بادشاہی کراں، اُنہاں کُوں اِتھاں گِھن آؤ تے میڈے سامنڑے قتل کر ڈیؤ‘۔“

متّی 12:39

اُوں جواب ڈے تے آکھیا، ”اِیں زمانے دے بُرے تے زِناکار لوک نشان ڈیکھنڑ چاہندے ہِن پر یُوناہ نبی دے نشان دے علاوہ بِیا کوئی نشان اُنہاں کُوں نہ ڈِتا ویسی۔

1کُرِنتھِیوں 1:20

کِتھاں ہے دانش مند؟ کِتھاں ہے شریعت دا عالم؟ کِتھاں ہے اِیں جہان دا بحث کرݨ آلا؟ کیا خُدا دُنیا دی حِکمت کُوں بیوقُوفی نئیں کھڑایا؟

1کُرِنتھِیوں 1:21

کیوں جو خُدا آپنڑی حِکمت دے مطابق ایہ فیصلہ کیتے جو دُنیا آلے آپنڑی حِکمت نال خُدا کُوں نہ جانڑݨ بلکہ خُدا کُوں ایہ پسند آیا جو اِیں بیوقُوفی دے پیغام دے وسیلے نال جیندی اساں تبلیغ کریندے ہیں اِیمان گِھن آوݨ آلیاں کُوں نجات بخشے۔