یعقُوب 4:11 - کِتاب مُقدّس سرائیکی ترجمہ

¹¹ بِھراؤ، تُساں آپس ءچ ہِک ڈُوجھے دی بدگوئی نہ کرو۔ جیہڑا آپنڑے بِھرا دی بدگوئی کریندے یا اُوندے اُتے اِلزام لیندے، او شریعت دی بدگوئی کریندے تے اُوندے اُتے اِلزام لیندے۔ تے جے تُوں شریعت اُتے اِلزام لیندیں تاں تُوں شریعت اُتے عمل کرݨ دی بجائے اُوندی عدالت کریندیں۔

یعقُوب 4:11 Referans Kwoze

1 پطرس 2:1

اِیں واسطے ہر قِسم دی بُرائی، فریب، منافقت، حسد تے بدگوئی کُوں چھوڑ ڈیؤ۔

رومیوں 2:1

اِیں واسطے اِلزام لاوݨ آلے، تُوں جیہڑا کوئی وی ہونویں تیڈے کولھ کوئی بہانہ نئیں۔ کیوں جو جڈاں تُوں ڈُوجھے اُتے اِلزام لیندیں تے خود اُوہو کم کریندیں تاں اِینویں آپنڑے آپ کُوں مُجرم بنڑیندیں۔

یعقُوب 5:9

بِھراؤ! ہِک ڈُوجھے دی شکایت نہ کرو تاں جو تُہاڈی عدالت نہ تھیوے۔ ڈیکھو! مُنصف دروازے اُتے کھڑے۔

لُوقا 6:37

عیب جوئی نہ کرو، تُہاڈی وی عیب جوئی نہ کیتی ویسی۔ مُجرم نہ بنڑاؤ، تُساں وی مُجرم نہ بنڑائے ویسو۔ معاف کرو، تُہاکُوں وی معاف کیتا ویسی۔

1کُرِنتھِیوں 4:5

اِیں واسطے تُساں وقت کنُوں پہلے کہیں گالھ دا فیصلہ نہ کرو بلکہ خُداوند دے آوݨ دا انتظار کرو۔ جیہڑے گالھیں اندھارے ءچ لُکے ہوئے ہِن او اُنہاں کُوں روشنی ءچ گِھن آسی تے لوکاں دے دل دے منصوبے ظاہر کریسی۔ اُوں ویلے ہر ہِک دی تعریف خُدا دی طرفوں کیتی ویسی۔

اِفِسیوں 4:31

ہر قِسم دی نفرت، قہر، تکرار، بدگوئی تے بُرائی کُوں آپنڑے ءچوں کڈھ ڈیؤ۔

2کُرِنتھِیوں 12:20

کیوں جو میکُوں ڈر ہے جو کِتھائیں اِینویں نہ تھیوے جو جڈاں مَیں آواں تاں جِینویں مَیں چاہندا ہاں تُہاکُوں اُونویں نہ پاواں، تے جِینویں تُساں چاہندے ہیوے میں اُونویں نہ ہوواں۔ میکُوں ڈر ہے جو تُہاڈے ءچ جھیڑے، حسد، کاوڑ، خود غرضی، بدزبانی، چُغل خوری، شیخی تے فساد ہوسن۔

2 تِیمُتھِیُس 3:3

محبت تُوں خالی، سخت دل، بدنام کرݨ آلے، آپنڑے نفس اُتے قابو نہ رکھنڑ آلے، ظالم، نیکی دے دُشمنڑ،

1 تِیمُتھِیُس 3:11

اُنہاں دی ذالاں کُوں وی چاہیدے جو او سنجیدہ ہووݨ، ڈُوجھیاں کُوں بدنام کرݨ آلیاں نہ ہووݨ بلکہ پرہیز گار تے ہر گالھ ءچ اِیماندار ہووݨ۔

رومیوں 7:7

بس اساں کیا آکھوں؟ کیا شریعت گُناہ ہے؟ ہرگز نئیں بلکہ جے شریعت نہ ہوندی تاں میکُوں گُناہ دا پتہ نہ لگدا۔ مثلاً جے شریعت ایہ نہ آدھی جو ”تُوں لالچ نہ کر“ تاں میکُوں لالچ دا پتہ نہ چلدا۔

رومیوں 2:13

کیوں جو شریعت کُوں سُنڑݨ آلے خُدا دی نِگاہ ءچ راستباز نئیں ہوندے بلکہ شریعت اُتے عمل کرݨ آلے ای راستباز کھڑائے ویسن۔

یعقُوب 1:25

پر جیہڑا ازادی ڈیوݨ آلی کامِل شریعت اُتے غور نال نظر کریندا راہندے، تے جیہڑا کُجھ سُنڑدے اُونکُوں بُھلدا نئیں بلکہ اُوندے اُتے عمل کریندے، او آپنڑے ہر کم ءچ برکت پیسی۔

طِطُس 2:3

اِینویں ای بزُرگ عورتاں کُوں سِکھا جو او خُدا پرست زندگی گُزارݨ۔ او تُہمت لاوݨ آلیاں تے شرابی نہ ہووݨ بلکہ نیک گالھیں سِکھاوݨ آلیاں ہووݨ،

یعقُوب 1:16

میڈے پیارے بِھراؤ، دوکھا نہ کھاؤ۔

یعقُوب 1:19

میڈے پیارے بِھراؤ، یاد رکھو جو ہر بندہ سُنڑݨ ءچ تیز، بولنڑ ءچ اتاولا نہ ہووے تے جلدی کوڑیجنڑ آلا نہ ہووے۔

یعقُوب 2:8

پر جے تُساں خُدا دے کلام دے اِیں شاہی فرمان اُتے جو ”آپنڑے ہمسائے نال آپنڑے وانگُوں محبت رکھ“ عمل کریندے ہیوے تاں چنگا کریندے ہیوے۔

یعقُوب 5:7

اِیں کیتے بِھراؤ! خُداوند دے آوݨ تئیں صبر کرو۔ کِسان کُوں ڈیکھو، جیہڑا زمین ءچوں قیمتی پیداوار حاصل کرݨ کیتے خزاں تے بہار دے مینہ دا صبر نال اِنتظار کریندے۔

یعقُوب 5:10

بِھراؤ! جیہڑے نبیاں خُداوند دے ناں نال کلام کیتا، اُنہاں کُوں ڈُکھ چاوݨ تے صبر کرݨ دا نمونہ سمجھو۔