یعقُوب 3:17 - کِتاب مُقدّس سرائیکی ترجمہ

¹⁷ پر جیہڑی حِکمت اسمان کنُوں آندی ہے، اوّل تاں او پاک ہوندی ہے، وَل امن پسند، نرم مزاج تے تربیت قبول کرݨ آلی ہوندی ہے تے رحم تے چنگے کماں نال بھری ہوندی ہے۔ اُوندے ءچ طرفداری تے منافقت نئیں ہوندی۔

یعقُوب 3:17 Referans Kwoze

یعقُوب 3:15

ایجھی حِکمت اسمان کنُوں نئیں لہندی بلکہ دُنیاوی، نفسانی تے شیطانی ہے۔

رومیوں 12:9

محبت ڈِکھاوے دی نہ ہووے۔ بُرائی کنُوں نفرت رکھو۔ نیکی کُوں پکڑی رکھو۔

یعقُوب 1:17

ہر چنگی برکت تے کامِل نعمت اسمان کنُوں خُدا دی طرفوں مِلدی ہے جیہڑا نُوراں دا خالق ہے۔ اُوندے ءچ نہ تبدیلی آندی ہے تے نہ ای او پچھانویں وانگُوں تبدیل تھیندے۔

یعقُوب 1:5

جے تُہاڈے ءچوں کہیں ءچ حِکمت دی کمی ہووے تاں او خُدا کنُوں منگے جیہڑا جِھڑکے بغیر ساریاں کُوں فیاضی نال ڈیندے تے خُدا اُونکُوں ڈیسی۔

1 یُوحنّا 3:18

بالو! اساں صرف کلام تے زبان نال ای نئیں بلکہ سچائی تے آپنڑے اعمال نال وی محبت کرُوں۔

1 پطرس 1:22

تُساں سچائی دے تابع تھی تے آپنڑے آپ کُوں پاک کیتے، جیندی وجہ کنُوں بِھرانواں ءچ سچی محبت پیدا تھئی۔ اِیں واسطے آپس ءچ دل و جان نال محبت رکھو۔

متّی 5:8

مُبارک ہِن او جیہڑے پاک دل ہِن، کیوں جو او خُدا کُوں ڈیکھسن۔

1 یُوحنّا 3:3

تے جیہڑا کوئی یسُوع تُوں ایہ اُمید رکھیندے، او آپنڑے آپ کُوں پاک رکھیندے، جِینویں او خود پاک ہے۔

لُوقا 21:15

کیوں جو مَیں تُہاکُوں ایجھی زبان تے حِکمت عطا کریساں جو تُہاڈا کوئی وی مخالف نہ تاں تُہاڈا سامنڑا کر سگسی تے نہ تُہاڈے گالھیں کُوں غلط ثابت کر سگسی۔

لُوقا 6:36

جِینویں تُہاڈا باپ رحیم ہے، تُساں وی رحم دل ہووو۔

عبرانیوں 12:14

ہِک ڈُوجھے نال صُلح سلامتی نال راہو تے اُوں پاکیزگی دے طالب راہو، جیندے بغیر کوئی خُداوند کُوں نہ ڈیکھسی۔

2 تِیمُتھِیُس 2:24

تے خُداوند دے خادم کُوں جھیڑا نئیں کرنڑا چاہیدا بلکہ او ساریاں نال نرمی نال پیش آوے، تعلیم ڈیوݨ دے لائق تے برداشت کرݨ آلا ہووے۔

1 پطرس 2:1

اِیں واسطے ہر قِسم دی بُرائی، فریب، منافقت، حسد تے بدگوئی کُوں چھوڑ ڈیؤ۔

یعقُوب 2:4

تاں کیا تُساں طرفداری نہ کیتی تے بدنیتی نال فیصلہ نہ کیتا؟

عبرانیوں 12:11

ہُنڑ ہر طرحاں دی تربیت ساکُوں ڈُکھ دا سبب لگدی ہے، خوشی دا نئیں۔ پر جیہڑے اُونکُوں سہہ سہہ تے پکّے تھی ویندن، او بعد ءچ سکون تے راستبازی دا پھل پیندن۔

کلُسِّیوں 1:10

تاں جو تُہاڈا چال چلنڑ خُداوند دے لائق ہووے تے اُونکُوں ہر طرحاں پسند آوے۔ تے تُساں ہر چنگے کم ءچ پھلدار بنڑو تے خُدا دی پچھاݨ ءچ ودھدے ونجو۔

رومیوں 15:14

میڈے بِھراؤ! میکُوں تُہاڈے بارے ءچ یقین ہے جو تُساں خود وی نیکی تے علم نال بھریج گئے ہیوے تے ہِک ڈُوجھے کُوں نصیحت کرݨ دے قابل وی ہیوے۔

1کُرِنتھِیوں 12:8

کہیں کُوں رُوح القُدس دی طرفوں حِکمت نال بھریا ہویا کلام ڈِتا ویندے تے کہیں کُوں اُونہئی رُوح دے وسیلے علم نال بھریا ہویا کلام۔

یعقُوب 4:8

خُدا دے نیڑے آؤ تاں او تُہاڈے نیڑے آسی۔ گُنہگارو، آپنڑے ہتھاں کُوں صاف کر گِھنو۔ تے ڈُو دِلیو، آپنڑے دِلاں کُوں پاک کر گِھنو۔

1 تِیمُتھِیُس 5:21

مَیں خُدا، مسیح یسُوع تے چُنڑے ہوئے فرشتیاں کُوں گواہ بنڑا تے تیکُوں تاکید کریندا ہاں جو اِنہاں گالھیں اُتے بغیر تعصب تے بغیر طرفداری دے عمل کر۔

اعمال 11:24

او نیک بندہ ہا تے اِیمان تے رُوح القُدس نال بھریا ہویا ہا۔ تے بہُوں سارے لوک خُداوند دی کلیسیا ءچ شامل تھی گئے۔

متّی 23:28

اِینویں ای تُساں وی باہر کنُوں تاں لوکاں کُوں نیک نظر آندے ہیوے پر اندرُوں منافقت تے بے دینی کنُوں بھرے پئے ہیوے۔

1تھِسّلُنیکیوں 2:7

اِیندے بجائے، جِینویں ہِک ماء آپنڑے بالاں دی نرمی نال ڈیکھ بھال کریندی ہے اُونویں ای اساں وی تُہاڈے وچال نرمی نال ریہے۔

فِلِپّیوں 4:8

بِھراؤ، آخری گالھ ایہ ہے جو جِتّی گالھیں سچیاں ہِن، جِتّی گالھیں شرافت دیاں ہِن، جِتّی گالھیں اِنصاف دیاں ہِن، جِتّی گالھیں پاک ہِن تے جِتّی گالھیں سوہنڑیاں تے چنگیاں لگدیاں ہِن یعنی جِتّی گالھیں نیک تے تعریف دے لائق ہِن، اُنہاں اُتے غور کریندے راہو۔

فِلِپّیوں 1:11

تے یسُوع مسیح دے وسیلے نال راستبازی دے پھل نال بھریندے راہو۔ تے اِینویں خُدا دے جلال دی تعریف تھیوے۔

اعمال 9:36

تے یافا ءچ ہِک شاگردہ ہئی جِیندا ناں تبِیتا ہئی جِیندا مطلب ہرنی ہے، او بہُوں ای نیک کم کریندی تے خیرات کریندی راہندی ہئی۔

یُوحنّا 1:47

یسُوع نتن ایل کُوں آندے ڈِٹھا تاں اُوندے بارے آکھیا، ”ڈیکھو! ایہ اصلی اِسرائیلی ہے، اِیندے ءچ مکر نئیں۔“

یُوحنّا 1:14

کلام جِسم اِختیار کیتا تے ساڈے وچال راہندا ریہا۔ اساں اُوندا جلال ڈِٹھا جیہڑا فضل تے سچائی نال بھریا ہویا ہا، ایجھا جلال جِینویں باپ دے اِکلوتے پوتر دا ہوندے۔

طِطُس 3:2

کہیں دی بدگوئی نہ کرݨ، تکراری نہ ہووݨ بلکہ نرم دل ہووݨ تے سبھ لوکاں نال بہُوں حلیمی نال پیش آوݨ۔

طِطُس 1:15

جیہڑے خود پاک ہِن اُنہاں کیتے سبھ چیزاں پاک ہِن، پر ناپاک تے اِیمان نہ رکھنڑ آلیاں کیتے کوئی چیز پاک نئیں، کیوں جو اُنہاں دی عقل تے دل ڈوہائیں ناپاک ہِن۔

رومیوں 12:18

جئیں تئیں ممکن ہووے تُساں آپنڑی طرفوں ہر اِنسان نال صُلح رکھو۔

اِفِسیوں 5:9

کیوں جو نُور دا پھل ہر طرحاں دی نیکی، پرہیزگاری تے سچائی ہے۔

2کُرِنتھِیوں 10:1

ہُنڑ مَیں پولُس جیندے بارے ءچ کُجھ لوک آدھے ہِن جو تُہاڈے سامنڑے تاں عاجز ہاں پر غیر حاضری ءچ دلیر ہاں، مسیح دی عاجزی تے نرمی یاد ڈیویندے ہوئے خود تُہاکُوں درخاست کریندا ہاں۔

2کُرِنتھِیوں 9:10

خُدا جیہڑا رہاوݨ آلے کُوں بیج تے کھاوݨ آلے کُوں روٹی ڈیندے، اُوہو تُہاکُوں وی بیج ڈیسی بلکہ تُہاڈے بیج دے ذخیرے کُوں ودھیسی تے تُہاڈی راستبازی دی فصل کُوں زیادہ کریسی۔

متّی 5:9

مُبارک ہِن او جیہڑے صُلح کرویندے ہِن، کیوں جو او خُدا دے پوتر اکھویسن۔

2کُرِنتھِیوں 6:6

پاکیزگی، علم، تحمل، مہربانی، رُوح القُدس، سچی محبت،

2کُرِنتھِیوں 7:11

بس ڈیکھو، او ڈُکھ جیہڑا خُدا دے مقصد دے مطابق ہا، اُوں تُہاڈے ءچ کتنا جوش، آپنڑا دفاع کرݨ دا کِتنا شوق، کِتنی ناراضگی، کِتنا ڈر، کِتنی سِک تے کِتنی غیرت پیدا کر ڈِتی تے سزا ڈیوݨ دی کِتنی تیاری۔ تُساں ہر لحاظ نال ثابت کر ڈِتے جو تُساں اِیں معاملے ءچ بے قصُور ہیوے۔

یعقُوب 2:13

کیوں جو جئیں رحم نئیں کیتا، اُوندا اِنصاف بغیر رحم دے کیتی ویسی پر رحم اِنصاف اُتے غالب آندے۔

1 پطرس 2:18

نوکرو! وڈے احترام نال آپنڑے مالکاں دے تابع راہو، نہ صرف نیکاں تے رحم دِلاں دے بلکہ بدمزاجاں دے وی۔