یعقُوب 4:3 - کِتاب مُقدّس سرائیکی ترجمہ

³ تے جِیں ویلے منگدے ہیوے تاں مِلدا نئیں کیوں جو بُری نیّت نال منگدے ہیوے تاں جو آپنڑیاں نفسانی خواہشاں کُوں پُورا کر سگو۔

یعقُوب 4:3 Referans Kwoze

1 یُوحنّا 5:14

ساکُوں خُدا اُتے ایہ اعتماد ہے جو اساں جیہڑا کُجھ اُوندی مرضی دے مطابق منگدے ہیں، او ساڈی سُنڑدے۔

1 یُوحنّا 3:22

تے اساں جیہڑا کُجھ اُوں کنُوں منگدے ہیں، او ساکُوں اُوندی طرفوں مِل ویندے، کیوں جو اساں اُوندے حُکماں اُتے عمل کریندے ہیں تے اُوہو کریندے ہیں جیہڑا اُونکُوں پسند ہے۔

یعقُوب 4:1

تُہاڈے ءچ لڑائیاں تے جھیڑے کِتھوں آ گئے۔ کیا او اُنہاں نفسانی خواہشاں تُوں نئیں جیہڑیاں تُہاڈے ءچ فساد پیدا کریندیاں ہِن؟

لُوقا 15:13

بہُوں ڈینہہ نہ لنگھے جو چھوٹے پوتر آپنڑا سارا مال جمع کیتا تے دُور دراز مُلک کُوں روانہ تھی گِیا تے اُتھاں ساری دولت عیش و عشرت ءچ اُڈا ڈِتی۔

مرقس 10:38

پر یسُوع اُنہاں کُوں آکھیا، ”تُساں نئیں جانڑدے جو کیا منگدے ہیوے۔ ڈُکھ دا جیہڑا پیالہ مَیں پِیوݨ آلا ہاں، کیا تُساں او پی سگدے ہیوے؟ تے جیہڑا بپتسمہ مَیں گِھننڑ آلا ہاں، تُساں گِھن سگدے ہیوے؟“

متّی 20:22

پر یسُوع جواب ءچ آکھیا، ”تُساں نئیں جانڑدے جو کیا منگدے ہیوے۔ کیا تُساں ڈُکھ دا او پیالہ پی سگدے ہیوے جیہڑا مَیں پِیوݨ آلا ہاں؟“ اُنہاں اُونکُوں آکھیا، ”اساں پی سگدے ہیں۔“

لُوقا 15:30

پر جِیں ویلے تیڈا ایہ پوتر سارا مال طوائفاں ءچ اُڈا تے آیا تاں تُوں اُوندے کیتے موٹا تازہ گابا ذبح کروا یا۔‘

لُوقا 11:10

کیوں جو جیہڑا منگدے اُونکُوں مِلدے، تے جیہڑا گولھیندے او پیندے، تے جیہڑا کھڑکیندے اُوندے کیتے کھولیا ویندے۔