یعقُوب 3:1 - کِتاب مُقدّس سرائیکی ترجمہ

¹ میڈے بِھراؤ! تُہاڈے ءچوں بہُوں سارے کلام سِکھاوݨ آلے نہ بنڑݨ کیوں جو تُساں جانڑدے ہیوے جو خُدا ڈُوجھیاں دے مُقابلے ءچ اساں اُستاداں دی زیادہ سختی نال عدالت کریسی۔

یعقُوب 3:1 Referans Kwoze

1 تِیمُتھِیُس 1:7

او شریعت دے عالم بنڑݨ چاہندے ہِن پر جیہڑے گالھیں او آدھے ہِن تے جِنہاں دا یقین نال دعویٰ کریندے ہِن، اُنہاں کُوں خود وی نئیں سمجھدے۔

1 پطرس 5:3

تے جیہڑے لوک تُہاڈے سپُرد ہِن اُنہاں اُتے حُکم نہ چلاؤ بلکہ اِجڑ کیتے چنگا نمونہ بنڑو۔

1کُرِنتھِیوں 12:28

تے خُدا کلیسیا ءچ پہلے رسُول، ڈُوجھے نبی، تریجھے اُستاد، وَل معجزے ڈِکھاوݨ آلے، وَل شِفا ڈیوݨ دی نعمت آلے، مددگار، اِنتظام چلاوݨ آلے، تے طرحاں طرحاں دیاں زباناں بولنڑ آلے مقرر کیتے۔

متّی 23:13

منافق شریعت دے عالمو تے فریسیو، تُہاڈے اُتے افسوس۔ تُساں اسمان دی بادشاہی لوکاں کیتے بند کریندے ہیوے۔ نہ تاں آپ داخل تھیندے ہیوے تے نہ اُنہاں کُوں جیہڑے داخل تھیوݨ چاہندے ہِن داخل تھیوݨ ڈیندے ہیوے۔

1 تِیمُتھِیُس 2:7

اِیں مقصد کیتے میکُوں تبلیغ کرݨ آلا تے رسُول تے غیر قوماں کُوں اِیمان تے سچائی دے گالھیں سِکھاوݨ آلا مقرر کیتا گِیا۔ مَیں کُوڑ نئیں مریندا بلکہ سچ آدھا ہاں۔

اِفِسیوں 4:11

اُوں کُجھ لوکاں کُوں رسُول، کُجھ کُوں نبی، کُجھ کُوں تبلیغ کرݨ آلے تے کُجھ کُوں نگہبان تے کُجھ کُوں اُستاد بنڑایا،

2کُرِنتھِیوں 5:10

کیوں جو اساں ساریاں کُوں مسیح دے تختِ عدالت دے سامنڑے حاضر تھیونڑاں ہے تاں جو ہر بندہ آپنڑے کماں دا بدلہ پاوے جیہڑے اُوں آپنڑے بدن ءچ راہندے ہوئے کیتے ہِن، بھانویں چنگے ہِن یا بُرے۔

عبرانیوں 13:17

آپنڑے راہنماواں دے تابع دار تے فرمانبردار راہو کیوں جو او تُہاڈی رُوحانی نِگرانی کریندے ہِن، ایہ جانڑدے ہوئے جو اِیں خدمت دا حساب ڈیونڑا پوسی۔ اُنہاں دے فرمانبردار راہو تاں جو آپنڑا کم خوشی نال کرݨ نہ جو شکایت نال، کیوں جو اِیں صورت ءچ تُہاکُوں کوئی فائدہ نہ تھیسی۔

لُوقا 16:2

بس اُوں، اُونکُوں سڈ تے آکھیا جو ’ایہ کیا ہے جیہڑا مَیں تیڈے بارے ءچ سُنڑدا پِیا ہاں؟ سارا حساب کتاب میکُوں ڈے، کیوں جو ہُنڑ کنُوں تُوں میڈا مُنشی نئیں رہ سگدا۔‘

2 تِیمُتھِیُس 1:11

خُدا میکُوں اِیں خوشخبری دی تبلیغ کرݨ آلا، رسُول تے اُستاد مقرر کیتا۔

یُوحنّا 3:10

یسُوع جواب ءچ اُونکُوں آکھیا، ”اِسرائیل دا اُستاد ہوندے ہوئے وی تُوں ایہ گالھیں کیوں نئیں سمجھدا؟

متّی 10:24

شاگرد آپنڑے اُستاد کنُوں وڈا نئیں ہوندا تے نہ ای نوکر آپنڑے مالک کنُوں۔

لُوقا 6:37

عیب جوئی نہ کرو، تُہاڈی وی عیب جوئی نہ کیتی ویسی۔ مُجرم نہ بنڑاؤ، تُساں وی مُجرم نہ بنڑائے ویسو۔ معاف کرو، تُہاکُوں وی معاف کیتا ویسی۔

متّی 9:11

فریسیاں ایہ ڈِٹھا تاں اُوندے شاگرداں کُوں آکھیا، ”تُہاڈا اُستاد محصُول گِھننڑ آلیاں تے گُنہگاراں دے نال کیوں کھاندے؟“

اعمال 13:1

انطاکِیہ دی کلیسیا ءچ کئی نبی تے اُستاد ہَن یعنی برنباس تے شمعون جیہڑا کالا اکھویندے تے لُوکِیُس کُرینی تے مناہیم جیہڑا چوتھائی مُلک دے حاکم ہیرودیس دے نال پلیا ہا تے ساؤل۔

یعقُوب 1:16

میڈے پیارے بِھراؤ، دوکھا نہ کھاؤ۔

یعقُوب 1:19

میڈے پیارے بِھراؤ، یاد رکھو جو ہر بندہ سُنڑݨ ءچ تیز، بولنڑ ءچ اتاولا نہ ہووے تے جلدی کوڑیجنڑ آلا نہ ہووے۔

یعقُوب 3:10

ہِکو مُنہ ءچوں برکت تے لعنت نِکلدی ہے۔ میڈے بِھراؤ، اِینویں تاں نئیں ہوونڑا چاہیدا۔

متّی 23:14

[منافق شریعت دے عالمو تے فریسیو، تُہاڈے اُتے افسوس۔ تُساں بیوہ عورتاں دے گھراں اُتے قبضہ کر گِھندے ہیوے تے ڈِکھاوݨ کیتے لمبیاں لمبیاں دُعاواں کریندے ہیوے۔ تُہاکُوں زیادہ سزا مِلسی۔]