یعقُوب 2:8 - کِتاب مُقدّس سرائیکی ترجمہ

⁸ پر جے تُساں خُدا دے کلام دے اِیں شاہی فرمان اُتے جو ”آپنڑے ہمسائے نال آپنڑے وانگُوں محبت رکھ“ عمل کریندے ہیوے تاں چنگا کریندے ہیوے۔

یعقُوب 2:8 Referans Kwoze

گلتِیوں 5:14

کیوں جو ساری شریعت اِیں ہِک گالھ ءچ ای پُوری تھی ویندی ہے جو ”تُوں آپنڑے ہمسائے نال آپنڑے وانگُوں محبت رکھ۔“

یعقُوب 2:12

اِیں واسطے تُساں جیہڑا کُجھ وی اکھیندے یا کریندے ہیوے، یاد رکھو جو تُہاڈی عدالت ازاد کرݨ آلی شریعت دے مطابق تھیسی۔

متّی 22:39

تے ڈُوجھا اِیندے وانگُوں ایہ ہے جو آپنڑے ہمسائے نال آپنڑے وانگُوں محبت رکھ۔

گلتِیوں 6:2

ہِک بئے دا بھار چاؤ تے اِینویں ای مسیح دی شریعت کُوں پُورا کرو۔

1 پطرس 2:9

پر تُساں ہِک چُنڑی ہوئی نسل، شاہی کاہِن، مُقدّس قوم تے ایجھی اُمت ہیوے جیہڑی خُدا دی خاص ملکیت ہے، تاں جو تُساں اُوندے خُوبیاں دا اعلان کرو جئیں تُہاکُوں اندھارے ءچوں آپنڑی حیران کرݨ آلی روشنی ءچ سڈیا ہے۔

یعقُوب 1:25

پر جیہڑا ازادی ڈیوݨ آلی کامِل شریعت اُتے غور نال نظر کریندا راہندے، تے جیہڑا کُجھ سُنڑدے اُونکُوں بُھلدا نئیں بلکہ اُوندے اُتے عمل کریندے، او آپنڑے ہر کم ءچ برکت پیسی۔

1تھِسّلُنیکیوں 4:9

ہُنڑ برادرانہ محبت دے بارے ءچ کُجھ لِکھنڑ دی ضرورت نئیں کیوں جو خُدا خود تُہاکُوں ہِک ڈُوجھے نال محبت کرݨ سِکھائے،

فِلِپّیوں 4:14

وَل وی تُساں چنگا کیتے جو میڈی مُصیبت ءچ شامل تھئے۔

متّی 25:23

اُوندے مالک اُونکُوں آکھیا، ’شاباش میڈے چنگے تے اِیماندار نوکر۔ تُوں تھوڑے ءچ اِیماندار ریہا، مَیں تیکُوں بہُوں ساریاں چیزاں دا مُختار بنڑیساں۔ آپنڑے مالک دی خوشی ءچ شریک تھی۔‘

یعقُوب 2:19

تُوں اِیمان رکھیندیں جو خُدا ہِک ای ہے۔ بہُوں چنگا کریندیں، ایہ تاں بدرُوحاں وی منیندیاں ہِن تے ڈر تے کمبدیاں ہِن۔

متّی 25:21

اُوندے مالک اُونکُوں آکھیا، ’شاباش میڈے چنگے تے اِیماندار نوکر۔ تُوں تھوڑے ءچ اِیماندار ریہا۔ مَیں تیکُوں بہُوں ساریاں چیزاں دا مُختار بنڑیساں۔ آپنڑے مالک دی خوشی ءچ شریک تھی۔‘

متّی 7:12

بس جِینویں تُساں چاہندے ہیوے جو لوک تُہاڈے نال کرݨ تُساں وی اُنہاں نال اُونویں ای کرو، کیوں جو توریت تے نبیاں دی تعلیم اِیہو ہے۔

رومیوں 13:10

محبت آپنڑے ہمسائے نال بُرائی نئیں کریندی اِیں واسطے محبت کرݨ شریعت کُوں پُورا کرݨ ہے۔

یعقُوب 4:11

بِھراؤ، تُساں آپس ءچ ہِک ڈُوجھے دی بدگوئی نہ کرو۔ جیہڑا آپنڑے بِھرا دی بدگوئی کریندے یا اُوندے اُتے اِلزام لیندے، او شریعت دی بدگوئی کریندے تے اُوندے اُتے اِلزام لیندے۔ تے جے تُوں شریعت اُتے اِلزام لیندیں تاں تُوں شریعت اُتے عمل کرݨ دی بجائے اُوندی عدالت کریندیں۔